網民:「又係呢啲豬隊友」老闆出席婚宴 司儀踢爆新人將辭職 仲話……
網民:「又係呢啲豬隊友」老闆出席婚宴 司儀踢爆新人將辭職 仲話……

網民:「又係呢啲豬隊友」老闆出席婚宴 司儀踢爆新人將辭職 仲話……

一生人一次結婚擺酒就梗係想搞得好好睇睇,為自己同賓客送上難忘嘅一夜,不過近日就有一對新人唔方唔難忘喇,皆因婚禮上嘅司儀大爆……

撰文:Evita | 圖片:東星、Facebook

婚宴司儀喺老闆面前踢爆新人將辭職

司儀嘅功用除咗帶領當日流程可以順利進行外,就係幫忙搞氣氛。近日就有網民投稿至Facebook專頁「奴工處」,指公司規模唔大,每當有同事結婚都會邀請全公司出席,包括老闆。日前有位男同事結婚,當晚新娘一名朋友擔任司儀,竟然大爆:「我知道一對新人嚟緊打算辭職一齊創業,唔再受啲衰老細氣,祝佢哋一齊喜上加喜,前程錦繡」。

司儀
示意圖
示意圖
示意圖
示意圖

唔知一對新人同司儀點收科,而「奴工處」嘅專頁管理員就表示:「新郎應該面都青埋。」有網民就搞笑地話應該叫男女主角即場遞信做回禮、屎(史)上最強MC。

延伸閱讀:

數盡遇過婚禮司儀講錯嘢一刻

自high系列

日前有巴打喺討論區大呻自己喺婚禮遇到一瘋狂司儀,樓主指該司儀喺台上竟要求爸爸與岳母親吻一下,而台下嘅賓客不但冇反對,更吶喊助威:「咀佢!咀佢!」,搞到雙方黑哂面!

婚禮

之後唔少網友開始各自分享自己嘅所見所聞!

婚禮

無厘頭系列

語無論次又唔知自己講梗咩嘅司儀又真係有唔少嘅!

玩嘢咩!叫啲ex出嚟!

呢位司儀好似搞錯咗婚宴係邊個主場喎!

開口夾着脷系列

講錯嘢都算,但講咗啲唔吉利嘅說話又係差啲嘅!

百年好合變歸老,司儀可能未訓醒!

大吉利是系列

好地地咒人死…

新人結婚禮物清單被指肉酸 網友嘲:無錢又學人擺酒

之前有網民於討論區發文,表示自己見到友人於個人社交網貼出一張結婚禮物清單,讓只出席婚禮或完全未能出席的親友選擇,親友更可按個人意願填寫「資助項目」,當中的選擇都不少,不如大家一齊睇睇有咩選擇。

結婚禮物

結婚禮物選擇

多個選擇中,「資助」項目由50蚊至500蚊或以上都有,但相信一對新人早喺諗「資助」項目上,都有體貼考慮過某啲親友嘅經濟能力,皆因有一項選擇係「祈禱祝福」,即唔洗錢就可以送上結婚禮物。

結婚禮物

樓主留言指認識一對基督徒新人即將結婚,但就見到對方貼張結婚禮物清單出嚟,「心諗乜料,禮物從來都係講心意」。

帖文一出,隨即引起一眾網民熱議,有部分人就認為呢對新人嘅做法其實喺外國係件常見之事,而且外國人「好興呢啲」,覺得列出禮物清單根本冇問題,認為係樓主大驚小怪。

有網友就笑指個禮物表好似遊戲節目嘅感覺,另有網友指覺得新人做法冇問題,因為有免費又有50蚊揀,比一般去飲嘅錢仲要平得多。

另外,亦有部分網友表示「好過收啲相架、擺設唔知點咁」,有清單就唔會造成不必要嘅浪費,仲讚呢個做法幾好。

不過,亦有網民嘲諷新人「冇錢學人擺酒行教堂」,認為列清單要求資助好「肉酸」。

雖然唔少網友嘅留言並非一面倒支持或反對呢對新人嘅做法,但兩位新人嘅做法又真係有好處,皆因真係可以減少浪費,又令親友清楚知道新人真正需要。或者大家暫時未接受呢一套,唔知大家又點睇呢?

最新吃喝玩樂資訊