新加坡人氣豆花 布丁 新店登陸旺角

滑滑嘟嘟,似豬膏咁滑~講緊嘅係呢杯喺新加坡大受歡迎,味道似豆腐花,但口感又似滑溜布丁嘅豆花 布丁 !但……唔通要去新加坡先有得食?!非也!我哋介紹得當然唔會啦,依家去旺角都有得食,仲有五款口味揀!心大心細?唔知揀咩味好?記者即刻試俾你睇!

棄用石膏粉 海藻膠原助凝固

去新加坡一啲出名小店買豆花 布丁 ,繁忙時間都可能要排長龍!店主見豆花 布丁 咁受歡迎,就將佢哋由新加坡引入香港,呢間舖頭係加盟店,總店始於新加坡,製作上就照足當地配方,材料用有機黃豆,棄用石膏粉。吓?唔加石膏粉,咁用乜野令個 布丁 凝固架?問負責人,原來其中一個秘方係以海藻提煉嘅膠原輔助凝固,話食落有助皮膚靚啲喎!(係真唔係架?!)

五款口味晒冷!
五款口味晒冷!
食之前可加入班蘭糖漿,增加甜味。
食之前可加入班蘭糖漿,增加甜味。
布丁質地好滑溜
布丁質地好滑溜

店內依家有五款口味嘅豆花 布丁 ,包括原味、杏仁、黑芝麻、朱古力麥精、同奶茶味,依家就逐隻味話你知!

原味布丁 充滿豆香

第一個試嘅係原味 布丁 ,食之前就加咗班蘭糖漿。 布丁 真係超級滑!一下子就滑咗入口中。食到有微微嘅班蘭香味,但唔人工,幾自然,而 布丁 有好香豆味,似係「食」緊一杯香濃嘅豆漿。

摩豆原味布丁 試業優惠價:$22
摩豆原味布丁
試業優惠價:$22

童年回憶 朱古力麥精味

細個去茶餐廳,見爸爸叫鴛鴦飲,又想飲下,但佢話:「細路仔唔好飲咁多咖啡奶茶」,就叫咗杯兒童鴛鴦俾我啦(Menu上面無,但伙記又知係乜),其實係阿華田加好立克,飲落都幾甜下。仲以為呢杯兒童鴛鴦味 布丁 都係咁甜,但又唔係喎,食落有好濃嘅朱古力香味同埋麥香味,唔太甜。

兒童鴛鴦(朱古力味+麥精味) 試業優惠價:$22
兒童鴛鴦(朱古力味+麥精味)
試業優惠價:$22

台式口味 茶香突出

呢杯奶茶味 布丁 ,視覺上顏色似兒童鴛鴦味,兩者都係啡啡地色,杯上無貼紙標籤,我問負責人點分到,佢話:「我哋做開好易就分到架啦!」,細睇之下,奶茶味嘅啡色係淡色少少嘅!個 布丁 有陣紅茶味,但無茶嘅苦澀味,夾埋本身 布丁 原有嘅豆味,都幾香!

奶香紅玉(奶茶) 試業優惠價:$22
奶香紅玉(奶茶) 試業優惠價:$22

 

黑芝麻布丁 OL之選

芝麻糊豆腐花呢個經典組合,依家都融入咗豆花 布丁 之內,個名仲叫「黑絲誘滑」?唔好諗咗其他野,呢個名無非想話呢個黑芝麻 布丁 有絲滑口感啫。負責人話試業期間,呢種口味多OL揀,話黑芝麻養顏喎,係咪真係work?

黑絲誘滑(黑芝麻) 試業優惠價:$22
黑絲誘滑(黑芝麻)
試業優惠價:$22

傳統口味 杏味香濃

除咗黑芝麻味之外,亦有其他傳統口味嘅 布丁 ,好似呢個杏仁味咁,食落有濃濃杏仁香,配埋滑嘟嘟口感,就好似食緊杏仁豆腐咁。

杏福佳人(杏仁) 試業優惠價:$22
杏福佳人(杏仁)
試業優惠價:$22
店前有部冷風機吹啲冷氣出嚟,企喺附近食都無咁熱。
店前有部冷風機吹啲冷氣出嚟,企喺附近食都無咁熱。

店舖7月1 號已經開始試業,試業期間,每杯豆花 布丁 都係$22,價錢抵唔手抵…見仁見智啦!未知之後會唔會加價。而7月19號將會正式開張,負責人預告開張後將會有新產品推出,到底係乜?大家要密切留意我哋新假期嘅報道!

 

Modos

地址:旺角花園街174號A1舖(顯示地圖
營業時間:12pm-11pm
聯絡電話:2833 5618

延伸閱讀
香港仔秘店!一人 甜筒PIZZA 【香港仔】
梳乎蛋 焗飯?!配埋噴煙雪糕仲過癮!

最新吃喝玩樂資訊