冬至節日飯聚推介 | 銅鑼灣城中熱門中日食府@Dining娜
冬至節日飯聚推介 | 銅鑼灣城中熱門中日食府@Dining娜

冬至節日飯聚推介 | 銅鑼灣城中熱門中日食府@Dining娜

(Presented by 銅鑼灣廣場2期)

話咁快2018即將過去,又到咗我Dining娜最鍾意嘅12月,個個周末都有飯局!身邊親朋好友知我對食有一定要求,訂枱揀食咩好呢個重任當然由我負責!特別係揀冬大過年嘅冬至晚飯,既要有質素而且特色有心思,創意菜式同珍饈食材孝敬長輩們就最適合;同班吃貨朋友要選款式夠多、食得盡興嘅海鮮火鍋或日式放題,地利位置方便又設有停車場嘅銅鑼灣廣場2期就一次過滿足晒我三個願望!

冬至精選食府推介

1. 古法烹調養生珍品 名苑酒家

屹立中菜界三十年嘅廣東菜代表,擅於結合傳統與創新,主理矜貴珍品,不時精選時令健康食材入饌,無論同家人飯聚,還是閨密們飲茶都一定有心水選擇。

銅鑼灣廣場2期
奇翠珍珠鮑魚
珍珠鮑魚彈牙有嚼口,跟健康有營時令瓜菜香炒而成,創意之選。
長白山鮮人參燉竹絲雞煲(供4-6位用) 入冬點少得滋補老火湯呢?足料養生嘅人參燉竹絲雞,具養氣補身、滋陰健脾功效,父母親大人一定滿意。

名苑酒家:7樓,電話2893 1038

2. 米芝蓮食府推介 太湖海鮮城

多次獲得「米芝蓮美食推介餐廳」(2009-2011年、2013-2018年)大獎,經常推陳出新,以真材實料配合獨特製法,烹調出不少珍貴菜式,以及創意巧手海鮮小炒都不能錯過,絕對係預訂冬至飯最佳地方!

足2-4位用的象拔蚌切片,用來刺身鮮食,鮮甜美味。

太湖海鮮城:9樓,電話2893 9882

3. 極上手工粵菜 翠園

主打傳統手工粵菜及廣東點心,由資深老師傅坐鎮,每日即製燒味最為吸引,加上四十多年來以巧手粵式烹調手法,變奏出創意有心思菜式。鐵板叉燒、翠園燒鵝皇屬必點燒味推介,廣東名菜就一定要試桂花古法炒花膠柳、原隻鮑魚荷葉飯、士多啤梨脆肉排等,同摯親來品嘗一定滿意。

桂花古法炒花膠柳
盡顯師傅炒工功夫,蛋絲、芽菜及花膠柳都炒至乾身而十分香口,充滿骨膠原,女士們最愛!

翠園:3樓,電話2573 9339

4. 創意巧手潮州風味 潮江春

潮州架己冷必到嘅指定選擇,聞名飲食界多年就知有一定水準同質素,以傳統潮州菜為本,同時亦加入不少新派元素,招牌滷水系列就一定要試滷水鵝片,以及一次過食齊潮州小食嘅潮式四喜拼盤,還有黃金煎伊麵、家鄉煎蠔烙、砂鍋普寧豆醬雞等家傳戶曉嘅潮州美食,千萬唔好錯過!

潮式四喜拼盤(4位起)
賣相精緻極花刀工心思嘅潮州小食,有齊海鮮、炸物、滷水和涼盤四小碟傳統潮式風味,色香味俱全。

潮江春:2樓,電話3692 5050

火鍋放題盡興推介

5. 澳門台山水佬榮海鮮火鍋專家 海鮮鍋賀冬至

由澳門聞名至香港嘅水佬榮海鮮鍋,以即日鮮海產做賣點,時令海鮮鍋做湯底,夠晒鮮甜香濃!最吸睛一定係航母海鮮盛宴,份量十足,啱晒同大班朋友開心分享;寒冷天氣就要揀辣汁雜菌花蛤鍋,大大隻花蟹和新鮮花蛤,配埋秘製辣汁,刺激惹味!另外仲有極品花蛤蟹鍋、辣汁花甲雜菌蟹煲等,加埋超正火鍋料,夠晒滿足!

航母海鮮盛宴(4位起)
店內招牌超巨海鮮蒸鍋,用特製鍋爐一次過把鮮甜海產蒸出鮮甜美味!
辣汁雜菌花蛤鍋
另可以時價追加膏蟹、肉蟹或龍蝦,鮮味程度爆燈。

澳門台山水佬榮海鮮火鍋專家:5樓,電話2866 1111

6. 高質多選擇日式放題 極尚大瀛喜日本料理

以高質日式料理做招徠,地道冷熱日式美食、創意手作刺身壽司、炸物天婦羅、特色燒物等一應俱備,食材選料認真有水準,同大班朋友盡情任食一定大滿足!

超新鮮魚生刺身,夠多種類選擇!
創意壽司卷物夠有心思!

極尚大瀛喜日本料理:11樓,電話3188 8008

7. 三小時任食放題 滿屋日本料理

平時同班吃貨同事就指定要嚟呢度食足三小時放題,有超過90款刺身壽司、串燒燒物、鐵板燒及日式料理、沙律甜品及甜點雪糕等,以半自助餐無限供應,夠晒盡興!

即叫即製海膽刺身,每日新鮮直送。
放題少有嘅磯煮南非鮑魚,只要加選升級版就可無限任食!

滿屋日本料理:8樓,電話3622 3366

8. 冬日暖意洋溢 Starbucks

每到入冬時分特別掛住一杯香噴噴、暖笠笠熱飲,呢杯新推出嘅飄雪特濃朱古力咖啡,香濃黑朱古力咖啡蓋上特濃咖啡鮮忌廉,入口幼滑細膩,加上面層彩色糖果脆粒夠晒節日氣氛呀~

飄雪特濃朱古力咖啡

Starbucks:2樓 電話2259 9375

9. 台式飲品專家 Coco都可茶飲

大餐後點少得一杯台式飲品做總結,來自台灣嘅CoCo嚴選優質茶葉,以及季節鮮果,即製成手調飲品。

百果雙響炮

CoCo都可茶飲:地下G02號舖,電話:2896 1229

同場加映:法式傳統烘焙工藝 RISE Bakers Pop-up Store

跳出香港嘅黃婉曼開設的麵包學校,主打法式傳統烘焙麵點美食,由法國麵包大師Stephane Reinat嚴選頂級原材料,自家培植天然酵母及低溫發酵麵糰,炮製出健康美味的手工麵包。

今個聖誕節RISE於銅鑼灣廣場2期設嘅期間限定店,有我同班閨密們最like聖誕麵包「史多倫」、四色流心牛角包、薑餅人曲奇餅、雜果朱古力片同朱古力杏仁粒粒,無論送禮定自己開心食都夠晒應節啦!

四色流心牛角包
分別有宇治抺茶紅豆流心、粉紅玫瑰朱克力脆脆、濃滑朱古力和經典牛油味。
RISE Bakers Pop-up Store

RISE Bakers Pop-up Store :https://www.facebook.com/RISE.Boulangerie

銅鑼灣廣場2期

地址:銅鑼灣駱克道463-483號(港鐵銅鑼灣站C出口)

泊車:附設停車場,B2樓,設置2個中速充電裝置。

最新吃喝玩樂資訊