荔枝 巨無霸 大粒過雞蛋!

飲食

廣告

荔枝 一粒三把火,但其身驅晶瑩、Juicy鮮甜,叫人怎抵得住引誘喎!糯米糍 荔枝 好,桂味也好,可是也不夠我這個好,大如雞蛋的巨無霸 荔枝,好食之餘,用來呃Like更好!

荔枝 巨無霸

來自台中南投,14年前果農將野生 荔枝 和妃子笑(台灣人叫玉荷包)接合,足足等了八年,終於結出雞蛋般大的 荔枝 。嘩,好勁呀!

荔枝 當造期

荔枝 巨無霸 6尾-7頭月當造,跟最受香港人歡迎的糯米糍和桂味一樣,今個星期的最靚,7月中便過造,要等一年了。

試食報告!

賣相:✭✭✭✭✭
晶瑩剔透,滑溜到無朋友

味道:✭✭✭✭✭
超厚肉Juicy,甜度高,類似糯米糍般甜,質地偏爽身,桂味那種口感。

核:✭✭✭✭✩
大小合比例,成粒荔枝有六成是肉。

值唔值得試?

值得!$198/12粒,圍起約$16/粒,只是比台灣貴3成,可以試到如此厚肉的 荔枝,撕開表皮,好像食波板糖咁食 荔枝,係咪好爽先? 味道又好,買來送禮最好,或者豪點買來自己食,Post上fb呃下Like都好嘛~

貼士

由代購專門店直接由台灣入口,由於產量不多,一定7月15日前要打電話去訂,先有得食。

銷售點:
九里香台灣食品店
地址:旺角西洋菜南街2A銀城廣場(百老匯戲院旁)地庫E05舖 (顯示地圖
電話:3488 9140

大帽山摘荔枝

荔枝 總是即摘即食最好,去 荔枝 園摘又如何?大帽山有荔枝園,園主說今天豐收, 荔枝 又大又甜,$70/位便可在園內即摘即食,食到夠為止,假日可考慮去玩下。

大帽山農夫荔枝園
地址:大帽山荃錦公路大橋村(顯示地圖
電話:9373 6141/5370 0526
備註:想摘荔枝,請先預約

荔枝 小知識

1. 消燥方法

平時一粒 荔枝 都三把火,雞蛋咁大粒,起碼都九把火!點算?

方法有兩個:

1. 荔枝 殼煲水

2. 飲鹽水

2. 荔枝 身嬌肉貴

有人說 荔枝 一年豐收、下一年收成就會麻麻,梅花間竹,遇上清明前後下雨,又會失收,不過今年荔枝收成挺好,連枝的新鮮 荔枝,旺角街市賣$20/磅。

3. 荔枝 浸酒

將新鮮 荔枝 (500g)去皮去核,加入米酒或清酒(1000ml),浸7日便可飲用,若浸足3個月,更加芳醇。貼士:糯米糍 荔枝 較甜,加米酒或清酒最夾;桂味本身有陣芳香,配桂花陳酒更好,花香陣陣。

延伸閱讀:
Minions 迷你兵團 新地筒!今日全港麥當勞發售!
Lady M 7月1日試業!海港城分店率先試食!

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..