德國主題聖誕市集登陸九龍灣! 7大美酒小食推介+聖誕禮物推介@Miss Sunny
德國主題聖誕市集登陸九龍灣! 7大美酒小食推介+聖誕禮物推介@Miss Sunny

德國主題聖誕市集登陸九龍灣! 7大美酒小食推介+聖誕禮物推介@Miss Sunny

(Presented by Telford Plaza)

成日話外國聖誕氣氛特別濃厚,其實香港的聖誕一樣有好多活動同靚靚布置,好熱鬧㗎!今年九龍灣德福廣場就舉辦了德國主題聖誕市集,有期間限定德國口味小食同傳統的美酒佳餚,還可以在市集內買聖誕禮物!立即為大家推介7大必食必買之選~快點約一班朋友去啦~

聖誕市集7大德國口味小食+美酒推介

想感受德國聖誕,先由味覺入手,市集內有多款特色小食,有德國地道傳統美酒佳餚,如「脆卜卜」鹹豬手、香腸、黑啤及熱紅酒等;亦有全港獨家首賣產品,包括德國口味龍蝦牛角酥、豬肋條、黑啤戚風蛋糕等。場內更設有立食吧枱,可以即場食到熱辣辣的德國美食,風味十足!

1. 龍蝦牛角酥

龍蝦包好多人都食過,但德國風龍蝦牛角酥應該無咩人試過。攤檔用了香脆的牛角酥,夾著鮮甜爽口的加拿大龍蝦肉,配上德國粗粒芥末或黑松露醬,令龍蝦肉的鮮味更突出。

聖誕市集
龍蝦牛角酥 HK$30/件
龍蝦配德國粗粒芥末,夠香口!

2. 德國燒烤醬豬肋條

用上德國燒烤醬去烤製豬肋骨,十分惹味!而且可以現場即買即食,食落還熱辣辣的!

德國燒烤醬豬肋條 HK$40/份
大人、小朋友都一定鐘意烤豬肋骨!如果想加重德國風味,可以叫檔主加芥末醬或茄汁。
德國燒烤醬豬肋條 HK$40/份
大人、小朋友都一定鍾意烤豬肋骨!如果想加重德國風味,可以叫檔主加芥末醬或茄汁。

3. 德國黑啤雪山之戀戚風蛋糕

限定小食除了有鹹食亦有甜品!女士們一定要試試德國黑啤口味的戚風蛋糕,這是德福廣場全港首賣,不可以錯過!

德國黑啤雪山之戀戚風蛋糕 HK$32/個
戚風蛋糕面頭鋪上黑啤啫喱,帶苦澀味的黑啤中和了蛋糕的甜膩,食多幾個都得!

4. 德國口味糯米糍

糯米糍係港人的集體回憶,市集內就有4 款會場限定的德國糯米糍賣,包括德國啤酒味、德國特濃朱古力味、德國黑松露味及德國車厘子味,款款都係由德國原材料炮製﹐一定要試呀!

德國口味糯米糍 HK$18/件 (可即場立食)
私心推介特濃朱古力味,入面仲有朱古力粒粒!而德國啤酒味糯米糍,即用上德國 Kaiserdom 凱撒啤酒製作,口味清爽,略帶苦澀。

5. 德國爆脆鹹豬手

話明係德國主題聖誕市集,又點少得脆鹹豬手?由知名德國餐廳主理的爆脆鹹豬手,豬手味道入味,表皮「脆卜卜」而肉質亦相當爽嫩。邊食邊飲啤酒,真是一流享受!

德國爆脆鹹豬手 HK$70/份
雖然係期間限定店,但製作絕不兒戲,經過秘製醃料醃足三天, 再浸湯半天才放入焗爐,相當考功夫。

6. 香草豬肉腸

根據非正式統計,每個去德國的人都逃唔過食德國香腸的命運!檔主會立即煎香豬肉腸,啖啖肉,充滿肉汁仲滲有濃郁的德國香草味,好正呀!

香草豬肉腸 HK$40/份
即場煎香的豬肉腸,juicy又美味!

7. 德國伊帕內瑪手工啤酒

手工啤迷就要試這款由有超過 500 年經驗的德國啤酒廠 Stein 釀造的手工啤酒。 入口帶有濃郁的柑橘果香及酒花香,只有4%酒精度,飲多幾支都不怕醉。

德國伊帕內瑪手工啤酒 HK$38/支
用上一級潔淨的東阿爾卑斯山天然泉水,加上有機認證麥芽及啤酒花製成,用料講究。

必買聖誕禮物推介

去到聖誕市集除了食,還可以買到聖誕禮物!場內有一系列聖誕造型的零食,如比利時聖誕朱古力和德國熊仔軟糖,送畀同事、朋友、小朋友一流。 另外,亦有多款德國特色飾物及手作精品,如胡桃夾子木偶、木製聖誕擺設及香薰座等,包你一定買到心頭好。

比利時聖誕朱古力
雪人、 雪鹿及聖誕樹造型的朱古力及棒棒糖,送畀女仔就啱晒!
德國熊仔軟糖
一大個圓盤裝滿晒德國知名品牌軟糖,帶小朋友來一定會好開心!
Mueller木製工藝品
這個德國品牌有逾百年歷史,所有木製工藝品全是人手製作,手工精緻,特別推介聖誕造型的吹煙公仔,只要點上香薰,聖誕老人的「O嘴」就會噴煙,好得意!
Steiff泰迪熊期間限定店
德國過百年泰迪熊品牌Steiff會在場內設期間限定店,可以即場買到可愛造型的Teddy Bear,仲有會場限定的9折優惠!

同場加映:必影4米高泰迪熊布置

德福廣場呢個活動,有得玩、有得食,仲有得影!場內有全球首隻4米高超巨型毛毛泰迪熊國王,同佢影相、打卡,一定呃到like!商場亦會在指定時間更會有飄雪,好夢幻呀~啤啤熊加埋飄雪,一定可以帶畀大家一個特別的聖誕。一隻熊仔影唔夠?場內有成過百隻teddy bear!去埋「Steiff泰迪熊展覽」,一次過睇晒超過40件由Steiff德國博物館借出嘅珍藏品,影多啲靚相!

除咗4米高國王啤啤,仲有守衛,好威風!
齊齊影張靚相!
Steiff泰迪熊展覽就在國王旁進行!
有中國風、Winnie the Pooh、戲曲大師的特別版展出!
指定時間有飄雪,真係好浪漫!
率先感受聖誕氣氛,快啲去德福啦~

德福廣場「泰迪熊聖誕市集」
日期:2018年月11月5日(星期一)至2019年1月1日(星期二)
時間:11am-9pm
地點:九龍灣德福廣場一期中央展場

德福廣場「Steiff泰迪熊展覽」
日期:2018年月11月5日(星期一)至2019年1月1日(星期二)
時間:11am-9pm
地點:九龍灣德福廣場二期中庭

最新吃喝玩樂資訊