牛腩
牛腩

大埔基哥一品清湯腩 盆菜老字號賣牛腩粉麵+火鍋|區區搵食

飲食

廣告

大埔粉麵店林立,要在區內突圍而出就要花點新意,最近又有一間粉麵店插旗,父子檔拍住上,爸爸是區內著名老字號忠誠盆菜老闆,今次開清湯腩店,同樣功架十足,除了有清甜軟腍的牛腩外,竟然大玩二人份清湯腩火鍋,清香惹味,店內更提供脆皮豬手、咖喱牛腩飯,令客人食指大動!

撰文:譚偉健 攝影:Woody

大埔老字號盆菜店老闆
曾推車仔賣清湯牛腩

基哥是老字號忠誠盆菜老闆,今次特意和細仔二人開設清湯腩店,除了希望細仔跟他學做生意外,同時對清湯腩都有一點情意結。原來早在八十年代,忠誠盆菜還未出現時,基哥已夥拍朋友在太和一帶推車仔賣清湯腩粉麵。後來他開始做盆菜,清湯腩變成私房出品,只在私房舖裏供應,只是吃過的朋友都讚不絕口,讓基哥一直深感自豪。

清、鮮、爽、甜!
清湯腩配方:5斤肉+2斤骨煮湯

店內的清湯腩配方,和其他名店有點不同,不用新鮮腩,反而用冰鮮美國牛腩。老闆認為美國牛腩一樣有牛味,只要湯頭香料火路配合到,一樣好食,他很坦言沒有所謂的秘方,食材都是十磅湯,五斤肉、兩斤骨,再配甘草、桂皮、八角、胡椒等等香料,另有新疆紅棗、花膠、螺頭和牛骨熬製,做到清、鮮、爽、甜的湯底。

清湯牛腩又炆又焗 軟腍入味

老闆每天一早就會入廚房,試湯頭和檢查牛腩品質,一發現問題,就即刻調校,確定出品沒問題才放心。基哥想牛腩炆至軟腍入味,肉骨斤両要秤到剛剛好,最緊要記得凍水落牛腩,落冰糖汶,牛肉入面的蛋白質不會崩緊,滾起收中火,中火炆個半鐘,熄火再焗半個鐘,就會炆得鬆軟入味,令客人食得津津有味。

基哥一品清湯腩

地址 :大埔富善街6-14號永祥大廈地下D9舖(顯示地圖
電話:2513 6828
營業時間: 星期一至日9am- 9pm
FB專頁:基哥一品清湯腩
備註:只收現金

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..