麥記 自動點餐機試行!自創極限Burger!

飲食

廣告

有時候,就算比你搵到肯同你捱麥記的女朋友,但當見到長長的人龍,都會當堂灰哂!有見及此, 老麥 引入咗自動點餐機,可以全自動人手點餐,堂食又得,外賣又得,得咗!督完部機就可以直接拎住張收據等叫號攞餐,口水都慳返!但其實自動點餐機最強功能,係在於可以自已設計Burger組合,二十八款Burger配料任加(當然$$都係咁加啦),全部包括兩種麵包、四種芝士、五種菜、六種餡料及十種醬料,想要咩口味都可以自己say,整埋比女朋友,食 麥記 都可以食得有情趣啦!

自動點餐機點餐流程

1. 先選擇中文或英文餐單,然後就揀堂食或者外賣。

2. 現行的自動點餐機餐單和價錢都與普通餐單無異,但食物則有明細分了類,可以選擇套餐、開心樂園餐、甜品、飲品等等,散叫加套餐亦得,套餐還可選擇加唔加大。

3. 對 麥記 包有丁點兒要求的話,點餐機仲好貼心的有「走青瓜」、「走醬」、「走芝士」等的選擇。

4. 選擇用八達通或信用卡付款,暫不接受現金付款。

5. 憑收據等叫號到櫃檯取餐。

「自動點餐機」方便得嚟慳水慳力,但現階段只有銅鑼灣禮頓中心及又一城的麥當勞分店先有得玩 ,想喺屋企樓下間 麥記 玩自助點餐,恐怕要等下啦!

自動點餐機麥當勞分店:

香港銅鑼灣禮頓道77號禮頓中心地庫B02 (顯示地圖)

九龍九龍塘達之路80號又一城2樓L2-28號舖(顯示地圖)

延伸閱讀: Minions 迷你兵團 新地筒!今日全港麥當勞發售!

早喺上年10月,澳洲雪梨城堡山(Castle Hill )的麥當勞已經率先推出「Create Your Taste」自助漢堡包機,由包的種類、餡料、醬料到配料,全部都任君選擇,仲要無上限,難怪有外國網民整咗個超巨型漢堡,仲拍埋片上網添!

咁大個漢堡好唔好食就真係見仁見智喇,但香港就好快有得試!麥當勞已經預告將於七月七日引入風摩澳洲的自助漢堡包機,雖然未知係咪同澳洲嗰部一樣,只知道會有碳燒100%安格斯牛肉,但就咁聽已經好吸引!仲有二十八款配料任你揀,其中包括一款生菜、兩款麵包、四款芝士、五款菜、六款餡料同埋十款醬料, 鍾意一次過加哂又得,鍾意包餐走包變生菜底亦得!揀完自己的Dream包之後仲可以Mark埋自己坐邊,咁就可以坐定定等職員親手「速遞」 個熱辣辣兼獨一無二的Dream包比你喇!

延伸閱讀:香港有得換?麥當勞10款Minions 迷你兵團玩具

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..