開擴音傾電話被店員黑面  蒸身港媽投訴反遭老闆同網民鬧爆
開擴音傾電話被店員黑面  蒸身港媽投訴反遭老闆同網民鬧爆

開擴音傾電話被店員黑面 蒸身港媽投訴反遭老闆同網民鬧爆

喺公眾地方騷擾他人固然之乞人憎,但若然屢勸不改,就真係唔好怪人唔客氣。近日有位媽媽去到油麻地一間蒸身館享用免費試用服務時,開擴音傾電話而被職員警告,於是投訴該職員,點知蒸身館負責人竟然霸氣回覆呢位客人,獲得大批網民稱讚係好老闆!

撰文:Evita | 圖片:Facebook

港媽免費蒸身開擴音傾電話

蒸身館位於油麻地,近日推出免費試蒸推廣,寫明只招待女賓。惟蒸身館近日於Facebook 專頁張貼一張同客人嘅對話圖,圖中見到客人話要投訴店舖某職員態度超差,不知所謂。點知店舖負責人打咗篇「長文」回覆,直斥客人免費蒸身攞著數都算,仲要開大Speaker傾電話騷擾他人,話咗幾次都唔聽。

負責人指唔係該名員工態度超差,而係佢下令叫員工對呢位客人特別差。

負責人將呢張對話圖擺上舖頭Facebook後至今已獲7千幾個讚好,更引來大批網民留言,不少人都表示「老闆做得好」、「做服務業真係好怕遇到呢啲客人」有人話睇完更加想去蒸身添。

雖然有大批網民激讚老闆做法,但係都有小量網民認為舖頭打開門做生意,無必要小事化大。

而涉事客人就指「電話事件」之前仲有「人奶事件」,事緣佢一早向蒸身館表示要即場泵人奶餵仔仔,但係職員就叫佢去廁所同儲物室泵,期間又有運輸工人出出入入而令佢要不斷轉地方。而客人就表示「唔知蒸緊可唔可以傾電話」、「錯在一開始按咗Speaker」仲話女職員話佢會騷擾到其他人,直斥事主係免費客。

而負責人就話客人講過泵出嚟嘅奶係用嚟倒,所以職員先叫佢入廁所泵。

大家都各執一詞,誰是誰非真係難以判斷,喺公眾地方騷擾到人固然唔啱,同時亦有網民指老闆將與客人嘅對話擺上網嘅行為亦有不當。

最新吃喝玩樂資訊