超市 零食 7-11 OREO
超市 零食 7-11 OREO

【超市買呢啲】1月話題零食40款!18禁極辣即食麵+7-11 Oreo雪糕

飲食

廣告

又到1月的「超市買呢啲」,就快到新年,諗緊過節同一班親戚朋友宵夜食咩?記者今次就為大家搜羅了40款人氣零食,其中包括18禁極辣咖喱即食麵、珍珍聯乘卡樂B薯片、夜晚炒麵、Oreo脆皮雪糕、網上熱話龍蝦海鮮湯等,是跟親戚朋友宵夜的好選擇,即由記者逐一介紹!

撰文:Sakura、飯飯 攝影:Tony、Scott

40款宵夜超巿零食推介

1.卡樂B茄汁蝦味蝦條

平時在大排檔茄汁蝦就食得多,茄汁蝦味的蝦條又試過未呢?卡樂B新出期間限定茄汁蝦味蝦條,蝦條脆香,有茄汁的酸甜味,味道不會太濃烈。

銷售點:7-11

2.可樂果碗豆酥川霸麻辣味

螺旋造型的薯片很少見,打開包裝沒有麻辣的香味,造型十足螺絲粉,入口只有很少的麻味,辣味好輕,不吃辣的朋友都接受到。

銷售點:7-11

3.鯛魚蓋飯味薯片

本身很喜歡食魚的記者,見到新出鯛魚蓋飯味薯片,就即刻買來試下,一打開包裝魚或飯香味不算突出,但食落口感好脆口,有薯仔的香味。

銷售點:fusion

4. 海太粟米芝士龍蝦味脆片

一打開就有陣陣的龍蝦香味,脆片薄身脆口,入口粟米的味道比較強烈,不過都有龍蝦脆香味。

銷售點:一田超巿

5.蠟筆小新燒烤味拉麵小食

蠟筆小新除了朱古力餅乾外,新出一款點心麵,賣相吸引!打開包裝聞到淡淡的燒烤味,有少許辣,記者建議一次食多點,口感會更豐富,更有燒烤的香味。

銷售點:7-11

6.蠟筆小新甜辣雞味拉麵小食

吃落味道偏甜,帶點辣,小朋友都可以吃。

銷售點:7-11

7.蠟筆小新芥末味拉麵小食

食落有少許芥末味,但不會很重,包裝上的小新造型好搞鬼。

銷售點:7-11

8.珍珍x卡樂B原味薯片

大發現!兩個薯片龍頭crossover!薯片波浪形狀,食落有淡淡的鹽味,有薯仔的香味,入口爽脆。

銷售點:優品360

8. Samjung龍蝦味杏仁

記者推介,喜歡食杏仁果實類的一定要試,個包裝已經有大大隻龍蝦,入口比較硬身,食落會有濃濃的龍蝦香味,而且有種鮮甜味,佐酒一流!

銷售點:優品360

9. 樂天蘋果鬆脆批

記者推介,這個品牌出的零食質素都有一定保證,今次這款蘋果鬆脆批,一打開就聞到濃烈的蘋果香味,食落口感鬆脆,有點像泡芙,味道香甜。

銷售點:零食物語

10. ITO北海道蜜瓜夾心餅

記者推介,一打開就聞到強烈的蜜瓜香味,餅乾脆口,濃郁的蜜瓜甜味,好有果香。

銷售點:一田超市

11. 外松布丁味大福

包裝吸引,質感軟腍,入口似雪米糍,有陣陣布丁甜香味,口感煙韌。

銷售點:7-11

12. TOPVALU開口板栗

栗子味香甜,不會一咬就散和呈粉狀,甘香美味。

銷售點:AEON

13.TOPVALU甘栗仁

原粒已剝殼栗子,食用方便,栗子味比較淡,但有栗子香。

銷售點:AEON

14.Green Eye by TOPVALU有機甘栗

有機甘栗味道比較淡,鬆軟綿密,健康美味。

 

銷售點:AEON

15. 迷你朱古力餅乾奶茶味

奶茶味的朱古力餅乾很少見,食落好重奶茶香,有種台式奶茶味的味道,不過就比較甜,鐘意甜食的會很喜歡!

