空中靚景＋全新光影匯演｜歎X’mas精緻Tea set @Dining娜

Q: 2023香港聖誕節有什麼好去處？

今年聖誕節，不少地方都推出了精彩絕倫的活動。例如，友邦嘉年華、迪士尼聖誕節...... 詳情請看 ；今年各區亦有 聖誕市集 、 、 聖誕樹 、 冬日美食節 等等。

Nov 30 2018

踏入12月，Celebration mood出晒嚟，全因為Dining娜一年一度最喜愛嘅聖誕節就到喇！佳節大餐當然要精挑細選，酒店級水準之外，靚景相伴充滿節日氣氛係必須吧～今個X’mas，閨密們就指定要去天際100，喺393米高空零死角咁望住香港全景，夜晚仲有全新光影匯演「愛在光影裡」，立體感十足，伴住窗外維港夜景同應節嘅聖誕燈飾，歎埋Café 100 by The Ritz-Carlton嘅期間限定聖誕美食Tea set，充滿濃厚嘅節日氣氛～聖誕特色美食供應量有限，即刻睇定有咩推介，約埋親朋至愛網上預訂先！

（presented by Sky100）

璀璨燈飾＋零死角靚景　加映全新光影匯演

天際100就位於平時同班閨密們，成日Shopping嘅圓方商場 (Element) 旁環球貿易廣場 100 樓，係全世界十大最高商廈，360度欣賞全香港靚景外，仲會定期加入不少關於香港特色嘅展出裝置，好似其中長達28米嘅故事牆－「天際100『港』故事」，透過文字、影片同具香港情懷展品，解說100個鮮為人知嘅有趣香港故事，最啱文青一族。

Tea set — 「天際100『港』故事」訴說了100個有趣的香港故事，行完一圈長知識。

今個聖誕，天際100嘅環迴玻璃窗，將連同維港醉人夜景同璀璨燈飾結合，帶來非一般視覺體驗，將節日氣氛推上最高點。

呢個全新嘅光影匯演「愛在光影裡」，係由曾經參與「繽紛悉尼燈光音樂節」嘅製作團隊Spinifex Group，特別為天際100度身訂造，一段全長30分鐘，包括5分鐘短片及5個以夜空及香港特色圖案做主題嘅立體動畫，每晚於6時30分開始，每隔半小時播放一次，親身於天際100呢個巨型銀幕，欣賞立體而又震撼演出。

期間限定　空中靚景伴聖誕 Tea set

欣賞靚景演出之前，最好係優哉悠哉咁歎個Tea先，Dining娜就出名食得有要求，天際100內嘅Café 100 by The Ritz-Carlton質素當然有保證，由12月1日開始推出期間限定嘅「聖誕二人下午茶」，閨密們早已選定日子要試，下午茶點有三款鹹點小食同五款甜點，仲用咗以環球貿易廣場做主題嘅Tea set架擺放，一定要瘋狂打卡吧！

*「Café 100 by The Ritz-Carlton, Hong Kong聖誕二人下午茶」套票於天際100官方網站發售。即使係聖誕期間都冇加價，二人下午茶依然賣$598，認真超值（已包括天際100標準門票2張及2位用下午茶）。

品嘗完 Tea set 未夠滿足，就不能錯過只限平安夜（2018年12 月 24日）及聖誕佳節（2018年12 月 25日）兩晚供應嘅4個course「聖誕晚餐」，同樣係Café 100 by The Ritz-Carlton, Hong Kong出品，前菜有香草蟹肉沙律及欖油魚子、野菌栗子蘑菇湯為前；主菜特別精選咗香煎比目魚配西班牙辣肉腸，想應節D可以揀傳統聖誕火肚雞，仲有素食選擇，相當貼心；最後當然唔少得精緻嘅啤梨栗子聖誕蛋糕配香草啤梨果醬及聖誕曲奇，用迷人夜景加耀眼燈飾，伴食5星酒店級佳餚，頂級享受！

*聖誕晚餐套票將於11月29日至12月21日期間於天際100官方網站發售。