【我最喜愛食材-榴槤篇】佐敦貓山王榴槤甜品專門店 榴槤蛋糕+布甸燒+流心芝士撻
【我最喜愛食材-榴槤篇】佐敦貓山王榴槤甜品專門店 榴槤蛋糕+布甸燒+流心芝士撻

【我最喜愛食材-榴槤篇】佐敦貓山王榴槤甜品專門店 榴槤蛋糕+布甸燒+流心芝士撻

佐敦最近多了間三層榴槤甜品店,專賣貓山王榴槤甜品,包括布甸燒、芝士撻和雪糕等,仲可以訂造榴槤花束、大蛋糕等,榴槤Fans要去!

《新假期年度我最喜愛食材選舉2019》投選你最喜愛食材!免費下載食材Whatsapp Stickers!贏雙人食材之旅!

投票網址:https://foodof2019.weekendhk.com

撰文:Joan 圖片:Tony

佐敦老樹旗艦店 貓山王榴槤甜品店

店內亦獨沽一味,專賣貓山王榴槤製品,大部分都是甜品!由於店子負責人在馬來西亞柔佛州擁有自家榴槤果園,所以全年都有A級的貓山王出產,榴槤急凍再空運到舖,平均一個多月便會運1,800個榴槤來舖,份量超多,別低估香港人對榴槤的愛!店舖樓高三層,地下是賣榴槤和甜品,上面兩層有座位可坐低慢慢食。

店內門口的雪櫃放滿甜品,種類算多。
店內的貓山王榴槤急凍後再空運到舖,想吃原個榴槤,這裡當然滿足到你。
不買整個榴槤,想買淨榴槤果肉的,這裡也有供應。最正的是店內設密封機,包好後不會傳出榴槤香,不怕搭車時被人眼睥睥。
原粒貓山王榴槤 $450/銀點、$550/藍點、$650/金點(圖為藍點)
榴槤果肉色澤金黃,每粒肉質均飽滿,食落要綿密,味道有齊甘、苦、甜才叫頂級。
貓山王榴槤急凍後非常易開,尖刺亦不太扎手。不需要用大刀,用隻細湯匙從榴槤底部開始順紋路刮開,硬殼便會順勢破開,非常方便。

由即日起至3月31日,貓山王更有8折,喜歡的朋友要把握時間去食個夠!

貓山王榴槤Tea Set

榴槤Fans想一次過食幾款甜品的,可以選擇新推出的貓山王Tea,Tea內共有3款招牌甜品,包括特濃蛋糕、芝士撻和北海道雪糕,原價$135,最近特價$68,非常抵食!

特濃貓山王蛋糕外形是個迷你版榴槤,尖刺是斑蘭忌廉唧成,做得像真。另可單買$45/個。
切開是斑蘭海棉綿蛋糕和榴槤肉相間,食落味道較清香,斑蘭香和榴槤香並重。
法式貓山王燉蛋 另可單買,$40/個
燉蛋下層是一絲絲的榴槤果肉,入口香氣湧喉!燉蛋亦夠滑身,配上脆脆的香甜焦糖面,好難停口!
馬卡龍雖然色彩繽紛,但裡面全部都是榴槤餡!

其他榴槤甜品:流心芝士撻+超濃味雪糕

除了Tea Set外,還有數款熱賣的榴槤甜品,人氣最高的有榴槤芝士撻和雪糕。前者是由日本師傅製作,牛油撻皮在店內焗製,再加上厚厚一層榴槤果肉和唧上芝士漿焗香,可選熱食或凍食,熱的芝士餡會一湧而出;凍食的反而榴槤香會更突出,各適其適。另外雪糕是記者私心推介,入口軟滑,不用1秒榴槤香已直衝味蕾,甜度雖高,但也停不了口!

貓芝撻(旗艦芝士貓山撻) $25 買5送1
芝士撻有熱有凍,牛油撻底內先鋪上一層榴槤果肉,再加日本芝士漿焗製,熱食會有流心效果,凍食的則榴槤味道更突出。
榴槤雪糕(杯裝)$60
之前只限星期六日推出的貓山王雪糕,而家日日供應!貓山王雪糕份量多,一杯可夠兩人Share!記者覺得雪糕杯是全場最濃榴槤香的甜品,輕輕一啖已有果香直逼味蕾,欲罷不能,這個要試!
貓甸燒(貓山王布甸燒) $45
由榴槤果肉、布甸和焦糖汁做成,食時要多買一個碟仔把布甸倒出,焦糖汁就會淋在整個布甸表面,質感滑溜,但榴槤味較輕怡,不愛重口味的可試這款。
貓山杯 $45
即是原味的戚風蛋糕再加上貓山王漿,榴槤漿在蛋糕中間,食時可把蛋糕蘸上香味突出的榴槤漿,不夠喉的,可加錢在蛋糕上擠上軟雪糕。
榴槤瑞士卷(左起:原味榴槤、咖啡榴槤、紫薯榴槤)$45/件
店內亦有多款花茶,有蘋果薄荷、焦糖和玫瑰口味,飲完一掃榴槤口氣,不怕朋友投訴。
另外店內也有賣1磅以上的榴槤蛋糕,不過就要3日前預訂。
最搞笑的是有賣榴槤花束,原個貓山王榴槤插在花內,影完相可即食,非常實用!$1380,包送貨
由地下行上二樓和三樓,樓梯兩旁都畫上榴槤主題的壁畫,色彩好繽紛。
二樓和三樓都設有座位,想Chill點的也可到露台坐坐。
老樹旗艦店

老樹旗艦店
地址:九龍佐敦白加士街105號(顯示地圖)
電話:28865573
營業時間:星期一至四 12nn-1030pm、星期五至日12nn-11:30pm
備註:收現金及信用卡

新假期年度我最喜愛食材選舉2019!投票即下載Whatsapp Stickers!贏免費雙人食材之旅

最新吃喝玩樂資訊