銷售點:零食物語

16. 樂天白蘭地朱古力

同平時食開的酒味朱古力不同,不會死甜,入口流心,食落creamy,很濃烈的白蘭地和牛奶味。

銷售點:零食物語

17.樂天甜酒朱古力

朱古力餡足料,酸甜度適中,朱古力夾著提子乾,口感煙韌,很得意。

銷售點:零食物語

18.味覺糖CORORO糖漬蘋果味軟糖

味道帶酸,食落好juicy,有點像小孩零食,富濃郁蘋果香。

銷售點:7-11

19.18禁極辣咖喱即食麵

18禁又有新搞作,之前出的18禁薯片都引發熱潮,個個都用來作弄朋友的食物,今次提升級數,出18禁極辣咖喱即食麵,聽個名就知有幾辣!

銷售點:士多Ztore

20.磯山商事 18禁印度辣椒即食雞肉咖喱包

另一款同樣都是18禁系列,不過是即食咖喱包,可加熱後用來拌飯或沾麵包吃。

銷售點:士多Ztore

21. ITOMEN蜆肉碗拉麵

以濃厚海鮮湯底為基礎,湯底飲落比較鹹,麵質食落軟滑順口,有少許蜆肉,味道醇厚!

銷售點:一田超市

22. 夜食PEYANG炒麵(微辣)

被包裝上夜食的字眼吸引,好期待,食落只是一款普通的醬油味炒麵,不過味道相對濃郁,麵質軟腍。

銷售點:一田超市

23. 監修海藻鹽味鮭魚炒麵

包裝賣相很神秘,海藻鹽味鮭魚很出奇的口味,食落麵條爽口彈牙,紫菜味好香和少許的鮭魚香味,鹽味很重,味道相對濃郁,適合重口味的人。

銷售點:士多Ztore

24. RP韓國黃金龍蝦海鮮湯杯麵

在網上引起話題的傳說中「蟑螂杯麵」!包裝相當突出,遠睇真的好像蟑螂,食落只有很少的龍蝦味,不過有濃厚的鮮香辣味,有同事表示像辛辣麵,適合愛食辣的朋友。

銷售點:7-11

25.日清Nissin謎肉丼

這款謎肉丼有驚喜!所謂的謎肉其實是呈正方體的豬肉粒,食落肉味濃郁,有胡椒香,似食肉燥飯,不過記者建議可加多點水,味道會更加惹味。

銷售點:士多Ztore

26.即食蟹膏醬龍蝦肉

早前韓國大熱即食蟹膏,今次竟然是蟹膏再混合龍蝦肉,是一個新配搭!食落質感似吞拿魚,入口有很濃烈的海水味,慢慢會散發出龍蝦的鮮甜味。

銷售點:士多Ztore

27. DAISHO 蟹汁味噌火鍋湯包

對於打邊爐的湯底,港人都很講究,想在家都能食到不一樣的湯底,就要試下這款新出的蟹汁味噌湯底,湯底比相像中清甜,有蟹味的鮮甜香味,飲落似一款清甜的野菜清湯。

銷售點:士多Ztore

28.味滋康 無基因改造豆乳芝麻火鍋湯包

記者推介,打邊爐很愛點麻醬的你,一定要試這款豆乳焙煎芝麻湯底!一打開就已經有濃郁的芝麻香,有點像日本食炸豬扒,人手磨成粉的芝麻醬,飲落都重芝麻和豆香味。

銷售點:士多Ztore

29. DAISHO 特濃豆乳生薑火鍋湯包

這款豆乳生薑湯底,飲落有點像美肌湯,重豆乳味,薑味很淡,清甜濃厚的奶香味,很適合女士。

銷售點:士多Ztore

30. ACECOOK CoCo壹番屋咖喱火鍋湯包

記者推介,很濃郁的日式咖喱香!有點像食雞煲,如果用作咖喱醬汁配飯吃,更加惹味濃香,不過記者認為芝士味可以再濃一點。

銷售點:士多Ztore

31.新東陽珍珠奶茶酥 +珍珠拿鐵酥

就到新年,台灣人氣伴手禮品牌新東陽,推出2款禮盒裝,包括珍珠奶茶酥和珍珠拿鐵酥 。外皮選用新鮮雞蛋及紐西蘭無添加牛油,珍珠奶茶酥內餡充滿奶茶香,口感鬆化。

而珍珠拿鐵酥,內餡使用拿鐵配方製成,陣陣咖啡香氣,搭配椰果製成的珍珠,口感Q彈。

銷售點:7-11

32.雀巢聰明豆雲呢嗱雪糕筒

便利店發現雀巢新出,聰明豆雲呢嗱雪糕筒!包裝造型得意,有同事表示有點像除塵轆,打開勁多彩色聰明豆,設計方便一推即食!濃香雲呢嗱味,配上聰明豆,口感豐富!

