【酒店宿一宵】青年旅舍8折優惠！平住摩星嶺「小白屋」、昂坪兩手揈揈Glamping（內附優惠碼）
撰文：Katie｜圖片：官方圖片
青年旅舍8折優惠！平住4間超靚YHA青年旅舍（內附優惠碼）
很多人都以為青年旅舍是「平價旅館」，其實香港的YHA青年旅舍很多都平靚正，像摩星嶺青年旅舍，更是間出名的「小白屋」，配上270度維港海景，以此價格，很多大酒店都比不上如此靚景呢。而他們最近推出住宿計劃，只要入住全港4間旅舍的四人房或圓帳營一晚，同行之60歲或以上長者或11歲或以下小朋友，加入優惠碼即可得到8折優惠。有靚景又可住一晚避世，即刻睇睇以下4間旅舍有咩正嘢，睇到文末拎埋優惠碼訂房！
01）摩星嶺青年旅舍（香港島）
位於摩星嶺半山的青年旅舍設有270度觀景台，可以看到維港、青馬大橋和離島區海景。旅舍亦有各樣Board Game供租借，更有桌球室！晚上只要抬頭一望就會發現滿天星星靜待你欣賞。
記者先查看位於香港島的摩星嶺青年旅舍，如果星期六、日的話，4人房間八月份最後星期還有位置！要預訂要快手。其餘日子都有不少位置，不用太擔心。
摩星嶺炮台！ 二戰軍營廢墟攝影
而青年旅舍附近更有二戰時期遺留下來、被列為二級歷史古蹟的摩星嶺炮台，可以行下郊遊。摩星嶺英文名叫「Mount Davis」，取自第2任港督戴維斯。於1900年代，英國為了加強港島西海面的防衛，於此地打造軍事要塞，由山頂至山腰設置5支9.2吋口徑大炮台，以及指揮總部。到了二戰時期，此地被日軍攻陷後，大部分軍事設備都被炸毀，而炮台等建築物則屹立不倒，日後更被列為二級歷史建築。
摩星嶺炮台（顯示地圖）
前往方法：
方法1：想直接到炮台的話，可於中環至堅尼地城一帶坐的士，大概$70，就可直接上到青年旅舍。下車後，沿樓梯上大概5至10分鐘就到炮台。
方法2：可在堅尼地城港鐵站旁搭54號小巴，在摩星嶺徑下車後，可沿車路或樓梯上山。上山過程，慢慢行的話大概45分鐘。
摩星嶺臨時配水庫花園 慢活野餐草原
這花園位於食水配水庫上蓋，面積1.34公頃，有可以野餐的遼闊草坡。這背山面海的花園，離城市有段小距離，讓人短暫遠離繁囂。坐到草坡旁邊的木板長凳上，能俯瞰這燈火通明的城市與海景，放假或周末來聊天放空，好舒服。
摩星嶺臨時配水庫花園（顯示地圖）
臨時花園開放時間：6:00am-7:00pm
前往方法：在堅尼地城港鐵站搭54號小巴，於摩星嶺徑下車後，沿著摩星嶺徑上斜大概15至20分鐘，就到臨時配水庫花園。
享受日落晚霞 日落觀瀾亭
從摩星嶺徑走到行車路上，於巴士站的對面下去就到日落觀瀾亭。在這亭子可飽覽無敵海景，來欣賞日落晚霞最適合不過。不過要返上去山上的旅舍都十分吃力，請小心安排行程呢！
日落觀瀾亭
位置：（顯示地圖）
02）YHA昂坪戴維斯青年旅舍（大嶼山）
YHA昂坪戴維斯青年旅舍在昂坪市集附近不過十分鐘路程， 可以兩手揈揈Glamping，入住靚靚圓帳營 ！網上預約後，繑埋雙手，到埗就可見帳篷已經為你搭好，爽！官方指帳營最多可供8人入住，我覺得大營4至6個人就剛剛好，不會太逼，雙人充氣床亦夠大夠「彈」，不怕翌日腰骨痛！不過想Camp得夠獨特，就要自備裝飾品，花些心思去整靚個營了！
