喊戲勁藝人
喊戲勁藝人

望住佢喊心都碎埋!點止鍾嘉欣同楊怡!盤點TVB 13位喊戲勁藝人

影視娛樂

廣告

無綫新開播嘅重頭劇《再創世紀》三位女主角楊怡、鍾嘉欣、周勵淇都各自有喊戲,佢哋喊功一向了得,令觀眾都大嗌期待!其實TVB多年來劇中都有唔少喊戲勁藝人,每次演喊戲都能夠感動萬千觀眾,等我哋一一為大家細數有邊位女星喊戲勁啦!

撰文:東方新地、醉曖泳兒@Central| 圖片:新傳媒圖片庫、電視影片截圖|編輯:醉曖泳兒@Central

盤點TVB十大喊戲勁藝人

1. 鍾嘉欣

嘉欣BB係好戲之人就係人都知,佢結婚之後就少咗喺大瑩幕見到佢,終於可以喺大台睇嘉欣BB嘅戲啦!

在《再創世紀》中,鍾嘉欣得悉身在香港的父母因為迷債爆煲而跳樓自殺,傷心得在湖邊濠哭,被身為男友的林文龍抱著安慰!

但及後鍾嘉欣知道林文龍係迷你債券設計人,認定佢係間接害死自己爸爸媽媽嘅兇手,嘉欣淚如泉湧,所以最後決定分手!

2011年《點解阿Sir係阿Sir》一場崩潰式喊戲,令鍾嘉欣被封為「民間視后」!

另外2013年嘅「整蠱」片亦相當經典,魔術師Louis本以為是負責向鍾嘉欣表演一個令觀看者不安嘅「整蠱」魔術,鍾嘉欣亦被嚇得花容失色及哭崩,觀眾都以為佢覺得受驚!

鍾嘉欣喊到崩潰!

但全部人都俾嘉欣呃咗啦!鍾嘉欣嘅神級演技成功呃到觀眾同Louis,真正被「整蠱」嘅係Louis!嘉欣精「喊戲」令網民拍案叫絕!

2. 楊怡

好戲之人點少得楊怡?雖然佢近年轉戰大陸,但逢係佢做主角嘅戲就都係經典,而且一定有佢嘅喊戲!

同樣係《再創世紀》,視后楊怡飾演郭晉安老婆章明晞,據知她在劇中曾被方松蔭兒子方孝聰 (黃子雄飾) 強姦,會在電梯有場喊戲。

而另一場戲,講佢畀老竇話生咗個咁陰險嘅女兒,仲話畀村民嘲笑佢冇仔生,呢場戲楊怡谷到眼鼻通紅!

3.周勵淇

而在《再創世紀》飾演富二代舞蹈家的周勵淇,在到殮房認屍一幕中,見到兩個哥哥的屍體,激動撫屍痛哭。

4. 麥明詩

在《賭城群英會》處女拍劇的麥明詩,在失去丈夫何浩文後爆喊一幕,亦獲觀眾激讚!

5. 岑麗香

香香公主平時行開甜美路線,但佢一喊起上嚟,真係我見猶憐!

「香香」岑麗香去年在《溏心風暴3》連場爆喊戲獲網民讚賞,香香話好多謝網民支持,笑言:「其實我唔係好敢睇網上嘅留言,有啲驚,唔知網民反應係點,好緊張!」問到覺唔覺得自己演技進步咗?佢就回應:「當然希望真係進步咗,我覺得自己仲有好長嘅路要行,希望可以做得更加好啲!」

6. 田蕊妮

視后田蕊妮在《迷》入面要面對劇中女兒簡淑兒慘被謀殺,阿田將一個痛失女兒的媽媽演得淋漓盡致,兩場喊戲睇到人心都酸埋,盡顯功架!第一場喊戲由一開始唔願意相信,到得悉事實後傷心欲絕,阿田情感演繹恰到好處,令觀眾完全感受到喪女之痛,好想喊埋一份⋯⋯不過接下來的認屍戲先係高潮!

之後嘉穎帶阿田去到停屍間,阿田終於見番個女,不過對方已經係一副沒有靈魂的空殻。不停自責的阿田初時強忍淚水,不過當佢碰上女兒屍體的一刻,眼淚已經完全止不住,緩緩落下,之後阿田更愈喊愈厲害,近乎崩潰的痛哭流涕,真係鼻涕都流晒出嚟!

7. 唐詩詠

唐詩詠係大台花旦,平時形象甜美,喊起起上嚟真係令人睇到傷心埋一份架!

37歲唐詩詠2013年任劇集《神探高倫布》女主角,拍攝一場失常喊戲時,唐詩詠抄足星爺谷出三吋鼻涕,更爆喊至五體投地 !

8. 龔嘉欣

龔嘉欣近年更被封為專搶男友的狐狸精,直到《幕後玩家》的賢妻良母角色出現先成功洗底。劇中因為老公Bosco出軌令佢進入崩潰狀況, 連場崩潰喊戲令大批網民對佢演技另眼相看,Facebook更有大規模洗版,有網民更直指「原來龔嘉欣咁好戲㗎?」!

9. 佘詩曼

阿佘係影后就係人都知,平時做型百變,喊起上嚟判若兩人!

兩屆視后佘詩曼一向喊功了得,每次話喊就喊,不同層次嘅喊戲亦難佢唔到。

10. 蔡少芬

蔡少芬在《洛神》為助馬浚偉七步成詩,含淚一笑,獲讚喊得夠靚。

11. 江嘉敏

在劇集《果欄中的江湖大嫂》中,江嘉敏與黃嘉樂這一對戀人,千辛萬苦才能在一起,但黃嘉樂被殺,作為飾演其女友的江嘉敏哭得死去活來,仲要加埋口水鼻涕一齊流,全情投入,演到七情上面!

12. 馮盈盈

同樣係《果欄中的江湖大嫂》,講到馮盈盈去認番哥哥條屍一幕,雖然盈盈演出經驗未算多,不過今次喊戲表現亦算不俗,睇到觀眾好心痛!

講到拍劇時嘅心情,盈盈表示拍之前好緊張,覺得喊得出已經好開心。問到拍喊戲時佢諗緊咩?盈盈竟然自爆諗緊「死老竇」!不過講完發現唔對路,隨即靚兜話在劇中係「長兄為父」,哥哥係唯一親人,最後補多句:「所以呢套戲就要多謝我爸爸。」

13. 王浩信

王浩信同朱千雪在《EU超時任務》中未能大團圓結局,王浩信面對同千雪生離死別嘅場面,崩潰痛哭同默默流激都令觀眾大加讚賞。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..