【影相技巧】溢出屏幕的可愛感!日本女星都玩 「女友感」影相方法(#彼女とデートなう)
【影相技巧】溢出屏幕的可愛感!日本女星都玩 「女友感」影相方法(#彼女とデートなう)

【影相技巧】溢出屏幕的可愛感!日本女星都玩 「女友感」影相方法(#彼女とデートなう)

【影相技巧】各位男朋友有冇試過幫女朋友影相時,無論影幾多張,女朋友都係唔滿意?唔好灰心住!睇睇最著重可愛嘅日本女生點影相,下次幫女友揸機影相時,就唔怕影到女友發晒脾氣啦!

撰文:Carmen|圖片來源:網絡、Instagram

日本女生影相潮流

日本Twitter流行一個名為#彼女とデートなうに使っていいよ嘅tag,意思係可以用作「正在與女朋友約會喔」。喺日本女生之間,形成咗最新嘅靚相潮流,爭相影出可愛感滿滿嘅「偽女友」照。咁要點先影到呢種相呢?

N

表情篇

1|笑容

笑容無疑係最強表情,但影女友感嘅相,最重要係「像孩子一樣」嘅咧嘴笑。

因為係男朋友影緊女朋友,所以請擺出「只在男朋友面前展露」嘅笑容!不造作嘅自然笑容係重點!

純真嘅咧嘴笑,更令人有心動感。
不造作嘅自然笑容係重點!

2|視線稍微錯開

擺出一個好像思考緊嘅表情,唔望鏡頭,稍微錯開視線,可以營造出大人感嘅可愛。

有種喺不知情下被突然影咗嘅感覺,效果都好好!

能夠咁近距離影女朋友係男朋友嘅權利!如果喺影相時會在意鏡頭,而無法擺出好表情嘅話,呢種影相方法相對簡單,推薦試試!

N

3|可愛地望鏡頭

習慣後,就可以嘗試擺出可愛表情望鏡頭,帶少少「小惡魔感」嘅表情,更可令睇到相嘅人有心動嘅感覺!

視線稍為向上,面帶微笑,表情淡淡不誇張就可。

N N

動作篇

1|手肘放桌

影相必備pose!除咗有小臉效果,亦都能夠營造可愛感,非常推薦!

如果決定唔到要擺咩pose,咁就做「牙痛pose」,用手遮蓋輪廓啦!

2|冇任何pose

另一款就係冇擺任何pose,似係講講下嘢突然被拍攝嘅感覺。

其中最重要嘅係「自然感」!

因為如果決定咗pose,就會自然地連表情都會擺好,影相時,須注意呢一點!

N

3|同食物一齊影

同食物一齊影都係其中一種技巧。

因為食緊嘢時嘅表情最為自然,可以更易拍攝到充滿女友感嘅可愛照片。

而且,因為唔需要故意擺出任何表情,所以推薦呢種拍攝手法!

最新吃喝玩樂資訊