廣東歌
廣東歌

網民自發舉辦《廣東歌頒獎禮2018》「最討厭樂壇人物」竟然由佢奪得!

熱話

廣告

每年年尾都係樂壇派發成績表嘅日子,2018年喺連登討論區就有網民發起「LIHKG廣東歌頒獎禮2018」,由網民投選22個獎項,謝安琪成為大贏家,贏得3個獎項,而當中有一個叫「LIHKG最討厭的樂壇人物」就由呢位獲得……

撰文:Evita |圖片:Instagram、連登討論區

《廣東歌頒獎禮2018》得獎名單

歌手日以繼夜辛苦製作音樂,目的係為咗帶畀樂迷音樂享受同歌詞嘅共鳴,每年嘅頒獎禮可謂係對佢哋嗰一年嘅肯定。去年年底有討論區舉辦廣東歌頒獎禮,由二百幾名網民投票選出十大年度歌曲、男歌手、女歌手、組合、年度專輯、新人同最討厭樂壇人物,網民就話得獎名單比起各大頒獎禮正路,以下就係各大得獎名單:

LIHKG 年度歌曲

第三位 麥浚龍 – 勇悍.17 (得到88分)

麥浚龍(Juno)近年創作唔少有故事性嘅作品,同謝安琪(Kay)兩個以董折與浦銘心角色雙劍合壁,由《勇桿17》、《困獸28》、一路去到Kay新歌《沐春風》,都唱出一對情侶由初戀到離婚嘅故事同感受,實在係打入唔少樂迷嘅心臟啊!

第二位 張敬軒 – 百年樹木 (得到138分)

十年前嘅《櫻花樹下》到今日嘅《百年樹木》,淨係睇MV都覺得心酸。一對男女中學時期互相愛著對方,可惜女方因為屋企問題要離開香港。再重遇嘅時候,男方已經有女朋友,而女方亦結婚了。

《百年樹木》MV花咗好多心機,喺MV入面隱藏住好多軒仔過往嘅歌曲名或歌詞,就連軒仔著住嘅呢套衫,都係十年前《櫻花樹下》入面著過,真係好難唔頒個獎畀佢!同時,軒仔亦以675分揮低只得357分嘅陳奕迅奪男歌手金獎!

年度金曲獎 RubberBand – 未來見 (得到259分)

RubberBand呢首《未來見》唱出團結同友愛,亦印證住一團唔熄滅嘅音樂之火。歌詞中亦暗示無論過幾耐,RubberBand依然係當日嘅RubberBand,無忘昔日初心,獲得一眾RB樂迷嘅大力支持!

與此同時,RubberBand以651分打低Supper Moment (575分)奪得組合金獎,恭喜恭喜!

年度新人 – 洪嘉豪 (得到62分)

樂壇新人洪嘉豪以62分拋離第二名對手黃妍,同時喺叱咤都奪得新人金獎,台上仲多謝張敬軒提攜,今次連網民都投佢,應該可以話係幫佢打咗支強心針!

今次討論區仲增加一個獎項「最討厭的樂壇人物」,得獎者竟然係奪得95分嘅填詞人陳詠謙,而第二名則由吳業坤以18分奪得。頭兩名分數差咁遠,睇嚟不少網民都好討厭陳詠謙啵!

今年陳詠謙喺《2018年度叱咤樂壇流行榜頒獎典禮》奪得「叱咤樂壇填詞人大獎」,估唔到佢喺網民心目中卻係最討厭樂壇人物。

每個得獎者總唔會符合到唔知大家心目中嘅對象,唔知大家又最想係邊個拎獎呢?