靚女學徒試食學藝 尖沙咀今期流行 搵食全攻略
靚女學徒試食學藝 尖沙咀今期流行 搵食全攻略

靚女學徒試食學藝 尖沙咀今期流行 搵食全攻略

(Presented by The ONE)

靚女學徒羅堃尉(Karen)同吳嘉麗(Rei)為咗可以短時間內升呢,就搵型男廚神Oreo帶佢哋去由輕食、主食到甜品都一應俱全嘅The ONE試食兼偷師。今次就去咗6間餐飲商戶,日、韓、法同Fushion菜式都有,賣相同味道都一流,睇到流晒口水~想食?睇埋下面我Dining娜個集齊超過20間餐飲商戶嘅搵食全攻略先啦,睇啱邊間就打去訂位喇!

尖沙咀今期流行 搵食攻略

一年總有無數個飯局,每次諗到頭都爆,唔知食咩好?唔驚,今次呢個搵食全攻略就幫到你,不論你係同閨密、朋友定係屋企人都搵到心水餐廳~嗱,我平時同閨密gathering,最緊要梗係嘢食嘅賣相要夠吸引,因為食之前順便可以影相呃Like,以下幾間餐廳一定可以滿足你哋:

Grams Cafe & Pancakes

大阪人氣No.1鬆餅Cafe,必食每日數量限定嘅Premium Pancake,有三層兩吋厚嘅梳乎厘班戟,加上香甜忌廉同牛油,淋上楓糖漿,口感香滑鬆軟,蛋香豐富。香港店內所用班戟粉漿全部喺日本製作,低筋麵粉同雞蛋等食材從日本送到香港。店內供應9款班戟款式,總有一款啱心意。

地址:The ONE L408 電話:2368 4588

尖沙咀

DIM SUM ICON 点心代表

呢間餐廳最近同美少女戰士Crossover,咁又點可以唔同班閨密去影相打卡呢?每款點心都有美少女戰士喺上面,好似美少女戰士鮮蝦腸粉,腸粉餡料有越南原隻大蝦、帶子、蟹柳,腸粉皮分別印上五位美少女戰士,大家一定食得好開心。

地址:The ONE L308 電話:2885 1345

HABITŪ caffè

玫瑰係唔少女士嘅心頭好,以玫瑰做食材設計出幾款甜品同飲品,好似玫瑰士多啤梨芝士蛋糕,芝士同士多啤梨味融合得啱啱好,朱古力刨花勁吸睛,食前記得影相打卡呃Like呀!仲有凍玫瑰奶泡咖啡,層次分明,咖啡迷要試。

地址:The ONE L608 電話:3572 0622

Dazzling cafe

裝潢走少女路線,餐廳內有啲櫈仲有兔仔耳喺椅背,勁得意!推介綿綿珍珠奶茶鬆餅同Ocean特調冰茶,前者以伯爵茶嘅鮮奶油、雪糕同糖漿,配上胚芽同珍珠等,口感豐富;後者係香港店限定飲品,微酸帶蘋果香,入面加咗自製啫喱,更有口感。

地址:The ONE L322-L323 電話:2312 6099

LIFETASTIC PATISSERIE

店主由澳洲返港後跟足當地配搭,做出西瓜蛋糕。上面有玫瑰花瓣同開心果碎,以啫喱鋪喺士多啤梨上,下層仲有忌廉、杏仁蛋白蛋糕同原片厚切西瓜肉。食落有淡淡西瓜清甜,忌廉富奶香。顏色繽紛又「上鏡」,加上清新不膩,啱晒夏天食啦。

地址:The ONE L4 Kiosk 電話:2564 8533

LOF10 辦館

一入到辦館,即刻畀佢嘅裝修吸引,充滿本土元素,有唔少影相位。除咗裝修特別之外,嘢食都一樣破格,由咖啡到中草藥cocktail,全日早餐到麵食都有,中西合璧,每款食物都盡顯心思。好似Ice Drip Coffee京都冰滴咖啡,利用冰水一滴一滴嘅萃取法,每3秒兩滴,大概滴12個鐘先會有12杯㗎,放工同另一半嚟chill下都唔錯。

地址:The ONE L5 Kiosk 電話:3501 1382

Harlan’s Cake Shop

與高級餐廳Harlan’s同一集團以傳統法式蛋糕為主打,共40款蛋糕款式,每日供應十多款,柚子荔枝慕絲蛋糕、宇治抹茶牛奶蛋糕和特濃朱古力撻都係我嘅推介,weekend同閨密嚟食tea就啱晒。

地址:The ONE L411 電話:2911 4788

Bear of Color + Pork Chop & Friends

如果想飲啲特別嘅飲品,呢間店舖就啱晒喇,一半位置係賣熊仔商品,另一半就係咖啡店。推介奧利奧奶蓋凍咖啡,咖啡夠香又滑;其他飲品都好特別,好似365幸福奇缘其實係芒果加牛油果汁,顏色繽紛又健康。

地址:The ONE L309-L310 電話:3102 0298

如果同另一半約會,最緊要坐得舒服,等大家可以慢慢傾,下面呢幾間餐廳我都覺得唔錯,同另一半食飯前不妨參考下:

Odelice!

