【自助餐我要】尖沙咀九龍酒店6折自助餐 任食和牛＋龍蝦＋榴槤甜品

撰文：Joan 攝影：Woody、Day

尖沙咀九龍酒店 自助晚餐 最平6折！

九龍酒店酒店自助晚餐由6pm供應至9:30pm，可任吃3.5小時，最近自助餐有多款新菜式！包括蒸和牛、片皮鴨、龍蝦沙律、素食專區和榴槤甜品等，經酒店網頁訂購最平有6折優惠（文末有連結），吃完每位成人會送一個Tea Set，超抵！即睇有咩食！

海鮮區：3款即開生蠔

回本必吃的生蠔區，共有3款生蠔，近期供應法國的Fine de Claire、美國的石蠔和紐西蘭太平洋生蠔，前兩款即叫即開，生蠔無限量供應，蠔Fans可慢慢吃！

5款凍海鮮：蟹腳＋凍蝦

生蠔區旁是凍海鮮區，一共有5款，包括雪花蟹腳、加拿大翡翠螺、紐西蘭青口、智利藍青口和海蝦，蟹腳粗身大隻，鹹鮮有肉地！

自選配料！即製龍蝦沙律吧

想吃凍海鮮的還可試試即製龍蝦沙律吧！師傅會將龍蝦拆肉再剪成細粒，然後可自選配料如藜麥、牛油果、蟹籽及芒果等，師傅再即席幫你拌入龍蝦內，製成清新沙律。

即切刺身＋火炙壽司

刺身即點即切，有三文魚、八爪魚、吞拿魚、希靈魚等。另有師傅製作火炙壽司，有三文魚、帆立貝，大件富油香！

竹籠蒸宮崎和牛

大廚以蒸籠料理方式炮製宮崎和牛，小竹籠內擺滿蔬菜，再放入宮崎和牛、塗上醬汁即席蒸製，和牛鮮嫩帶點油香，蔬菜吸滿肉汁，非常鮮甜。

啖啖肉！肉眼扒＋燒羊架＋片皮鴨

肉食獸注意！在自助區的正中央，行過都聞到香噴噴，因為有師傅密密製作燒羊扒、牛肉粒和煎鴨肝等，又有大大份的即切肉眼扒和蜜汁焗火腿，啖啖都係肉！最吸引的是最近推出的片皮鴨，鴨隻烤得甘黃，外皮香脆，可自由添加青瓜、大葱和甜麵醬。鴨肉出爐後會有侍應拿著鈴鐺邊響邊走勻全場，通知大家可拿取，要注意了！

即製意粉站

未夠飽的，可在即製意粉站自選材料和意粉，有菠菜麵、紅菜頭麵、黑松露牛尾意式雲吞等，有師傅即席烹調出熱騰騰的意粉。

更多熱盤：

素食專區

新增設的素食專區，除了蔬菜沙律，同時供應多款冷熱素食菜式，例如燕窩青瓜蘋果卷、鎮江醋煮茄子、橄欖角炒四季豆和燒汁煮鮮菇等，款式更會不時轉換。

D24榴槤甜品

除主菜外，甜品區亦有一系列D24榴槤系列甜品，有榴槤拿破崙、榴槤泡芙、85%朱古力榴槤撻等，香氣濃郁！

Mövenpick雪糕專區

另外Mövenpick雪糕專區也非常吸引，有8款味道任揀，有芒果忌廉、法式焦糖燉蛋、檸檬青檸雪葩等，更有多款朱古力配料和醬汁可任加。

食完自助餐 再送Tea Set！

6折食自助餐都未算最抵！最抵的凡成人惠顧會每人送一份Tea Set（原價$98），Tea Set有4款當日精選鬆餅和甜點，並附送一杯咖啡或紅茶，可免費約朋友再食過！

九龍酒店倚窗閣

地址：尖沙咀彌敦道19-21號九龍酒店2樓倚窗閣（顯示地圖）
電話：2734 3803

多重滋味自助晚餐
供應時間：即日至8月31日 每日6pm-9:30pm
價錢：
星期一至星期四：成人$528、長者及小童$378
星期五及星期日：成人$568、長者及小童$398
星期六或公眾假期及其前夕：成人$598、長者及小童$398
訂座連結
備註：另收加一服務費