大阪近郊
大阪近郊

【大阪近郊景點】關西10大清涼避暑勝地|大阪箕面瀑布、京都貴船川床

日本

廣告

【大阪近郊景點】日本連續兩星期都熱到溶,體感溫度高達43度!7-8月暑假,應該都有唔少人早已預訂機票去關西玩,但戶外氣溫咁難捱,莫非真係日日留喺商場咁悶咩!日本網友整合咗10個關西嘅避暑勝地,不如調整一下行程,去享受清涼夏日!

撰文:Carmen|圖片來源:網絡、相關機構

1|大阪府 箕面瀑布

箕面瀑布係入圍「日本瀑布百選」嘅景點,係大阪具有代表性嘅觀光勝地。每年有近200萬人前往,觀賞美麗且具震懾力嘅瀑布美景。

0
1|大阪府 箕面瀑布

除咗風景怡人,箕面瀑布嘅所處地點亦非常方便。於大阪市內乘車,1小時內可以到達,係約會、家族聚會嘅好地方。

0
大阪府 箕面瀑布
0
大阪府 箕面瀑布

2|京都府 貴船

貴船嘅川床貼近水面,其魅力在於完全與自然環境融為一體,從坐位向出伸出雙腿就能碰到河水。能夠令人忘卻街上的酷熱,以及京都盆地特有的悶熱。遠離都市繁囂,喺草木當中邊乘涼,邊聆聽貴船川嘅川流聲,然後再一邊享受京都料理。

0
京都府 貴船川床
0
京都府 貴船川床

另一方面。貴船神社係由日本平安時代起,日本人特別崇敬嘅古老神社。歷史上因女流歌人・和泉式部為取回丈夫的愛而前往祈願,然後願望得以實現,貴船神社便因而成為人氣高企的結緣神社。

0
京都府 貴船神社

3|奈良縣 天川村

因長年有著清涼氣候,所以又有「關西的輕井澤」稱號。感覺有如穿越回到昭和時代,舊式街道上有著並排的約20間旅館、民宿,又或手信店。

0
奈良縣 天川村

「御手洗溪谷」即使喺炎夏當中,最高氣溫都只有約28度,喺翠綠色嘅清澈水流、清涼冷風中,仲可以睇吊橋、瀑布、鍾乳洞等等,有著看點超多的散步道。

0
奈良縣 「御手洗溪谷」

0
天川村 「鍾乳洞」
0
天川村 「鍾乳洞」觀光小列車

除此之外,也可到有如「千與千尋」電影場景的「洞川溫泉」,讓美景與溫泉治癒一下自己。

0
天川村 「洞川溫泉」

4|奈良縣 大台原山

大台原山係位於奈良縣與三重縣之間,標高1695.1m嘅「日本百大名山」之一,而且更被選入日本百景、日本秘境100選,能挑望日本大自然美景。6-8月最高氣溫僅20.3度,最低溫氣7.2度,但位於日本多雨地帶,除保暖物品意外,也要緊記帶雨傘!

0
奈良縣 大台原山
0
奈良縣 大台原山
0
奈良縣 大台原山

5|奈良縣 曾爾高原

曾爾高原位於奈良縣同三重縣之間,標高約700m,約有1000m寬廣。年間平均氣溫約13度,係低難度嘅夏日登山好選擇。登上從俱留尊山山頂延續嘅稜線,可俯瞰高原以及龜池,連綿嘅山岳都係美景之一。而且10~11月係賞芒草嘅好地方。

0
奈良縣 曾爾高原
0
奈良縣 曾爾高原

曾爾高原上嘅「龜之湯」溫泉,名稱源自高原「龜山」,以及有美人傳說嘅葫蘆型「龜池」。露天溫泉有男、女每週更替制嘅「石之浴室」同「木之浴室」2種類。美肌功效更被日本網友譽為「關西圈第1溫泉」。

0
奈良縣 曾爾高原溫泉

6|和歌山縣 高野山

高野山係指,被和歌山縣北部、和歌山縣伊都郡高野町周圍約1,000m級山岳包圍嘅,標高約800m嘅平地。係有著襌修道場嘅日本佛教聖地之一。高野山亦係唔少日本武將嘅長眠之地,例如織田信長、武田信玄・勝賴父子、豐臣家等等。

0
和歌山縣 高野山
0
高野山・織田信長墓所

7|兵庫縣 六甲山

六甲山標高約800m,山上比神戶市街道氣溫低約5~6度,非常清爽舒服。山上設施眾多,可玩歷奇活動、觀賞植物及森林浴、製作音樂盒、夏日雪祭等等,能充分玩足1日!

0
兵庫縣 六甲山
0
兵庫縣 六甲山「夏日雪祭」
0
兵庫縣 六甲山「音樂盒演奏會」

8|兵庫縣 峰山高原

位於兵庫縣嘅峰山高原係日本作家・村上春樹著作《挪威的森林》真人電影版嘅取景地,亦係有名嘅避暑勝地。酒店RelaXia於2005年開業,旅客既可選擇住室內房間,亦可住在漫天繁星下嘅室外帳篷。喺兵庫縣正中位置嘅峰山高原,有「天空之城」之稱嘅「竹田城跡」、「姬路城」等觀光熱點。

0
兵庫縣 峰山高原係《挪威的森林》電影版取景地
0
峰山高原「RelaXia」酒店
0
峰山高原「RelaXia」酒店營運的戶外帳篷住宿
0
帳篷內設計、擺設超華麗!寬敞之餘仲有雪櫃!
0
被日本人譽為「一生人必去一次」嘅「天空之城」竹田城跡

9|滋賀縣 琵琶湖露台

位於滋賀縣嘅琵琶湖西岸嘅比良山系嘅琵琶湖山谷滑雪場,喺關西嚟講係老舖般嘅存在。喺「琵琶湖露台」上,你可飽覽日本最大湖・琵琶湖從北面到南面嘅壯闊絕景。立於美景之前,會令你有仿如置身歐美渡假勝地般嘅錯覺。

0
滋賀縣 琵琶湖露台
0
滋賀縣 琵琶湖露台
0
滋賀縣 琵琶湖露台

10|滋賀縣 伊吹山

伊吹山係跨越滋賀縣米原市、岐阜縣揖斐郡揖斐川町、不破郡關原町間嘅,伊吹山地嘅主峰(最高山峰),標高1,377m嘅高山。

0
滋賀縣 伊吹山

伊吹山係日本百名山之一,亦係高山植物嘅寶庫。春天至秋天均有多種高山植物盛放,但以夏天嘅植物種類最為豐富。由山頂停車場(1,260m)至到山頂(1,377m)之間設有遊步道,能夠享受山中散步嘅樂趣。

0
滋賀縣 伊吹山