台女好心借千五蚊港元改機票 港男一上機即封鎖聯絡方法
台女好心借千五蚊港元改機票 港男一上機即封鎖聯絡方法

台女好心借千五蚊港元改機票 港男一上機即封鎖聯絡方法

有時出於好心幫人未必有回報,但係至少自己個心都舒服啲。不過近日就有一名台灣女子喺Facebook「爆料公社」發文,指自己被一名自稱香港人姓羅嘅男人呃走港幣千五蚊,仲話估唔到自己好心幫港人,但係換嚟嘅係失望。

撰文:Evita | 圖片:Facebook、新傳媒圖片庫

台女好心借港男千五蚊改機票

日前一名台灣女子喺Facebook發文,指上月底喺台北車站往機場捷運方向巧遇自稱羅先生嘅香港人,話所有證件同現金都被偷,隨即問台女借6000台幣(約港幣1500)以便改機票回港。

機票
台女男朋友都係香港人,上月30日會飛往香港找男友,羅先生就話等台女飛到香港時會還錢畀佢

羅先生留低電話號碼同埋Facebook 等聯絡方法以作保證,借錢後仲一直有同台女報告位置。

到機場check in時亦有拍片畀台女

羅先生上機後都有影相畀台女睇,證明自己真係用筆錢去搭飛機而唔係偷呃拐騙。

點知羅先生一到埗後立即封鎖台女同其香港男友,台女唯有留低一句:「我蠻失望我真心幫助你,結果你卻欺騙我」。

台女亦有將羅先生Facebook截圖擺上網,見到羅先生聲稱自己住喺屯門,於澳門工作。

不過事件被揭發後,就已經搜尋唔到該帳戶。而呢件事亦令台女表示:「以後不要隨便相信人了」。有網民就話台女應該要諗吓,羅先生話自己護照被偷又點樣上飛機呢?

最新吃喝玩樂資訊