擴音
擴音

開擴音傾電話被店員黑面 蒸身港媽投訴反遭老闆同網民鬧爆|網絡熱話

熱話

廣告

公眾地方開擴音傾電話,是一件相當乞人憎嘅行為,但若然屢勸不改,就真係唔好怪人唔客氣。早年前,有位媽媽去到一間蒸身館享用免費試用服務時,開擴音傾電話而被職員警告,於是投訴該職員,點知蒸身館負責人竟然霸氣回覆呢位客人,獲得大批網民稱讚係好老闆!

撰文:Evita|圖片:FB@暖心館、TVB《愛回家之開心速遞》截圖

港媽免費蒸身開擴音傾電話

蒸身館位於油麻地,推出免費試蒸推廣,寫明只招待女賓。惟蒸身館事後於Facebook張貼一張同客人嘅對話圖,圖中見到客人話要投訴店舖某職員態度超差,不知所謂。點知店舖負責人打咗篇「長文」回覆,直斥客人免費蒸身攞著數都算,仲要開大Speaker傾電話騷擾他人,話咗幾次都唔聽。

負責人指唔係該名員工態度超差,而係佢下令叫員工對呢位客人特別差。(圖片來源::FB@暖心館)
負責人指唔係該名員工態度超差,而係佢下令叫員工對呢位客人特別差。(圖片來源::FB@暖心館)
(圖片來源:TVB《愛回家之開心速遞》截圖)
(圖片來源:TVB《愛回家之開心速遞》截圖)

獲7K讚好!網民大讚:老闆做得好

負責人將呢張對話圖擺上舖頭Facebook短時間內已獲7千幾個讚好,更引來大批網民留言,不少人都表示「老闆做得好」、「做服務業真係好怕遇到呢啲客人」有人話睇完更加想去蒸身添。

(圖片來源:TVB《愛回家之開心速遞》截圖)
(圖片來源:TVB《愛回家之開心速遞》截圖)
網民大鬧港媽開speaker。(圖片來源:FB@暖心館)
網民大鬧港媽開speaker。(圖片來源:FB@暖心館)
網民大讚:老闆做得好。(圖片來源:FB@暖心館)
網民大讚:老闆做得好。(圖片來源:FB@暖心館)
力撐老闆,趕走西客。(圖片來源:FB@暖心館)
力撐老闆,趕走西客。(圖片來源:FB@暖心館)

部分網民:無必要小事化大

雖然有大批網民激讚老闆做法,但係都有小量網民認為舖頭打開門做生意,無必要小事化大。

有網民質疑事件真偽。(圖片來源:FB@暖心館)
有網民質疑事件真偽。(圖片來源:FB@暖心館)
網民認為舖頭打開門做生意,無必要小事化大。(圖片來源:FB@暖心館)
網民認為舖頭打開門做生意,無必要小事化大。(圖片來源:FB@暖心館)
有人指店主太小氣。(圖片來源:FB@暖心館)
有人指店主太小氣。(圖片來源:FB@暖心館)

客人指店主態度欠佳 指自己:錯在一開始按咗擴音

而涉事客人就指「電話事件」之前仲有「人奶事件」,事緣佢一早向蒸身館表示要即場泵人奶餵仔仔,但係職員就叫佢去廁所同儲物室泵,期間又有運輸工人出出入入而令佢要不斷轉地方。而客人就表示「唔知蒸緊唔可以傾電話」、「錯在一開始按咗Speaker」仲話女職員話佢會騷擾到其他人,直斥事主係免費客。

客人直指店主態度同樣欠佳。(圖片來源:FB@暖心館)
客人直指店主態度同樣欠佳。(圖片來源:FB@暖心館)
而負責人就話客人講過泵出嚟嘅奶係用嚟倒,所以職員先叫佢入廁所泵。(圖片來源:FB@暖心館)
而負責人就話客人講過泵出嚟嘅奶係用嚟倒,所以職員先叫佢入廁所泵。(圖片來源:FB@暖心館)

大家都各執一詞,誰是誰非真係難以判斷,喺公眾地方騷擾到人固然唔啱,同時亦有網民指老闆將與客人嘅對話擺上網嘅行為亦有不當。

撰文:Evita|圖片:FB@暖心館