太子
太子

太子搵食!熱辣辣蟹黃鍋、濃郁蟹黃拉麵、$68原板海膽丼 @DINING 娜

飲食

廣告

(Presented by魂燒,居食屋)

天氣一凍,我宣佈:食蟹嘅季節正式開始!但好似我咁識食又懶嘅人,梗係食蟹嘅精華—蟹黃啦,貪佢啖啖都咁鮮味。今次就帶大家去到太子一間小店搵食,食物選擇夠晒豐富,除咗有秘製熱辣辣蟹黃鍋、濃郁蟹黃拉麵,仲有$68原板海膽丼,即睇以下試食報告啦!

太子小店 居酒屋格局食蟹黃名物!

位於太子嘅魂燒,居食屋,店面唔算大,但係成間舖頭都充滿日式居酒屋嘅感覺,而且開到凌晨2點,啱晒夜貓。店內提供嘅食物選擇豐富,有鍋物、丼飯、拉麵、燒物、大阪燒等等,最出名肯定係期間限定、非常足料嘅蟹黃系列,其中嘅黃金蟹黃鍋簡直令我一試驚豔!

4大必試熱門推介!蟹黃鍋、特製拉麵、原板海膽丼!

足150克蟹膏!蟹黃鍋 $168

冬天一定要試!成個鍋有足150至180克蟹膏,最幸福嘅係師傅加咗蛋黃,鹹香味襯托起成蟹黃嘅鮮甜,超濃郁!而且熱辣辣上枱,配飯食一流!每日供應量有限,想食記得book定先。

 

 

 

蟹黃拉麵 $138

湯底係由自家製、每日熬成10個鐘嘅豬骨湯,再加蟹黃製成,湯底味道清甜帶鹹鮮味,加埋絲絲的蟹肉,好rich。

 

原板海膽丼 $68

原板海膽上枱,夠晒霸氣!撈埋日本生雞蛋一齊食,勁滿足呀!

 

地獄海鮮拉麵 $108

呢碗地獄海鮮拉麵除咗有三文魚、帆立貝、蟹棒做配菜,主角就係加咗特製香辣醬嘅湯底。辣醬由師傅四處尋訪搵材料、研發超過三個月而成,食落辣而不嗆,唔怕地獄辣嘅你,快啲嚟挑戰下!

特別推介!皇牌午市定食!

之前呢間小店只開晚市,但原來而家已經有開午市啦!喺太子返工嘅你有福了!

沖繩咖喱定食 $68

沖繩秘製咖喱汁由三款咖哩調配而成,味道微辣偏甜,味道十分有層次,配以日本黑毛豬扒,內脆外嫩。

網燒牛扒定食 $72

其中呢個網燒牛扒定食係我私心推介嘅好物,牛扒燒得勁香,但裡面仲係勁juicy,值得一試。

 

店舖資料

魂燒,居食屋
地址:太子太子道西106號地下D舖
電話:3702 1663 / 6360 5448
營業時間:12noon-3pm、6pm-2am

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..