煎釀三寶 邊間最好食 試食助選團 九龍灣 渣哥 文記 東興小吃 大角咀 長沙灣 小食堡 葵涌 合發小食
煎釀三寶 邊間最好食 試食助選團 九龍灣 渣哥 文記 東興小吃 大角咀 長沙灣 小食堡 葵涌 合發小食

【試食助選團】Top5煎釀三寶!全港出色小食店大比拼!1號合發小食勝在夠平!

飲食

廣告

煎釀三寶,植根於南番順,興旺於省港澳。一隻鑊、一鍋滾油。撻一堆鯪魚肉,釀青椒尖椒豆腐紅腸 矮瓜冬菇雲吞皮,咋一聲,聞到香噴噴,睇到金黃黃,口水就猛吞。香港地,煎釀三寶何其多,梗有一檔喺左近,邊檔釀得精、邊檔炸得妙,今次搵來一班「試食助選團」美食influencer走勻港九新界,用眼用鼻用條脷,為大家測試全港最好味煎釀三寶。
*試食評語乃根據試食者個人經驗、觀感及口味得出,以試食當日出品為準,另外,貨品價格或有可能浮動,敬請留意。

A) 勝在夠平 合發小食

葵涌平霸小食店,開足24小時,體現香港人拼搏精神。兩個阿姐睇檔,又賣粉果又賣雞髀又賣魚肉翅,總之大包圍。三寶一次炸定一大堆,撞正剛出爐還熱辣辣,撞正貨尾只能夠歎句唔好彩。最強是價錢,一蚊一件簡直平通港九新界。今次等「試食助選團」Antonia帶大家去搵食啦!

地址:葵涌禾塘咀街珠寶大樓地下125號 D 舖
電話:2410 8849
營業時間:星期一至日24小時營業

更多出色煎釀三寶小食店

B) 釀工精細 小食堡


深水埗元州邨對開的蚊型小食店,屹立十多年,九成外賣,只門口一張吧枱立食。兩公婆經營,胼手胝足一腳踢。燒賣、腸粉、炸雞髀,以港產小食招徠。粗菜精做,煎釀三寶釀得脹卜卜又貼服,很骨子。地方淺窄,人多起來,動輒要等15分鐘,趕時間要注意。

地址:長沙灣元州街340號地下2號舖
電話:從缺
營業時間:星期一至日2pm-9pm

C)魚肉掛帥 東興小吃

大角咀著名小吃店,開業三十多年,熟客超多,有些已由年輕人吃到成家立室,甚至帶著下一代來,溫情滿滿。鯪魚肉自家打,天天在店內切切釀釀。款式齊,魚蛋、茄子、豆腐、青椒、尖椒都有,獨門煎釀冬菇,別家難求。平時不太愛煎炸食物的「試食助選團」阿Fei都要來潮拜一下。

地址:大角咀大全街43-59號 A4號舖
電話:3999 9755
營業時間:星期一至日12nn-9pm

D) 新鮮熱辣 文記傳統車仔麵茶餐廳


八十年代車仔檔起家,後來在牛頭角下邨入舖,拆邨後搬去淘大附近落地生根。仍是文生文太兩公婆經營,請了一班阿姐幫手,熟客極多。煎釀三寶也是名物,門口另設獨立炸區,大油鑊即炸。等「試食助選團」Fiona一試有甚麼特別!

地址:九龍灣牛頭角道55號利基大廈地下
電話:2707 0082
營業時間:星期一至日11am-3am

E)用料充足 渣哥一九九六


由港姐譚小環夥拍做魚蛋批發生意的拍檔渣哥合力經營,已有四間分店,銅鑼灣、鰂魚涌、尖沙咀之外,上月更於九龍灣開張新店。九龍灣新店開在德福商場,人流多。魚蛋豬皮蘿蔔等小食齊備,煎釀三寶做得頗有心機。今次等「試食助選團」Cat來到九龍灣一嘗這間新店!

地址: 九龍灣偉業街33號德福廣場一期P41號舖
電話:從缺
營業時間:星期一至日7:30am-11pm

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..