活潑動人歌聲演唱會開始!商場驚現大媽高聲唱歌玩抖音
活潑動人歌聲演唱會開始!商場驚現大媽高聲唱歌玩抖音

活潑動人歌聲演唱會開始!商場驚現大媽高聲唱歌玩抖音

有無人發現內地大媽真係比較鍾意大展歌喉?多年嚟喺旺角開檔Jam歌後,之後移師到尖沙咀,近日竟然闖入西環「登台」?

撰文:Evita | 圖片:Facebook影片

商場驚現大媽高聲唱歌玩抖音

補習老師Alan Chan近日喺西環西寶城發現大媽出沒,出沒啫?有咩特別啊?特別就在於呢位大媽裝備十足,帶埋腳架去到電梯前拍抖音片!Alan就話:「大媽放腳架唱歌拍抖音,睇到我全身震抖。」

大媽
大媽拎齊「架撐」,企喺往惠康嘅電梯前開住抖音拍片
大媽戴住耳機並用手持麥克風位大聲唱歌

Alan表示14號朝早途經西寶城惠康電梯口時,見到大媽企喺燈箱前唱歌,歌聲仲喺商場內有回音,大媽唱得忙形到完全無視Alan拍片。Alan更指片段中只係大媽其中一次錄影,因為拍完後好似唔多滿意,於是又重頭再錄。

大媽企喺燈箱前,應該係為咗幫自己打燈

片段已獲得百幾個「嬲嬲」同二百幾個「哈哈」,有網民睇完就話唔明點解大媽要喺商場唱歌,仲問點解平時商場保安趕走派傳單嘅人又唔趕走大媽。

大媽應該對於自拍好有經驗,識得搵地方打燈

Alan表示已經通知咗管理員

呢位網民表示認識片中大媽,話佢成日呼喝孫仔同工人,已經見過佢喺公眾地方唱歌好多次。

有網民提議Alan將呢條片放上抖音,或者可以幫大媽作另類宣傳?

延伸閱讀:

居日公屋中國大媽狂數日本缺點

近日ViuTV節目《人住公屋 我住公屋》播出日本篇,由主持盤菜瑩子帶觀眾去到川口市「芝園團地」探索中國、日本雙方矛盾問題。今次帶大家到有40年歷史嘅日本川口市「芝園團地」,發現有一半都係中國人,隨處聽到普通話之餘又見到簡體中文告示。

中國

盤菜瑩子訪問一位居日內地人:「呢到環境都唔錯啊!」受訪者就話:「食唔好啊!朋友又唔多,啲嘢食點同中國比啊?中國食乜有乜,有活雞、活魚,喺呢到餓又餓唔死,飽又飽唔死。」睇落呢位居日內地人唔係好滿意日本生活。

受訪者又繼續話:「返到中國,至少我有中國國籍啊!畢竟自己係中國人,有中國嘅心!」網民睇到呢到都紛紛表示:「講到咁好,點解你又唔返中國呢?」

而芝園橋樑策劃組主席,圓山王國就話有部分定居嘅中國人無做到入鄉隨俗,對日本文化同生活習慣既唔熟悉又唔適應。有住客講嘢大聲而被日本人提醒,最後竟然用暴力「解決」。

主席又話,發現公屋範圍嘅設施被寫上對內地人嘅壞話,例如「僅限日本人使用」、「中國人,滾回去」及「髒死了」等字句。睇嚟日本居民對於內地留日居民嘅處事待人去到爆煲位置。

盤菜瑩子喺片段最後提到一點:「中國人有句說話叫入鄉隨俗,你住喺人哋國家,應該知道要將垃圾分類,有啲地方唔可以隨便坐或者踎,佢哋聽唔明人哋鬧咩,呢個係最大嘅問題。」

最新吃喝玩樂資訊