天水圍T MARKET 頌富巿場開幕!掃食宵夜新場開至1am|出街搵食
天水圍T MARKET 頌富巿場開幕!掃食宵夜新場開至1am|出街搵食

天水圍T MARKET 頌富巿場開幕!掃食宵夜新場開至1am|出街搵食

天水圍居民有福啦!全新 T MARKET 頌富巿場正式開業,更開到凌晨1點,唔怕夜晚肚餓無嘢食啦!食場以日式和風設計為主題,特設小食街,多款街頭小吃、麻辣燙、甜品店、台式飲品等,有些更是全港首創!屯元天之友,以後吃宵夜又多個好地方!

撰文:Sakura 攝影:Woody

天水圍萬呎巨型食場 T MARKET頌富巿場

佔地17,000呎的T MARKET 頌富巿場,食場以日式和風設計為主題,佈滿日式和風燈籠,引入超過10間的食店,超過過百款小食,全部更開到凌晨1點!

以日式和風為主題,簡約舒適。
早上11點已經人山人海!

新場小食店逐間睇!

1. 手包麻辣糯米燒賣

說到掃街小食,一定會聯想起燒賣,而想在這龐大的市場脫穎而出,就要花點心思,這裹就有一間自家手工燒賣店,每日新鮮即包,在傳統的燒賣再加點新嘗試,推出全港首創墨魚汁燒賣和麻辣燒賣,其中麻辣燒賣更用糯米作餡!

每日人手現場即包
墨魚汁燒賣$15/6粒
記者推介,墨魚汁味道濃郁,墨魚肉粒粒爽口!
麻辣燒賣$15/5粒
一咬就有陣陣的辣味,麻辣汁滲透到糯米飯中,有咬口之餘麻辣味刺激!
喜歡食辣的更可按個人喜好,加添咖喱辣醬,有分小小辣、小辣和大辣。

燒賣王子T-TT1001

2.街坊雪國Q餅

另一間小店在頌富紮根多年,是天水圍老店之一,主打港日式街頭小吃及台飲,每天吸引不少學生和街坊幫襯。最出名是雪國 Q 餅、章魚小丸子和牛雜。雪國Q餅是軟綿的班戟卷配上自選配料,可作甜鹹兩食,而章魚小丸子就即叫即做,配上日式醬汁。牛雜非常足料,配上香濃咖喱汁,爽口又惹味!

章魚小丸子即叫即做,粒粒都大大粒!
章魚小丸子$16/6粒
皮脆爽口,配上日式醬汁和沙律醬,更添風味。

 

雪國 Q 餅$20/3款配料
配料包括中華沙律、蟹柳、肉鬆、吞拿魚、雜果等,加$3更可選芝麻八爪魚或蒜味螺肉。
牛雜細碗$18、大碗$35
細碗份量已經勁足料,牛雜新鮮即製,配上香濃咖哩汁,爽口彈牙。

頌富美食T-TT1003

3.新晉餃子店

今次頌富市場引入了不少新食店,其中一間主打餃子的食店,受不少街坊支持,所有餃子每日新鮮製造,即叫即製。其中有7款熱賣餡料,有鮮肉香菇芹菜、鮮肉韭菜、鮮肉芝士玉米、鮮肉芫茜等,再配上自家製辣菜甫更惹味!另有幾款精選小食,如狗仔粉、粢飯和蛋黃粽。

現場即包即煎,很新鮮。
鮮肉韭菜煎餃$15/4隻
煎至金黃色,韭菜味濃香,餡料多又新鮮,食落juicy!
狗仔粉$25/碗
狗仔粉軟腍有咬口,滑嘟嘟,質地清爽不糊口!
粢飯$14/件,配豆漿$20/份
糯米軟糯,中間餡料店一半,肉鬆餡香甜。

皇后餃子

4.四川冒菜麻辣燙

另一間開業就人氣鼎盛的,就是主打四川冒菜及麻辣燙的新食店!四川冒菜乍看與麻辣燙分別不大,但較麻辣燙少油,入口辣而不麻,油而不膩, 湯底可選麻辣或番茄,還有由搭配的配料均用上特制麻辣秘方,風味正宗。

冒菜、麻辣燙,自由搭配的配料。
四川冒菜$55/6款餸
入口有強烈的辣味,完全刺激味蕾,愛食辣必試!

冒菜麻辣燙T-TT1029

5.罕見蛋糕珍珠奶茶

食完多款惹味小食,當然想飲番杯解渴!除了小食外,有一間台式奶茶店都有不少捧場客,主打創新健康台飲,更首推全港獨家蛋糕珍珠奶茶。奶茶底以4款進口原葉紅茶為主,茶味特別香濃,並加上以北海道 3.6 牛奶、淡奶油和秘製調味料等打成的特製蛋糕醬,口感獨特!適逢天氣冷,老闆特意推出冬季熱五谷系列,冷冰冰時喝一杯熱騰騰的大麥紫薯牛乳和木炭茶,暖一暖身就最好不過!

草莓蛋糕珍珠奶茶$26
好得意的味道!有淡淡的士多啤梨奶茶香,飲落有一陣蛋糕忌廉味,甜度較濃。
橘檸四季春$24
口味清爽之選!飲落有青檸香,清爽清甜。
大麥紫薯牛乳$31
芋頭香甜,充滿芋泥鮮奶的香味。
木炭茶$29
選用馬來西亞芝麻磨成醬,配上特濃鮮奶,飲落芝麻味濃厚,奶味香滑濃郁!

壹茶T-TT1038

6.搞鬼港式甜品店

宵夜之選點少得甜品,這裹有一間主打中式傳統糖水及創新配搭的港式甜品,食物名稱搞怪吸引,其中淮山芋頭西米露有驚喜,芋頭味濃郁,即時平常不愛吃淮山,也可一試!

狂爆伐木工$26
芋頭與淮山的配搭非常好,香滑可口,很清甜!
黃戰士配芒果雪糕$34
椰香和芋頭很香和細滑,而且不會太甜,芒果酸酸甜甜,很開胃!
炸物全部都即叫即做
炸蛋人$15/6粒
魚蛋爽口彈牙,配上酸甜醬,有泰式風味!
炸雪糕(雲呢嗱味)$12
外層熱騰騰,炸至脆口,入口雪糕涷冰冰,味道甜而不膩!

椰子媽T-TT1031

T MARKET 頌富市場
地址:新界元朗天水圍天華路 30 & 33 號 T MARKET 頌富市場
營業時間:星期一至日9:00am – 1:00am

 

 

 

最新吃喝玩樂資訊