叫兩間外賣金額調轉畀  食客叫外賣員自行追數 老闆得悉事件決定……
叫兩間外賣金額調轉畀  食客叫外賣員自行追數 老闆得悉事件決定……

叫兩間外賣金額調轉畀 食客叫外賣員自行追數 老闆得悉事件決定……

相信有唔少讀者都試過嗌外賣,食飯要畀錢係理所當然嘅事,但係近日就有外賣員投稿至Facebook專頁「西客之道 HIspitality Secret」指有同事送外賣到一間公司,客人畀唔齊錢仲話返外賣員轉頭,老細得知情況後做出以下決定,獲得大批網民讚好!

撰文:Evita | 圖片:[email protected]西客之道 HIspitality Secret

食客叫兩間外賣金額調轉畀

近日有網民投稿至Facebook專頁,內容係指有外賣同事送飯盒($38)去某公司,但係客人A只係畀$36,仲堅持自己已經數清楚。同時客人B就話:「係咪頭先阿姐嗰$36拎錯$38嗰份啊?」外賣員就叫客人A而家畀$38,自己追返$36嗰間拎返$2,點知客人A就:「點解要我畀?又唔係我錯,你自己問佢拎囉!」簡單嚟講就係客人同時叫咗兩間餐廳嘅外賣,亦預備咗$36同$38兩份錢,但係第一間價值$36就畀咗$38,到第二間嚟到價值$38嘅餐就只收到$36。

外賣
外賣同事打返公司交代事件,老細叫佢拎返個飯盒返嚟自己食,再叫同事去投稿!

呢個post一出就獲得大批網民留言,唔少人為外賣員抱不平,話點解唔係外賣員錯但係要佢追返$2返嚟。

霸氣做法,但係驚唔驚個客人又調轉頭投訴先?
真係唔好以為外賣仔好恰
呢位網民又幾有諗頭喎

延伸閱讀:

港媽免費蒸身開擴音傾電話

蒸身館位於油麻地,近日推出免費試蒸推廣,寫明只招待女賓。惟蒸身館近日於Facebook 專頁張貼一張同客人嘅對話圖,圖中見到客人話要投訴店舖某職員態度超差,不知所謂。點知店舖負責人打咗篇「長文」回覆,直斥客人免費蒸身攞著數都算,仲要開大Speaker傾電話騷擾他人,話咗幾次都唔聽。

負責人指唔係該名員工態度超差,而係佢下令叫員工對呢位客人特別差。

負責人將呢張對話圖擺上舖頭Facebook後至今已獲7千幾個讚好,更引來大批網民留言,不少人都表示「老闆做得好」、「做服務業真係好怕遇到呢啲客人」有人話睇完更加想去蒸身添。

雖然有大批網民激讚老闆做法,但係都有小量網民認為舖頭打開門做生意,無必要小事化大。

而涉事客人就指「電話事件」之前仲有「人奶事件」,事緣佢一早向蒸身館表示要即場泵人奶餵仔仔,但係職員就叫佢去廁所同儲物室泵,期間又有運輸工人出出入入而令佢要不斷轉地方。而客人就表示「唔知蒸緊可唔可以傾電話」、「錯在一開始按咗Speaker」仲話女職員話佢會騷擾到其他人,直斥事主係免費客。

而負責人就話客人講過泵出嚟嘅奶係用嚟倒,所以職員先叫佢入廁所泵。

大家都各執一詞,誰是誰非真係難以判斷,喺公眾地方騷擾到人固然唔啱,同時亦有網民指老闆將與客人嘅對話擺上網嘅行為亦有不當。

關鍵詞
外賣投訴

最新吃喝玩樂資訊