得返100蚊要生存11日 巴打呻:「無錢到連工都返唔到」
得返100蚊要生存11日 巴打呻:「無錢到連工都返唔到」

得返100蚊要生存11日 巴打呻:「無錢到連工都返唔到」

「錢唔係萬能,但係無錢就萬萬不能」,相信有唔少人都聽過呢句說話。現今要生存嘅最基本就係要「錢」,近日就有網民問得返100蚊點生存到下個月7號,引嚟眾多巴打絲打暖心回應,究竟係咩事呢?

撰文:Evita | 圖片:連登討論區、電影劇照

為父還債巴打只剩100蚊現金

有網民喺連登討論區以「身上得番100蚊點生存到下個月7號」為題,指屋企人欠債,自己每月收入$19000,但係還錢就已經要畀萬六蚊,無錢到有時連工都返唔到,仲話有個互有好感嘅女仔,都因為驚害咗人而唔夠膽去追人。」引嚟大批網民熱議。

《男人唔可以窮》電影劇照

根據樓主所講,就話係阿爸個朋友走咗佬,而阿爸堅持出糧畀員工先將鋪頭結業,於是唔夠錢都寧願借筆錢返嚟出糧畀人先。而家阿爸有返酒樓幫補吓,但係返得唔多。

有網民就話100蚊都可以捱到3-4日,仲叫樓主問朋友借住幾百蚊先,但係樓主就話唔敢再問朋友借,再道出自己住元朗要去日出康城返工,每日車費都已經要$60。

呢位網民幾有諗頭

有人就提議樓主將屋企雜物賣埋出去,點知樓主話電腦都一早賣咗,無嘢再可以賣喇!真係去到山窮水盡咁喎……

《一念無名》電影劇照

大家見樓主連車錢都無,於是紛紛留言叫樓主畀聯絡方法,請佢食飯又或者借住錢畀樓主先。

 

呢位網民都經歷過,所以感同身受

對於大家雪中送炭嘅舉動,樓主決心地拒絕,稱自己只係想訴苦而非乞錢!

關懷樓主嘅大有人在,但係同時都有人話樓主講大話,指出由元朗去到日出康城都只係$25.3,來回絕對唔使超過$60。此時樓主就話計錯咗,係$50先啱。無論樓主有無呃人都好,都睇得出網民們都真係好有愛啊!

最新吃喝玩樂資訊