【山竹襲港】將軍澳最齊心！市民集氣自發修復海濱義載大家回家

Sep 17 2018

山竹襲港後，香港各區滿目瘡痍，政府唔放大家一天假，但正義的市民唔使等林鄭出聲都會自救，尤其是將軍澳區居民，今日發起全民修復海濱，傍晚仲有司機在群組發起義載，係愛呀哈利！

山竹毁將軍澳居民自發清理

昨日山竹襲港，全港各區都大量冧樹、吹倒建築棚架，一早醒來香港人一方面繼續拼搏返工（多謝林鄭！！），一方面亦發現守望相助的溫暖人間故事。被颱風嚴重損毁重創的將軍澳，今日下午開始在Whatsapp及面書群組發起居民自發救海濱行動，除了在海濱清理垃圾，更排成人龍義助傳磚頭，砌返好條路畀居民行走，傍晚開始陸續在群組睇到佢哋半日嘅成果，真係充滿愛呀哈利！