【出街搵食】綠茶麻糬雞蛋仔+肉鬆紫菜雞蛋仔!連鎖小食店新口味
【出街搵食】綠茶麻糬雞蛋仔+肉鬆紫菜雞蛋仔!連鎖小食店新口味

【出街搵食】綠茶麻糬雞蛋仔+肉鬆紫菜雞蛋仔!連鎖小食店新口味

澳門早前有食店推出麻糬雞蛋仔,瘋狂洗版!最近香港都有小食店推出綠茶麻糬雞蛋仔,每粒雞蛋仔都有麻糬粒,煙韌香甜。愛鹹香的則可試試紫菜肉鬆雞蛋仔和鹹蛋黃梳乎厘班戟,5間分店都有得食,即睇地址詳情!

記者:Joan 攝影:Meck

連鎖小食店Bove綠茶麻糬新口味

這間小食店主打雞蛋仔和梳乎厘班戟,最新出的綠茶麻糬口味,一推出即大受歡迎,試過一日便賣出超過一百底!蛋漿加入宇治抹茶粉製作,每粒雞蛋仔內都會加粒原味麻糬,非常足料!麻糬加熱後會發漲,一口咬下非常煙韌,甚至有拉絲效果,煙韌控必試!不過麻糬的甜味太霸道,有點蓋過了抹茶的甘香,吃多有點膩,記住搵Friend Share食!

綠茶麻糬雞蛋仔
綠茶麻糬雞蛋仔 $28
蛋漿加入宇治抹茶粉製作,每粒雞蛋仔都有一粒原味麻糬,超足料!
蛋漿加入宇治抹茶粉製作,每粒雞蛋仔都有一粒原味麻糬,超足料!
每啖食落都有微甘抹茶味,麻糬加熱後會發漲,會佈滿整粒雞蛋仔,不過與此同時雞蛋仔也會偏腍身。
每啖食落都有微甘抹茶味,麻糬加熱後會發漲,會佈滿整粒雞蛋仔,不過與此同時雞蛋仔也會偏腍身。
麻糬非常煙韌,咬開會有拉絲效果,煙韌控必Like!
麻糬非常煙韌,咬開會有拉絲效果,煙韌控必Like!

同場新品:紫菜肉鬆雞蛋仔

如果你偏好鹹食的,不妨試試同樣新出的紫菜肉鬆口味,原味蛋漿上會鋪上滿滿的肉鬆和原塊紫菜,份量滿瀉,非常慷慨!還未夠喉的也可試試店內的另一主打梳乎厘班戟,即叫即製,非繁忙時間都要等十分鐘,有鹹蛋黃、花生醬、朱古力等鹹、甜口味,選擇都算多!

紫菜肉鬆雞蛋仔
紫菜肉鬆雞蛋仔 $25
原味蛋漿上會鋪上滿滿的肉鬆,非常重手!
原味蛋漿上會鋪上滿滿的肉鬆,非常重手!
然後加上三塊原片紫菜。
然後加上三塊原片紫菜。
雞蛋仔口感較脆身,肉鬆烘熱後更鹹香,配上帶甜的蛋漿,層次幾得意。
雞蛋仔口感較脆身,肉鬆烘熱後更鹹香,配上帶甜的蛋漿,層次幾得意。
鹹蛋黃梳乎厘班戟 雙件 單件 <br srcset=
梳乎厘班戟非常厚身,一搖立即震騰騰,面頭淋滿吉士醬,賣相吸引。” width=”1200″ height=”801″ /> 鹹蛋黃梳乎厘班戟 雙件$45 單件$30
梳乎厘班戟非常厚身,一搖立即震騰騰,面頭淋滿吉士醬,賣相吸引。
中間佈滿鹹蛋黃,鹹香邪惡,好肥呀!
中間佈滿鹹蛋黃,鹹香邪惡,好肥呀!
全線Bove有售
全線Bove有售

Bove

地址:旺角花園街174A號地舖(顯示地圖
地址:葵芳葵涌廣場3樓Top世界3069-T20號舖(顯示地圖
地址:九龍灣牛頭角道77號淘大商場地下G128號舖(顯示地圖
地址:元朗又新街38號恆富大廈地下15號舖(顯示地圖
地址:天水圍天盛商場地下M417號舖(顯示地圖

延伸閱讀:

【敗家雜貨場】九龍灣北歐廚具2折開倉!$2焗模+$60丹麥易潔鑊+近千款廚具

【出街搵食】綠茶麻糬雞蛋仔+肉鬆紫菜雞蛋仔!連鎖小食店新口味

最新吃喝玩樂資訊