10年前舊照
10年前舊照

多位藝人IG狂玩 「10年前舊照」挑戰 原來活動背後有重大意義

影視娛樂

廣告

日前,多位藝人紛紛在Instagram爭相貼10年前舊照和現在的自己作對比,而這個活動不僅影響到圈內的藝人,世界各地都有不少素人參與挑戰。一班靚女靚仔藝人po相狂吸like,但原來這個活動背後有個重大的意義!

撰文:東方新地|圖片:Instagram|編輯:新假期

藝人狂晒「10年前舊照」

這個活動名為「#10yearschallenge」

最近,譚凱琪喺《大帥哥》中飾演天嬌而人氣急升,Zoie就將自己2009年舊相同今年嘅新相拼埋一齊做個對比,並留言話:「人生有幾多個十年」!睇相見佢同10年前個樣一模一樣咁,淨係條眉唔同咗,似乎佢都keep得相當好喎!

而網絡紅人倪晨曦亦都上載自己10年前舊照,並留言:「由小傻妹變成大傻妹 but my smile never changed」,一向靚女嘅Elva就被網民大讚,不過有網民就笑言:「以前的臉比較多膠原蛋白」。

除咗女星夠膽玩呢個挑戰外,男星都唔例外,就好似依家51歲嘅胡渭康同樣無懼晒出對比圖,仲指:「人玩我又玩」,唔少網友睇到都讚一向保養得宜嘅佢睇落同樣冇點變,反而仲多添幾分成熟男人味!

而後生一輩嘅何廣沛亦都跟隊晒出對比圖,笑言:「人玩我又玩,最緊要搵番張一樣都係out focus既相」,睇番依家30歲嘅佢10年前原來係梳「飛輪海」頭,有網友就話佢皮膚白咗之外就冇點變!

林奕匡喺IG話:「見大家都玩,我又玩埋一份」,10年前嘅佢一臉稚氣,依家做咗人夫個樣都成熟穩重咗,而最大唔同可能只係對眼依家好似大咗啲啲。

而汪詩詩就晒出同宇宙最強嘅老公甄子丹10年前嘅合照,望落分別都唔太大,都係一樣咁恩愛!

港姐出身的馮盈盈看上都和10年前沒有太大轉變,只是圓臉瘦下來,看些去更有氣質!網民都表示咁多年來一樣靚!

不過要數呢個挑戰最特別嘅就一定游學修!皆因佢將自己10年前嘅相同周杰倫當年嘅「八度空間」唱片封套拼埋一齊,隨後又將自己和Big Bang成員大聲所對比,心水清的網民都叫佢:「咪玩啦!」,不過驟眼睇又真係有幾分相似(笑)!

View this post on Instagram

#10yearschallenge

A post shared by 游學修 Neo Yau (@neoyau19) on

「10 Year Challenge」挑戰背後意義重大

「10 Year Challenge」又名「How Hard Did Aging Hit You」,由美國當地電視台一位首席氣像學家Damon Lane,在facebook發起這個活動。他將10年前後的照片張貼出來,並解釋到:「左邊(10年前)的他不知道未來有甚麼等著他,但其設立的目標都一一超額完成,而右邊(10年後)的他生活比10年前更好,而這只是個開始!」

人生道路上會為自己設立大大小小的目標,而活動的契機就是想大家靜下來,回望當年許下的願望有沒有達成,若未就要即時起行,朝夢想繼續出發!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..