麥當勞朱古力脆皮新地回歸！一系列朱古力甜品＋開賣詳情
廣告
麥當勞早年推出的脆皮朱古力新地，大受歡迎，停賣後一眾朱古力Fans念念不忘！最近麥當勞宣布，朱古力脆皮雪糕即將回歸！更有一系列朱古力甜品，即睇開賣詳情！
記者：Joan 攝影：官方圖片
麥當勞甜品站限定脆皮朱古力新地甜品系列
脆皮朱古力新地於麥當勞消失多年，最近終於回歸！這款甜品好食在它的朱古力脆皮，店員唧完雪糕，再把雪糕浸落朱古力漿，冷卻後即成脆成，食落好有口感！今次回歸，雪糕可選朱古力、原味雲呢嗱或紐紋，4/10於大部分麥當勞有售！同期亦推出一系列朱古力甜品，有新地筒和窩夫等，非常吸引！
經典的新地筒回歸！雪糕可選朱古力味、雲呢嗱或扭紋口味，再加上朱古力脆皮，童年回憶返晒嚟！
新地配合香濃朱古力脆皮，加上香脆花生粒，外脆內軟，口感豐富。
香濃朱古力味的窩夫筒加上濃滑朱古力(或扭紋)新地，再淋上朱古力醬和鬆脆的OREO威化卷，完全滿足到朱古力控！
香脆熱暖的窩夫，配上朱古力新地，加上鬆脆的OREO碎和OREO威化卷，配上甜甜的朱古力醬，多重朱古力享受！
－供應期由2018年10月4日起全日供應
－脆皮朱古力(/扭紋)新地大窩夫筒於指定McCafé、香港及澳門全線甜品站供應
－朱古力新地窩夫只限金鐘海富中心、海灣街、太古城中心、又一城及機場客運大樓McCafé，由2018年10月4日早上11時後供應
－數量有限，售完即止
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
