被亞視姐仔寸係姣婆 遭正印爆料！萬綺雯疑做過甄子丹呂頌賢小三

撰文：占士@Central│圖片來源：劇集海報、電視劇照、電影劇照、IG、微博

被亞視姐仔寸係姣婆 遭正印爆料！萬綺雯疑做過甄子丹呂頌賢小三

萬綺雯貴為亞視一姐，拍過嘅劇集當然唔止《我和殭屍有個約會》一套啦！當年劇接劇嘅佢連緋聞都一個接一個，好似佢同呂頌賢喺1991年主演《大提琴與點38》嗰陣，就被傳萬綺雯暗撻同黎海珊熱戀中嘅呂頌賢！搞到萬綺雯被人話做小三呀！

亞視1991年劇集《大提琴與點38》海報

呂頌賢、萬綺雯劇集宣傳照

呂頌賢拍《大提琴與點38》時正與黎海珊熱戀中，但黎海珊似乎都估唔到呂頌賢同萬綺雯拍拍下劇竟然撻著咗，搞到黎海珊嬲嬲豬，口出狂言話亞視出咗個｢姣婆亞姐｣，對佢男朋友放生電，勾引佢男友！

（左：細龜黃一山、右：黎海珊）

TVB節目《笑星救地球》照片

（左：蔡一傑、右：鄭啟泰）

黎海珊曾與鄭啟泰維持五年婚姻

老實講，大家叫得出名嘅亞姐又有幾多個呢？咁啱呂頌賢又同萬綺雯合作，所以矛頭即刻直指當時嘅亞視一姐萬綺雯！

萬綺雯IG

萬綺雯IG

萬綺雯IG

萬綺雯IG

有傳當年黎海珊試過喺廣播道截停呂頌賢架車，即場鬧爆喺車上嘅萬綺雯。又有指黎海珊試過入廠大把大把車落萬綺雯塊面，真係好火爆呀。據說事件隔咗無耐，呂頌賢同萬綺雯嘅戀情亦終告完結。

亞視劇集《槍神》劇照

亞視劇集《槍神》劇照

亞視劇集《槍神》劇照

同呂頌賢分開一年後，萬綺雯轉個頭就同當時已為人夫嘅甄子丹因為合作《精武門》爆出戀情，同年甄子丹更選擇拋妻棄子，名正言順同萬綺雯熱戀。 不過當年萬綺雯貴為亞視一姐，甄子丹亦尚未成為宇宙最強，人氣不如萬綺雯，加上早有家室就令呢段戀情飽受輿論壓力。自兩人公布戀情更是謠言滿天飛！

《精武門》劇照

《精武門》劇照

甄子丹喺《葉問》就一個打十個，而當年就有指佢為咗保護萬綺雯喺蘭桂坊一個打八個，打到人哋入廠！不過萬綺雯事後亦有澄清事件，話當日只係朋友生日，而有人酒後口花花撩女仔搞到有啲碰撞，整個過程都無人被打到入醫院。

《葉問》劇照

《葉問》劇照

甄子丹亦試過喺亞視台慶時當眾下跪向萬綺雯求婚，萬綺雯更揚言非君不嫁。可惜呢段姻緣維持四年多就結束，後來萬綺雯受訪時亦有大方重提舊情，表示：「年輕時總覺得對方最好，以為我倆之間是世界上最浪漫的，但其實只是自己想得太完美。最大的挫折，莫過於以為已找到最適合的人，結果卻發現我倆根本不適合對方。」

睇嚟萬綺雯幾乎每任男朋友都係因劇結緣，好似現任丈夫陳十三亦係因為拍攝《我和殭屍有個約會II》撻著，喺劇集慶功後正式約會，四個月後正式註冊結婚！ 萬綺雯、呂頌賢、甄子丹現在都各有所屬，萬綺雯就同陳十三結婚十八載，甄子丹亦同太太汪詩詩育有一對寶貝囝囡，呂頌賢就同拍拖14年嘅麥景婷於2008年到關島結婚。

萬綺雯、陳十三合照

萬綺雯、陳十三合照

甄子丹、汪詩詩合照

甄子丹、汪詩詩合照

呂頌賢、麥景婷合照

呂頌賢、麥景婷合照