記者再查看位於大嶼山的YHA昂坪戴維斯青年旅舍，如果星期六、日的話，4人房間八月份18-19/8還有位置！要預訂要快手。其餘日子都有不少位置，不用太擔心。
想沖涼、煮食都有齊設備
雖說兩手揈揈，但三餐就要自備。旅舍提供廚具及餐具，大家可先於東涌購買食材，都很方便。自認廚藝平庸， 大可考慮BBQ，一樣「野」味。旅舍還有提供沐浴設施及大廳，就算玩完一日成身汗，都有得沖涼，不用臭著睡。
$35 簡單早餐 唔使自己煮
一早起身想舒服一點乜都唔做，旅舍也供應簡單早餐，包括牛油方包、花生醬或果醬、芝士片、煎蛋、玉米片及飲品，不想吃玉米片還有即食麵及燕麥片可選擇。雖然不是豪華或甚麼太特別的早餐，但這個價錢可接受。大家亦要記得食完自己洗餐具！
唔露營都一樣有得住 感受山野靈氣
除露營，青年旅舍也有傳統房間提供，雙人、四人及八人房間，價錢相宜。旅舍負責人Scott儼如這裡的房東，待客人如朋友一樣，住宿時遇上問題儘管找他。 他笑指，不時彼此混熟了，還會自發帶隊跟大家到附近行山！
旅舍點樣去?
1. 東涌->昂坪市集
於東涌乘搭大嶼山巴士23號至昂坪市集，甫下車見天壇大佛，朝牌坊往內走進入昂坪廣場。
2. 昂坪廣場
沿路都有指示牌指示青年旅舍的方向。
3. 心經簡林石碑
走約7分鐘就可看到心經簡林石碑及青年旅舍的紅色指示牌，再走約3分鐘便到旅舍。
附近好去處 1：彌勒山郊遊徑 2小時輕鬆行
難得千里迢迢來到大嶼山，當然要順道行個山，盡吸山野靈氣。除大東山、鳳凰山外， 彌勒山都是一個風景不俗的好選擇，之後還可以到昂坪市集逛一逛。由昂坪戴維斯青年旅舍步行到彌勒山郊遊徑的入口，都不過約10分鐘，即刻帶大家行個圈！
記者筆記：
我們約於3pm出發，雖然當日出發時天灰灰，但尚可看到遠遠的山群。經過彌勒山纜車轉向站，則從彌勒山郊遊徑轉接到昂坪360救援徑。走約兩小時後到達終點昂坪市集，全程難度簡易。
彌勒山郊遊徑 兩小時輕鬆行完
彌勒山郊遊徑其實是一個圈，終點可選擇返回青年旅舍，亦可選擇經昂坪360救援徑到昂坪市集。整條郊遊徑屬平坦易走，只有開端時有少許碎石位要注意滑腳手！
3大風景位
彌勒山既容易行，沿路亦有不同風景，開始路段雖然較多樹蔭，但景觀不算完全被遮蔽，仍可觀望到山群及東涌市等等；走約大半小時則開始離開樹群，有更廣闊的視野。
1. 遠眺知名大東山
開始路段可遠眺望大東山及鳳凰山，山群景色一流。
2. 迷你版機場跑道
走約一小時，則看到機場跑道，飛機小得像飛行棋，還可看到飛機升降，值得留步觀賞。
3. 昂坪360纜車 必打卡
尾段則可看到昂坪360纜車及彌勒山轉向站，在這裡然後轉接昂坪360救援徑到昂坪市集，途中還可看到天壇大佛。
彌勒山郊遊徑
地址：大郊遊徑昂坪彌勒山郊遊徑（顯示地圖）
交通：於東涌乘搭大嶼山巴士23號至昂坪市集，沿著指示牌往昂坪戴維斯青年旅舍，經過旅舍後繼續走約10分鐘可抵郊遊徑入口。
附近好去處 2：昂坪棧道 360纜車頭頂飛過 遠看機場
