【出街搵食】中環ABC開燉湯店椰子燉雞+黑蒜螺頭|中環外賣店
【出街搵食】中環ABC開燉湯店椰子燉雞+黑蒜螺頭|中環外賣店

【出街搵食】中環ABC開燉湯店椰子燉雞+黑蒜螺頭|中環外賣店

中上環半山向來是有型cafe、高級西餐的集中地,近月又多了間寫滿英文的新店,原來是間燉湯店!店內的中式燉湯都改了英文名字,味道又會否不同呢?

撰文:胡蚊 攝影:Tat/Fion

ABC中環開燉湯店
清香椰子燉雞湯

店舖老闆Eric,是個美國回流的80後番書仔。他深明白領中產工作忙、怕煩,就決定將飲湯文化重新包裝,不單用可分解紙容器盛湯;又幫每個湯改好英文名,編好星期一需要活力,最好飲workday花旗參雞湯;仲有女士最啱的ladiesday花膠燉奶。所有湯都以外賣為主,全日輪住新鮮燉製,不需預訂,一個電話就送到公司。

椰子燉雞湯$58、黑蒜螺頭燉湯$58
湯頭很清,湯渣份量亦多,椰子雞清香鮮甜,椰香淡淡,滋潤好飲;而黑蒜就完全沒有蒜味,帶微甜,很易入口,有助增強免疫力,飲後也不怕因口氣引來尶尬。

靚湯主攻白領市場

「以前在美國,已經很喜歡飲湯,返來香港工作,更加掛住『老火湯』的味道,同其他回流朋友講開,大家都有同感,於是睇準中上環中產白領市場,決定一試。」人人都知香港飲食業做多賺少,藝高人膽大,全因Eric回港後,一直擔任餐飲集團策劃,管理過港澳多間米芝蓮餐廳,對高消費飲食市場,瞭如指掌。「出面好多湯店都是租個工廠單位開工,未必有牌;加上用公用暖壺送到公司,老土又不衛生。」

ERIC:「很多大公司客每朝開會前都會叫個湯當早餐,又或者以燉湯加蒸飯當晚餐然後直落OT,暖胃又醒神,連外國人都喜歡。我覺得燉湯簡直是一種newcoffee。」
黃耳雙菇竹笙燉湯 $58
中上環的素食客特別多,是故特地推出這款素湯,味道清甜,菇香滿溢,配上環保外賣紙杯,以印仔蓋上湯名,簡約有型,飛甩老土。

 

經典蛋白杏仁茶$58
店中唯一的甜品,杏仁以人手研磨,細啖有杏仁碎,不太甜。

7款選擇 貴精不貴多

散水湯 示愛湯最搞鬼

最近Eric還開始接到「散水湯」、「示愛湯」等特別訂單,足見中環客對燉湯的需求殷切。看到這裡,可能你會質疑Eric只是一個生意人,非也,他本身擁有品酒師資格,對味道很敏感。開店前,他挑了50款湯水,逐一試味,最後篩選剩現在餐單上的7款。「嗰段時間,日日燉,不停飲,單是花旗參都試了廿多款,細至切片好?切粒好?磨粉還是原條入湯,都要研究一番。」

所有燉湯全日不停分批即製,全店7款湯水都先經Eric親自反覆測試近兩個月才能出街。

但事實證明,Eric的味覺真的貼近群眾。「本來想跟季節換換口味,但一換人客就來投訴,只好繼續賣,到人客厭了再算。」Eric搖頭笑道。

Eric根據每款湯的味道、性質改了英文名,又提供飲用建議:星期一需要大量活力,就飲提神花旗參「強人workday」;星期六應酬多易食滯就飲素湯「素顏greenday」調理腸胃,很有心思。
主力做外賣,亦有寄賣不同的環保概念日用品及有機蔬菜,近日徇眾要求,舖內加設一張餐桌方便行過的人客即興坐低飲啖湯。

 

店子外形似足型格cafe,加上位處PMQ附近,老闆Eric決意將養生補益的傳統燉湯打造成“newcoffee”,力攻白領市場。

湯譜SOUPDAY
地址:中環善慶街5號地舖
電話:6386 4688
營業時間:12nn-9:30pm(外賣App訂購由8am開始)
人均消費:$68
備註:設加一,只收現金

最新吃喝玩樂資訊