阿伯怒叫：我地係求開心！ 旺角大媽死忠亂入《東張西望》訪問，嚇壞細路！
廣告
早於今年5月24日，油尖旺區議會在15票支持、1票反對、1票棄權下，大比數通過殺街，令設立了18年的旺角行人專用區於7月29日壽終正寢。面對住旺角行人專用區殺街，唔少曾駐紮在旺角的表演者早已轉移陣地至尖沙咀海旁，場面非常熱鬧！TVB節目《東張西望》更派主持到尖沙咀海旁現場訪問市民，點知被阿伯亂入！？
當受訪者一講「有啲嘈」之後，一名阿伯突然大叫「梗係唔嘈啦！」
嚇到個藍色衫受訪者「囧」樣都出埋嚟！
藍色衫受訪者仲要畀個阿伯指住嚟鬧「你…你..要講！梗係唔嘈啦！」
因為事發突然，Camman開頭都黎唔切反應！之後，鏡頭一轉，終於見到阿伯盧山真面目！
阿伯表示：我哋係求開心！
再三表示：我哋係求開心，唔係嘈！！！！
霸氣湧現，嚇到主持同受訪者「雞咁腳」走開去！
於是，節目單位就決定行開少少，並表示：既然嫌我哋阻住佢哋開心，我哋惟有行開少少繼續訪問。
呢位女主持，你實在太年輕了！說時遲，那時快，個阿伯又亂入！
經過主持人四處查問，先知原來呢位阿伯係….
原來阿伯係旺角殺街中，其中一名轉移陣地的大媽表演者的死忠粉絲，唔怪得「老馬」都有火啦，你哋竟然話人哋「嘈」！
節目訪問因為呢位暴走阿伯而終止，只見暴走阿伯指手劃腳咁，似乎興過火屎喎！
好彩疑似係大媽系表演者(拎住粉紅色電話)，用一杯雪糕就搞掂暴走阿伯啫！大家睇，阿伯幾冷靜～
