陳智燊
陳智燊

陳智燊首度公開囝囝正面照 笑問呀仔似邊個多啲?

影視娛樂

廣告

陳智燊(Jason)同太太宋熙年(Sarah)結婚兩年終於喺今年8月迎接第一個新生命嘅來臨,但就遲遲未公開愛情結晶品畀大家睇!今日,首度榮升做新手爸爸嘅Jason首次晒出囝囝正面相,仲問網民B仔似邊個多啲!

撰文:東方新地|圖片:Instagram

陳智燊首度公開囝囝正面照

陳智燊今日喺個人社交網首次分享兩張B仔相,並留言問大家「BB似邊個多啲?」而Jason就認為阿仔對眼仔就似媽咪,鼻同嘴就似自己多啲,至於對耳仔Jason就先唔公開,仲叫大家估下B仔對耳仔似邊個多啲喎,認真鬼馬!

Jason同時晒出一張阿仔帶住腳帶嘅相,留言話「我們會一直牢記2018年,由二人變三人家庭一年。我哋依家有咗一個屬於我哋嘅囝囝,又或者好似腳帶所指’是屬於Sarah’哈哈哈」

網友睇到B仔個樣後,除咗大讚B仔勁可愛之外,唔少人都認為BB似太太宋熙年多啲!不過同時亦有人想快啲知道B仔叫咩名喎,唔知Jason又會幾時公布畀大家知呢?

宋熙年歎:懷孕只係呢條路嘅開始

佢話明白做媽媽嘅路,唔係好似喺公園散步咁簡單,而係好漫長嘅路,而懷孕也只是這條路的開始。她說產後這幾個星期好有挑戰性,雖然佢為餵人奶及不眠不休照顧BB做好心理準備,但原來仲有好多生B前未預計過嘅問題都陸續出現,包括產後腫脹、抑鬱情緒、荷爾蒙失調及傷口恢復等等。雖然要面對好多問題,但只要抱住BB,老公又攬住自己嘅時候,一切都值得!

6磅B出世 母子平安

8月31日陳智燊宋熙年同時更新IG,原來佢哋嘅愛情結晶「Boss baby」,已經出世喇!Sarah PO咗一張Jason抱住BB嘅相,慈父相表露無遺!

同時Jason就PO咗一樣同BB頭貼頭嘅相,個樣勁冧,仲話好多人都話個仔同佢似樣,咁即係大個都會係一個靚仔啦!

新手爸爸Jason今日受訪時表示,心情好興奮。上個星期老婆仲係大住肚,BB而家出咗世,成件事唔知點去消化,覺得好得意、好神奇!而佢亦都有陪老婆入產房,過程好順利!

BB尚未改名

報道指,Jason仲喺醫生傍住之下,幫囝囝剪臍帶!佢話當時好似剪綵咁,醫生仲叫佢影咗相先!剪完BB仔冇事,佢自己都冇嚇親。Jason覺得BB瞓覺個樣好甜,好似媽咪,不過朋友就個個話BB 似爸爸。

長胎不長肉 陀B宋熙年孖老公拍寫真

懷孕7個月的宋熙年目前停工安胎,日前佢同老公陳智燊拍攝大肚寫真,Sarah於社交網站分享照片及留言:「Our precious family of three…」二人期待BB出世,Sarah表示懷孕是神奇的旅程,相當享受每一刻。

Sarah換上多個造型,其中一款著上黑色衫同短褲,見佢個肚籮咁大,但手腳依然纖細,面部未見浮腫,真係長胎不長肉,令不少孕媽羨慕呢!

Jason都有幫太太影花絮照,見Sarah喺鏡頭前擺出搞笑甫士!

宋熙年陳智燊宣布升呢做爸媽

宋熙年陳智燊今年4月喺社交網站發布喜訊,表示陳氏家庭即將迎來新波士!

Jason要好好錫老婆呀!

Jason喺宣布喜訊前,先送上一段愛的宣言~

現年40歲的陳智燊(Jason) 與32歲前華姐宋熙年(Sarah)於2016年結婚,婚後一直幸福美滿,經過兩年的二人世界後,今年終於傳來喜訊!

