東京捕蟬
東京捕蟬

【東京捕蟬】近郊公園驚現3國語言看板:勿捕蟬幼蟲食用|懷疑集團式大量採捕

日本

廣告

【東京捕蟬】呢個夏天,日本發生咗唔少「神奇」事,先係天氣熱到破晒紀錄、甲子園決賽賽後球場上現彩虹等事件,而今日,日本電視台就報道咗一件極罕見事件,懷疑有人喺公園大量採捕蟬嘅幼蟲食用!

撰文:Yutorin|圖片來源:日テレNEWS 24

公園驚現3國語言奇怪看板

位於東京近郊嘅埼玉縣,川口市之中嘅青木町公園,立有一個寫住「請不要以食用為目的採捕蟬的幼蟲」嘅看板,到底係何方神聖要大量捕蟬?

埼玉縣川口市嘅青木町公園立有呼籲停止捕蟬嘅看板。
埼玉縣川口市嘅青木町公園立有呼籲停止捕蟬嘅看板。

有目擊者曾見到有人攞住一個膠樽,並放入大量蟬嘅幼蟲。

有目擊者曾見到有人攞住一個膠樽,並放入大量蟬嘅幼蟲。
有目擊者曾見到有人攞住一個膠樽,並放入大量蟬嘅幼蟲。

亦曾有人目擊到深夜時分,有一班人手持電筒,喺公園嘅地上好似搵嘢咁周圍照。而目擊者一上前詢問佢哋喺度做緊咩時,呢班人就頭也不回地向前跑走。公園方面相信呢個大量捕蟬嘅行為,係為咗捉嚟食。

公園方面相信呢個大量捕蟬嘅行為,係為咗捉嚟食。
公園方面相信呢個大量捕蟬嘅行為,係為咗捉嚟食。

電視台解釋,日本人並冇食蟬嘅習慣。但中國北京觀光地,就有蟬串出售。

日本人並冇食蟬嘅習慣,但中國北京觀光地,就有蟬串出售。
日本人並冇食蟬嘅習慣,但中國北京觀光地,就有蟬串出售。

江蘇省、山東省等地,更有唔少人鍾意以蟬串佐酒嚟食。

江蘇省、山東省等地,更有唔少人鍾意以蟬串佐酒嚟食。
江蘇省、山東省等地,更有唔少人鍾意以蟬串佐酒嚟食。

考慮到中國有食蟬嘅習慣,公園方面便設立3國語言嘅看板,要求停止捕蟬行為。以包括日本人自己在內、有食蟬習慣嘅中國人,同埋廣泛通用嘅英文3種語言提醒。

除咗日文,公園更用上中文、英文作提醒。
除咗日文,公園更用上中文、英文作提醒。

據說,唔止青木町公園出現大量捕蟬嘅情況,鄰近公園都發生咗相同事件。公園方面接收到嘅相關舉報足足有10件!

唔止青木町公園出現大量捕蟬嘅情況,鄰近公園都發生咗相同事件。
唔止青木町公園出現大量捕蟬嘅情況,鄰近公園都發生咗相同事件。
鄰近公園都有張貼同類型嘅標示語。
鄰近公園都有張貼同類型嘅標示語。