唔可以成日同另一半飛法國,不如耐唔耐食個法國餐滿足住先啦~呢間餐廳係一間親民嘅多元化法餐連鎖店,選用天然食材,菜式選擇豐富。仲有唔少季節限定,好似呢款白酒煮青口,選用法國空運藍青口,牛油香濃又入味,同另一半撐枱腳就啱晒。

地址:The ONE L407 電話:2520 2136

The Point

設計咗唔少獨有嘅創意手工pizza和意粉,仲有多款鮮製沙律。而且所有pizza都係即叫即製,好似呢款原隻龍蝦比薩,用意大利00麵粉製作麵糰,發酵超過24小時,再配上原隻龍蝦,以火山石窯高溫快速烤焗而成,坊間少見。

地址:The ONE L409 電話:2598 0030

とん吉日式吉列專門店 Tonkichi Tonkatsu Seafood

女士們最鍾意食日本菜,呢間餐廳主打吉列豬扒,環境舒適。吉列銀雅豚定食仲用咗日本最高級豚肉,獨有嘅豚脂就令口感更加煙韌,而且每個套餐都會跟椰菜及白飯,仲可以免費任添,男朋友一定食得飽。

地址:The ONE L401 電話:2668 0282

TOM N TOMS COFFEE

來自韓國嘅連鎖咖啡店,所有飲品都係由韓國進口,亦跟足韓國做法。必食焦糖忌廉吐司,即叫即烘,外脆內軟,由韓國工場製作嘅焦糖漿加埋輕盈鮮忌廉同香脆麵包,甜度啱啱好,唔會太膩,同另一半一齊食就啱晒。

地址:The ONE L121 電話:2811 8951

牛気NABE URAWA

當我每次想任食嘅時候,我都會同男朋友嚟食牛,因為有唔少套餐選擇。我每次都係揀極上澳洲和牛+海鮮90分鐘任飲任食套餐,可以揀唔同湯底,和牛同海鮮可以食到夠。

地址:The ONE L404-405 電話:2295 1833

宏 – 日本料理 甜品店

一班姊妹出街食飯,梗係唔少得去食日本菜~呢間餐廳嘅菜式相當高質,好似日本白燒鰻魚定食,選用以100%純日本小麥粉製成嘅烏冬麵,口感煙韌,無論凍食定熱食都一樣咁滋味。店內仲有唔少甜品揀,著名嘅有抄抹茶軟雪糕芭菲,一定滿足到班姊妹。

地址:The ONE L502 電話:2737 2665

同屋企,因為要就老人家,同埋多數都係好多人一齊食,所以環境和食物都同樣重要,下面幾間都係唔錯嘅選擇:

Le Viet

呢間餐廳主打新派越南菜,推介柚子海鮮沙律,柚子醬汁配秘製越式魚露,味道清新,一試難忘!生牛肉粉亦係招牌越式地道菜,湯底以大量牛骨同越式香料等,熬製12個鐘而成,味道鮮甜。
地址:The ONE L402 電話:2369 0422

煌苑・潮粵 Royal Courtyard

專營精緻潮州菜同粵菜,無論點心、小菜定潮州巧手菜式都可以喺度食到,而且我鍾意呢度嘅菜式唔係度度有,好似奶皇荔枝包同松露蝦球伴鮑魚都比較少見。呢間餐廳仲有個抵讚之處,就係盡力提供低碳嘅餐飲環境同菜單,仲拎過唔少獎㗎。

地址:The ONE L503-L504 電話:2180 6178

南小館

有時食上海菜都係唔錯嘅選擇,呢間餐廳嘅菜式精緻又有特色,好似小館五福拼,就可以一次過食到外婆紅燒肉、燒賣、翡翠水晶餃同三款小籠包(蟹粉、帶子、鮮肉),蟹粉小籠包夠鮮味,帶子小籠包爽甜清新,而鮮肉小籠包就保留風味,屋企人實鍾意。

地址:The ONE L501 電話:2884 2299

Cambo

泰菜一樣有好介紹,Cambo嘅菜式新派傳統兼備,至愛咖喱炒肉蟹,咖喱香辣惹味,肉蟹啖啖肉。活蝦刺身都係呢度嘅招牌菜,夠晒新鮮。而餐廳裝修布置走悠閒舒適路線,近窗位置仲望到尖沙咀鬧市景㖭,性價比高。

地址:The ONE L403 電話:2718 6022

食完飯想買啲曲奇麵包蝴蝶酥馬卡龍等輕便嘅美食返屋企同家人分享The ONE都一樣有好多選擇:

Cookie Galerie曲奇薈

佢哋主打有蝴蝶酥同曲奇,我最鍾意就係七色蝴蝶酥,以香花入饌,創出玫瑰、薰衣草、櫻花、桂花、茉莉等多種花味蝴蝶酥,勁少地方有。

地址:The ONE L410 電話:3188 3161

A La Bakery

呢間法式麵包店嘅牛角包、長法包、蝴蝶酥同馬卡龍都好有質素。嚟緊就係中秋節,所以特別推出奶皇月餅,上年我都買過嚟食,係我心目中嘅No.1,今年一定要encore。

地址:The ONE GA05 電話:2779 9977

IsabelleiCookieTom’s Farm

我好鍾意食杏仁,因為佢屬於比較健康嘅堅果,而呢間店舖就有曲奇同杏仁賣,每次我都會買定乾焗紅豆味原粒杏仁看門口。

地址:The ONE L1 Kiosk 電話:N/A

 

The ONE

地址:尖沙咀彌敦道100號 (顯示地圖
查詢電話:3106 3640
網址: www.the-one.hk
APP搜尋 : The ONE
Facebook搜尋:The ONE
Instagram搜尋:hkTheONE
微信(Wechat)搜尋:TheONETST

新浪微博搜尋:香港TheONE商場

最新吃喝玩樂資訊