陳智燊宋熙年拍拖7年,愛得甜蜜,不時被催婚,終於在2015年暑假,忙於拍劇的Jason特意「即日來回」澳洲,趁Sarah與家人慶祝生日時,送上鮮花及親自設計的鑽戒求婚,讓Sarah驚喜萬分。2016年,兩人在英國東薩塞克斯郡的Buxted Park Hotel完婚。

兩夫妻接受無綫節目《東張西望》訪問時,Jason表示愛妻宣言要讀多次才抱得美人歸,「要求高到不得了,要一隻隻字好有愛讀出嚟,嫌我講得太慢,要快啲,結果講咗兩、三次先收貨。」

宋熙年 爆陳智燊勁緊張

陳智燊和宋熙年較早前以夫妻檔出席新車發布會,兩人笑言已經準備咗好多迎接BB嘅嘢又表示唔介意用二手嬰兒產品,講番剛開始知道懷孕時嘅心情,兩人都話好無助:「因為未夠三個月,唔可以話畀任何人知,唔可以問其他人。」所以當時陳智燊都是依靠網上嘅資訊來照顧老婆。

宋熙年又透露胎兒性別係男仔,仲話雙方父母對抱孫都覺得好開心,不過陳智燊就笑言:「我呢邊都係兄弟,父母比較想抱孫女!」

而問到老公係咪特別緊張佢懷孕嘅狀態,宋熙年甜笑指:「佢每個小時都講三次,叫我小心、小心、小心,唔能夠食啲咩嘢咁。」

孕媽宋熙年 準備充足

今個月,孕媽宋熙年就趁住懷孕進入穩定期、個肚又未至於太大,同老公陳智燊一齊飛咗去毛里裘斯,爭取機會再享受吓二人世界先!

this new mamma-to-be needs little introduction… “hey #BossBaby it’s mother’s day today! let’s party next year heehee” @RahRahSong #MrAndMrsChan #iAmYourFather hahaha #BabySarahOrBabyJason … tell you soon❤️
Jason Chan 陳智燊(@chanjason_)分享的貼文 於PDT 2018 年 5月 月 13 日 上午 6:46張貼

陽光海灘、水清沙幼,又大住肚做緊女皇,孕媽媽好有興致影咗好多靚相擺上網,仲見到佢個肚剛滿四個月,已經睇緊育嬰書做定功課㖭!其實唔止呢樣,宋熙年仲話已經請咗陪月,真係準備功夫做到十足。

The big fat cheesy contented grin after satisfying a food craving! ☺️ . . . . Btw if you’re free tmw (18/5) @chanjason_ and I would love to say hi to you at Festive Walk Kowloon Tong at 4pm at the Volkswagen event!! #mrandmrschan #allsmiles #blessed #happinessissimple #em1ii #75mmf1_8
Sarah Song 宋熙年(@rahrahsong)分享的貼文 於PDT 2018 年 5月 月 17 日 上午 1:07張貼

著波鞋出巡

孕媽宋熙年陀B亦份外小心,平時出job有助手、出街有老公傍實,呢日去超市上糧,就有外傭跟實,宋熙年揀完肉又揀菜,之後又親自揀靚生果,睇嚟都係入開廚。最最最緊要係呢日好聽話,著番平底鞋,緊張老公陳智燊就倍感安慰喇!

日前兩公婆齊齊飛去毛里裘斯享受二人世界,除咗微微隆起的四個月肚,宋熙年手腳纖幼keep得好fit,仲呃到人。

#Sundayvibes ❤️ sending love from Mauritius 🇲🇺 . . . . #sunkissed #chillax #babymoon #bigfatgrin #sundayfunday #secondtrimester @fsmauritius #holidaymood
Sarah Song 宋熙年(@rahrahsong)分享的貼文 於PDT 2018 年 5月 月 6 日 上午 2:21張貼

新手媽媽係緊張啲,就算放假都要抓緊時間溫吓書睇定育嬰指南。

Happy labour day HKG! Like it says on my shirt- “the cure for anything is taking a holiday on a desert island” (or tropical island) . . . #guesswhereiam #hinthint #babymoon #ideservethis #workedhardtoday
Sarah Song 宋熙年(@rahrahsong)分享的貼文 於PDT 2018 年 5月 月 1 日 上午 8:20張貼

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..