方法1 ：「穿窿」纜車睇靚景
同女朋友行山首要輕鬆，所以可搭纜車上山，省點腳骨力，又唔使熱到囡囡成身汗，仲可以睇到機場同東涌靚景！
到時記得揀「穿窿」水晶纜車呀，搭纜車咁「離地」女朋友驚驚仲唔自動攬實你咩！
方法2！山中棧道 影仙氣女神
山中棧道原是纜車的緊急拯救通道，但亦開放作行山徑，連接東涌及昂坪，大家可以選擇行上或行落。由於該帶山多斜度高，故以木棧道形式連接山中。行山連拍攝約三小時。途中有多個影相位，文青、仙氣、女神風格都可拍到。其中必影是一條接近垂直的V形木樓梯，走時一步一驚心，影相效果一絕。另外亦會經過纜車塔，記者跟乘客揮手，更偷聽到他們對話，真正零距離接觸。走至後段可看到開揚機場靚景，睇飛機睇到唔想走。
昂坪棧道
位置：顯示地圖
03）白普理賽馬會青年旅舍（大埔大美督）
04）YHA美荷樓青年旅舍
假日要一早起身，魂魄都未齊之下，斯文一點走去石硤尾美荷樓，浸淫一下藝術文化氣色來回一回魂！這幢昔日的公共房屋，是目前香港僅存的H型7層徙置大廈，經過活化後，2013年尾成為美荷樓青年旅舍及旗下之美荷樓生活館，公衆可以不花一分一毫免費入場參觀，不過開放時間只到下午五時，收得比較早，建議早上10:30參加每日一團，需時45分鐘的導賞團方便一點！（可網上預約）
美荷樓生活館
開放時間：星期二至日 0930-17:00。
公眾免費入場，誠邀您一起感受當年點滴。
查詢：3728 3500
地址：深水埗石硤尾邨41座(顯示地圖)
網址：www.meihohouse.hk
美荷樓生活館導賞團
時間：早上10:30-11:15（星期一休館日除外）
名額：20人(恕不接受團體申請)
網址：https://www.yha.org.hk/chi/meihohouse/booking.php
房型：4人房 $1,349起
房型：8人混合房 $299起
房型：2人房 $699起
香港青年旅舍協會『夏日住宿優惠』
優惠碼：YHASUMMER
預訂日期：即日起至31/7
入住日期：即日起至30/8
地點：賽馬會摩星嶺青年旅舍（香港島）、YHA美荷樓青年旅舍（九龍）、白普理賽馬會青年旅舍（大埔大美督）、YHA昂坪戴維斯青年旅舍（大嶼山）
查詢及預訂：2788 1638
網站：http://www.yha.org.hk/zh/
【溫馨提示】
自然環境你我有份，郊遊時要記得以下3點，大家才可享受這城市美好風景喔！
1. 愛護環境 自己垃圾 自己帶走
要知道沒有人奉旨幫你執走垃圾，自己製造的、不屬於郊外的東西，就要記得帶走。
2. 不影響他人
要影相打卡，請謹記以勿阻礙他人為前提，不要喧嘩製造無謂噪音。
3.量力而行勿「人行你又行」
如要行山或到郊區地方，出發前要衡量自身能力，不要「人行你又行」。裝備不能掉以輕心，如難度較高，切忌以布鞋波鞋打扮出發，必穿行山鞋，亦要做足防曬準備及帶備充足糧水。
延伸閱讀：
【玩樂速遞】8大精選Party Room！暑假、周末好去處～發光唱K波波池、濕身單車、鬥牛機、日式打卡場景、迷你版Teamlab