銷售點:OK便利店

34. 森永松露朱古力雪糕粒

冬日限定的雪糕粒,食落很濃的可可豆香,甜度適中,中間夾著流心的朱古力很幼滑,一口一粒滿足度非常高!

銷售點:7-11

35.Häagen-Dazs紅茶曲奇、蘋果吉士雪糕

Häagen-Dazs經常推出新口味,今次就引入日本版「日の童話」系列雪糕杯,一打開就少女心爆發啦!心型的雪糕圖案超靚,紅茶曲奇味道比較甜,入口奶味香濃,有曲奇的小碎粒,口感豐富。

而另一款蘋果吉士雪糕,味道比較酸甜,蘋果醬都很多,入口香滑,酸酸甜甜很開胃!

 

銷售點:7-11

36. Oreo雪糕杯+脆皮雪糕批

Oreo一直都很受大人小朋友歡迎,今次更一次過推出2種新產品,分別有雪糕杯和脆皮雪糕批。雪糕杯有大量Oreo曲奇碎,有香濃的曲奇忌廉香味。

另一款Oreo脆皮雪糕批,同樣吸引!外層的朱古力脆皮非常脆口,配上香濃的曲奇忌廉餅碎,口感層次更豐富!

銷售點:7-11

37. 雀巢土炮奶茶味甜筒

說到港式地道飲品,奶茶必定是第一個想到的飲品。最近雀巢新出港式土炮奶茶味甜筒,有單支裝和家庭裝可選,味道更跟平常在茶餐廳喝到的奶茶無異,以後喜歡凍奶茶的朋友又有多一個選擇啦!

便利店有售
發售日期:2月11日

38.日本樂天北海道練乳雪條

OK便利店最近都引入一款日本新雪條,雪條用北海道煉奶製成,奶味香濃,而且更有流心效果,入口甜甜的,口感勁滋味!

銷售點:OK便利店

39.養命酒酒造 杏桃松子美顏酒

這是一款適合女士飲用的雞尾酒,富清爽的水果香,入口散發陣陣的果香味,甜甜地易入口。

銷售點:士多Ztore

40.養命酒酒造 葡萄柚薑汁味美顏酒

這款葡萄柚(西柚)味清香,很淡的薑汁味,不會有太濃烈的薑辣味。

銷售點:士多Ztore

41.養命酒酒造 櫻桃美顏酒

入口富車厘子的酸甜味,甜度適中,清新開胃的酒。

銷售點:士多Ztore

42.養命酒酒造 白桃杏仁美顏酒

記者推介,很重桃味果香,入口清甜帶香,加冰塊稀釋會很像平時飲開的水果茶。

銷售點:士多Ztore

43.好丘Good Cho’s x City’super

台灣貝果品牌好丘Good Cho’s最近官方正式公佈,香港都有得食啦!特意聯同City’super合作,在香港4間City’super分店有售,提供8款口味,分別有地瓜乳酪、桂花紫薯、草莓甜乳酪、芋頭鹹蛋黃、雙份起司、芒果金萱、黑糖黑芝麻和玫瑰洛神乳酪,想食的朋友記得快點買來試下啦!

銷售點:City’super

1. 中環國際金融中心商場一樓1041-1049號舖

2. 沙田新城巿廣場一期二樓204-214號舖

3. 尖沙咀海港城港威商場三階3001號舖

4. 銅鑼灣時代廣場B1地庫

44.大埔振興肉丸

大埔振興是香港本地肉丸老字號,最近推出8款傳統及創新口味丸類,肉丸爽口彈牙,記者覺得用作打邊爐就最適合,而且所有丸類均無防腐劑及無人造色素,食得健康又安心。

銷售點:大埔專門店(大埔墟鄉事會街47號地舖) 、惠康、U購、樓上

網址: www.beefball.com.hk(供網上訂購及送貨服務)

 

 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..