亞洲女神
亞洲女神

外國人眼中亞洲女神「皮膚白、眼大」全出局? 宅男女神阿冰榜都入唔到!

熱話

廣告

亞洲女神眾多,各花入各眼,不過美的定義從來都係因人而異,不知道香港人公認的女神,在外國人眼中又有咩評價?原來外國人認為以下的女星先係真女神,而呢位巴打們平時大讚嘅女星,居然得到眾多負評?

外國人點評亞洲女神

成日有港人認為外國人對美的準則比起華人更寛鬆,不過事實又是不是呢?我哋立即睇睇在外國人心目中,最靚的華人女星有邊個先!

元祖級嫩模Angelababy

出道與文詠珊(Janice Man)齊齊以孖妹姿態出道的嫩模始祖Angelababy,雖然經常畀人質疑整過容,不過她的事業並無被負面報道影響,發展得愈嚟愈好!近年積極北上搵真銀的Angelababy唔單止係內地巴打同埋香港巴打公認的女神,憑住微厚嘴唇,成為外國人眼中的亞洲女神!

亞洲女神 Angelababy憑住微厚嘴唇,成為外國人眼中女神!
Angelababy憑住微厚嘴唇,成為外國人眼中女神!(圖片來源:IG@angelababyct)

Victoria’s Secret內地超模劉雯

外表寡淡,一雙小小獨特的內雙眼睛,劉雯的美未必個個人都識得欣賞,不過喺一班外國男人眼中,劉雯似乎就符合晒外國人對亞洲靚女的標準。被譽為中國模特兒界「四大金剛」之一的劉雯除咗曾經參與Victoria’s Secret內衣騷,仲代言過唔少知名國際品牌,雖然喺香港唔一定個個人都識,但全球都有好高知名度。

亞洲女神 圖片來源:IG@liuwenlw
她是第一個在Victoria’s Secret時裝騷上行天橋的中國模特兒!(圖片來源:IG@liuwenlw)

C朗唔揀迪麗熱巴!要劉雯

除咗啲白人巴打鍾意劉雯,C朗邀上內地綜藝節目《我的最佳球星》擔任嘉賓時,要喺其中一個遊戲環節由三位內地女星中揀出一位最啱心水嗰陣,亦同大家一樣揀咗劉雯呀!C朗基本上第一眼就睇中劉雯,仲好肯定咁話「我覺得第三個漂亮」。其實C朗鍾情模特兒都唔係咩新鮮事,過往佢都同過多位唔同國籍的模特兒拍拖,果然眼光始終如一!

亞洲女神 C朗基本上第一眼就睇中劉雯,仲好肯定咁話「我覺得第三個漂亮」。
C朗基本上第一眼就睇中劉雯,仲好肯定咁話「我覺得第三個漂亮」。(圖片來源:騰訊視頻《我的最佳球星》截圖)
亞洲女神
(圖片來源:ig@liuwenlw)

選美冠軍曾淑雅 Jumbo

香港藝人Jumbo作為全球百大美女排行榜2022嘅第41位,首次入圍之餘仲要喺香港入選嘅靚女之中最高排名,外國人就覺得佢笑容夠甜美,獲得 Smile of the Year 嘅稱號,再加上佢依家作為瑜珈導師,健康美嘅形象當然吸引唔少外國人!

亞洲女神 Jumbo笑容非常甜美!
Jumbo笑容非常甜美!(圖片來源:ig@jumbotsang)
亞洲女神 再加健康膚色,外國人鍾意都有道理!
再加健康膚色,外國人鍾意都有道理!(圖片來源:ig@jumbotsang)

公認靚女、自信美唔係人人識欣賞?

講完外國人公認最靚的華人女星後,當然要講下外國人不欣賞的類型!

苟芸慧

苟芸慧曾經奪得2008年多倫多華裔小姐以及2009年國際中華小姐冠軍,係網民公認又靚又有身材的大美人!2017年仲獲賽車手男朋友陸漢洋(William)送上鑽戒,兩人於2018年結婚。女神封盤,好多巴打都覺得非常可惜,不過啲外國人竟然覺得苟芸慧麻麻地喎!

亞洲女神 圖片來源:IG@joyfulck
苟芸慧是不少男生的女神。(圖片來源:IG@joyfulck)

鄭欣宜

「不要低頭,光環會掉下來……」鄭欣宜經過多年被網民唾罵之後,終於憑一首《女神》奠定女神的地位,更成為最受歡迎女歌手!完全係「因有自信,所以美麗」的代表人物。不過鄭欣宜呢種自信美,一班外國人似乎就唔太受落啦。

亞洲女神 圖片來源:IG@princejoyce
鄭欣宜很有自信,但一班外國人似乎就不太受落。(圖片來源:IG@princejoyce)
亞洲女神
(圖片來源:IG@princejoyce)

阿冰

阿冰喺 YouTuber 界向來都係靚女級數,清純外表吸引唔少港男追捧!不過喺外國人眼中,阿冰個樣就未係佢哋嘅心水,略嫌太普通咁話喎~

亞洲女神 阿冰嘅靚女地位不保!
阿冰嘅靚女地位不保!(圖片來源:FB@阿冰 – PingpingNg)
亞洲女神
(圖片來源:FB@阿冰 – PingpingNg)

巴打難以理解!外國人對亞洲女神審美觀

自信美又好、內在美又好、肥美都好,總之全部以字面解讀都有個「美」字,不過有個「美」字又未必係靚咁解,所以話個個人對美的睇法都好唔同囉!而了解完外國人的眼光之後,有啲巴打都話好難理解呀!

亞洲女神
(圖片來源:電影《奇異女俠玩救宇宙 》劇照)
亞洲女神 電影《尚氣》的中韓裔女星Awkwafina的樣貌也曾被大家討論,是否外國人對亞洲人的刻板印象呢?
電影《尚氣》的中韓裔女星Awkwafina的樣貌也曾被大家討論,是否外國人對亞洲人的刻板印象呢?(圖片來源:IG@shangchi)

七師傅:荷蘭老公覺得我靚女!

七師傅就喺節目《搵鬼做情人》大爆,話外國人根本「唔識睇人」,在香港被定義為唔靚、老嘅女生,去到外國反而好受歡迎!七師傅嘅荷蘭老公,當年都係因為沉醉亞洲文化,覺得七師傅同屋企海報上嘅亞洲女星好相似,所以對七師傅展開熱烈追求!不過個位女星係鞏俐喎⋯⋯

亞洲女神 七師傅就喺節目《搵鬼做情人》大爆,話外國人根本「唔識睇人」。
七師傅就喺節目《搵鬼做情人》大爆,話外國人根本「唔識睇人」。(圖片來源:《搵鬼做情人》截圖)
亞洲女神 竟然係話七師傅似鞏俐!
竟然係話七師傅似鞏俐!(圖片來源:微博截圖)

圖片來源:Instagram、《搵鬼做情人》截圖、《你是我的榮耀》劇照、電影《奇異女俠玩救宇宙 》劇照