【爆笑校規】日本農業高校神奇校規：不可欺負豬、偷蘋果要停學！
廣告
【甲子園2018】昨日係日本第100回全國高校野球選手權總決賽，亦即係簡稱為「甲子園」嘅高中棒球校際比賽！最矚目嘅就係事隔103年殺入決賽嘅秋田縣金足農高校！除咗一眾選手成為最熱話題，金足農嘅「奇特」校規亦成為咗網友嘅討論熱點。
撰文：Y｜圖片來源：網絡
甲子園熱血棒球高校 金足農奇葩校規
日本一對搞笑藝人早前上節目講起母校金足農有兩條「奇特」校規，唔少網民都紛紛笑說：「不愧是農業高校！」
1｜「偷蘋果要停學，偷梨要退學。」
據說呢條校規係直接寫咗上學生手冊，而且校長亦多次強調。校規嘅存在係因為梨比較難採摘，有稀少價值，因此，希望學生可以愛惜果實。
2｜「不可欺負豬。」
老師都成日掛喺嘴邊嘅說話，據說係要學生小心仔細照顧自己所飼養嘅動物。
