防蚊
防蚊

防蚊原來咁簡單!日本節目實測 蚊怕水都慳番!一招即可大大減低被蚊咬次數|好生活百科

好生活百科

廣告

防蚊是夏天重要一環,天氣又濕又熱,濕熱的天氣最易招來蚊蟲滋生,惹蚊的人更是相當痛苦!被蚊子叮後除了覺得痕癢,還有機會因此得到傳染病,因為不少傳染病都經由蚊子傳播,所以防蚊措施一定要做好!日本節目《マツコの知らない世界》請來一位專門研究蚊子的天才少年,經過他的研究發現,只要簡單一招就可減少被蚊咬的機會!

撰文:Carmen|圖片:《マツコの知らない世界》|資料來源:《マツコの知らない世界》|編輯:GW

18歲蚊子專家 養近4,000隻蚊!

這集《マツコの知らない世界》請來咗熱愛蚊嘅18歲少年,田上大喜做嘉賓。田上在約6年以前,就開始用自己做餌去樹林採捕野生嘅蚊,然後帶返屋企放入「蚊房」做研究,屋企養咗近4,000隻蚊!

嘉賓田上大喜,係美國回流日本嘅天才少年!
嘉賓田上大喜,係美國回流日本嘅天才少年!
田上嘅夢想係創造「人蚊共存」嘅世界,所以親自喺屋企養蚊做研究!
田上嘅夢想係創造「人蚊共存」嘅世界,所以親自喺屋企養蚊做研究!

交配後雌性蚊才吸血

用嚟飼養蚊嘅「蚊屋」係由田上自己用紙皮箱+膠樽自製,一箱大概有50-80隻!

「蚊屋」由田上自己用紙皮箱+膠樽自製。
「蚊屋」由田上自己用紙皮箱+膠樽自製。

田上指,會吸血嘅只有交配後嘅雌性蚊,咁係為咗得到足夠嘅營養產卵。所以除咗用蜜糖水餵蚊,佢甚至會「獻血」畀蚊!完全係當成自己嘅仔女咁嚟養。

會吸血嘅只有交配後嘅雌性蚊,咁係為咗得到足夠嘅營養產卵。
會吸血嘅只有交配後嘅雌性蚊,咁係為咗得到足夠嘅營養產卵。

O型血最吸蚊 A型血最防蚊

據調查所得,1年裡面「殺人最多嘅生物」頭5位,第1位竟然唔係人,係蚊!所以防蚊措施真係好需要㗎!

1年裡面「殺人最多嘅生物」頭5位,第1位竟然係蚊!
1年裡面「殺人最多嘅生物」頭5位,第1位竟然係蚊!

咁咩人會特別吸引蚊咬呢?曾經有過研究指,根據血型嘅唔同,受蚊「歡迎」嘅程度都唔同,O型最吸引蚊咬,而A型就相對地少蚊咬。但原來,血型唔係唯一原因!

研究指,根據血型唔同,被蚊咬嘅機率都唔用!
研究指,根據血型唔同,被蚊咬嘅機率都唔用!

腳上細菌愈多 愈易被咬!

田上經過研究同實驗後,得出一個新原因,就係腳上細菌多嘅人,愈容易被蚊咬!

腳上細菌多嘅人,愈容易被蚊咬!
腳上細菌多嘅人,愈容易被蚊咬!

人類體內以及皮膚上有稱為「常在菌」嘅細菌,顧名思義,就係經常存在喺人體內嘅菌,而呢啲菌嘅種類愈多,就愈惹蚊咬!

呢啲菌嘅種類愈多,就愈惹蚊咬!
呢啲菌嘅種類愈多,就愈惹蚊咬!

日本節目實測

田上搵來妹妹・千笑一齊做實驗,測試5分鐘內2人各自被蚊咬咗幾多撻!而結果係,妹妹腳上細菌比哥哥多近3倍,被蚊咬嘅次數達81次,而哥哥就只有25次!

兄妹2人嘅結果分別相當嚇人!
兄妹2人嘅結果分別相當嚇人!

雖然係做實驗,但叫個妹去餵蚊都未免太慘!原來田上係一見到有蚊停留,就會掃走隻蚊,並立即喺佢停留過嘅地方貼上紅色貼紙做計算及記認。

田上會喺蚊停留過嘅地方貼上紅色貼紙做計算及記認。
田上會喺蚊停留過嘅地方貼上紅色貼紙做計算及記認。

防蚊方法原來超簡單!

於是田上就諗到,出街前用消毒殺菌濕紙巾抹腳,可以有效減少被蚊咬嘅次數!佢再叫來妹妹做實驗,對比番殺菌前同殺菌後嘅被蚊咬次數,發現由81處,減至27處!總數減少至1/3!惹蚊嘅你,下次可以試下用呢個方法防蚊喇!

出街前用消毒殺菌濕紙巾抹腳,可以有效減少被蚊咬嘅次數!
出街前用消毒殺菌濕紙巾抹腳,可以有效減少被蚊咬嘅次數!
蚊咬處足足減少至1/3!
蚊咬處足足減少至1/3!

撰文:Carmen|圖片:《マツコの知らない世界》|資料來源:《マツコの知らない世界》|編輯:GW