見家長AA制被黑面！準女婿陪食生日飯 未來外母：嚟得就預咗請｜網絡熱話
廣告
見家長向來都是世紀難題，好似做咩都唔啱咁，每一步都要諗過度過！近日有位網民同女朋友一家食生日飯兼見家長，成餐飯都相談言歡，但到咗埋單嘅時候就尷尬！到底是要爭住俾錢？定係一人俾一餐？
撰文：新假期編輯部｜圖片：網上圖片
見家長出事！未來外母生日飯準女婿想AA制！
所謂禮多人不怪，準女婿見家長，除左一袋二袋送禮之外，醒目啲嘅，仲會食完飯後爭住埋單，務求俾外母一個好印象！但有位網民經歷既事，就完全調轉晒，話說佢家姐就生日，所以佢同家姐、家姐男朋友仲有阿媽一齊去食生日飯，四個人食咗$1,200，即係每人三百蚊啦。問題就嚟啦，邊個俾錢呢？
打算AA制 見家長後網民出貼數臭！
網民家姐男友就係埋單時，打算AA制，令未來外母黑晒面。見家長後，更出帖分享，引來眾人熱烈回應，有不少網友亦覺得家姐男友相當小氣，略欠得體。
男女背景大不同 收入差距大
樓主補充番啲背景，原來樓主家姐每月搵緊大約五萬蚊，但佢男朋友就只係搵萬五、六左右，所以阿媽就一向唔係好鍾意個男仔，嫌佢冇咩錢又冇讀過大學。
網民們又點睇呢？
不少網民睇完紛紛熱烈討論，有人認為作為母親的看到女兒另一半條件不如自己女兒，有說話很正常，亦有網民指樓主媽媽才是真正小氣的人，有人指網友家姐男友太計較，不看好兩人未來，大家都有唔同意見！
依記者所見，同另一半家人食飯求的也是大家開心，雙方也不要太計較邊個俾錢，後輩有經濟能力時，不防請請客，令老人家放心，顯示自己有一定經濟能力，而各位準外母、準外父也不要太向錢看，最緊要是男方錫女兒，比一切都重要。
撰文：新假期編輯部｜圖片：網上圖片
