【週末懶人包】 大埔 偽文青平食之旅

又到週末!當然要開懷大吃一下!其實每逢周末,好多香港人都想逃離市中心,向新界尋找舒適的周末空間,所以記者今次帶大家去到 大埔 ,展開文青平價為食之旅!

第一站寶湖道街市嘆一口多士再掃筍貨

有留意新假期的朋友,應該都記得我們不時介紹 大埔 區的美食,令不少街坊或網友都話「唔好再介紹喇,太多人去食又要排幾粒鐘隊喇!」對!編輯部是聽到你的意見,不過…實在太吸引,我係要介紹呀!呢間珞桐冰室不單止位於 大埔 寶湖道街市當中,還要是「最篤篤」的深處,但依然有不少食客搵到上門,就知食物水準留得住客人。店內售賣的食物大件夾抵食,是不少 大埔 街坊的聚腳點,近來一口多士成為了食客的新寵兒,一份多士,加送熱飲都只是$24,所以不少區外客人也慕名來品嚐。

一口杏仁朱古力多士 $24
一口杏仁朱古力多士 $24

每粒多士的六面都被焗得香脆,淋上濃香朱古力醬及杏仁碎,十分香甜。

一口粒粒花生奶醬多士 $24
一口粒粒花生奶醬多士 $24

花生奶醬多士上灑有糖粒,咬下去還有花生粒,口感非常香脆。

焗雪山 $32
焗雪山 $32

厚厚的焗蛋白下,包著香芋雪米糍及蛋卷,一啖有齊熱和冷的口感,不太甜。

珞桐Pizza $28
珞桐Pizza $28

以多士為批底的招牌Pizza,餡料有火腿、餐肉、吞拿魚、菠蘿、還有很多芝士,十分足料。

蝦多士配沙律 $24
蝦多士配沙律 $24

蝦多士非常脆身,蝦膠釀滿了多士多表面,每一啖都帶有蝦香。
珞桐冰室
地址:大埔寶湖道3號寶湖道街市P2舖(顯示地圖)
營業時間:7:30pm-5:30pm (逢星期一休息)

平價糕點零食 街市小店掃筍貨

大埔寶湖街市對又為食又想慳錢的朋友來說,實在是一個藏寶地!除了即場食,帶番屋企食都有唔少筍店,這間歌劇院餅店,售賣的都是價廉物美的產品,種類繁多,西式糕餅、健康食材、韓國米酒、以至德國啤酒都一應俱全!

桂花糕 $5.5/1件 $10/2件 圖片來源:Alex Cheng
桂花糕 $5.5/1件 $10/2件
圖片來源:Alex Cheng

桂花糕大大件,少甜口味,滲有桂花香。

木糠布甸 $8/1個 (前) 芒果布甸 $8/1個 (後)
木糠布甸 $8/1個 (前)
芒果布甸 $8/1個 (後)

木糠布甸口感綿滑,配有陣陣奶香和甜味。芒果布甸雖然只售$8,但芒果肉的份量也不少。

芝士餅 $26/2款
芝士餅 $26/2款

兩款口味包括藍莓和原味,質感軟滑,帶有淡淡芝士味。

蔬菜蒟蒻麵 $17/1包 $48/3包 $75/5包
蔬菜蒟蒻麵 $17/1包 $48/3包 $75/5包

十多元一包麵雖然都不便宜,但這款蒟蒻麵標榜低熱量,含豐富膳食纖維,偶爾試一下也無妨,可放湯煮或製成冷麵。

韓國果味米酒 $10/1枝 $18/2枝
韓國果味米酒 $10/1支, $18/2支

這款果味米酒比部份連鎖店便宜接近一半價錢,店主還將部份貨品放入雪櫃雪藏,方便人客即時享用冰凍米酒。

德國Keiler啤酒 $23/1枝 $65/3枝
德國Keiler啤酒 $23/1枝 $65/3枝

這支印有野豬頭的啤酒麥味香濃,坊間的德國餐廳都賣60多元一支,這兒$65就有3支,買番屋企飲當然係抵D。

歌劇院餅店
地址:大埔寶湖道寶湖街市P4號舖(顯示地圖)
營業時間:逄星期二至三、五至日

第二站 藏於林村的藍色小屋

想呼吸新鮮空氣?又或者嫌大埔市中心都太多人,大可以往郊外走,也可享受悠然自得的周末。從 大埔 市區出發,乘搭25K小巴、64K巴士,在大菴村下車,穿過一幢幢村屋,路過農田越過樹林,就會看到這一間藍色小屋。屋內件件產品,都是店主從英法搜羅回來。店內的東西都以天然、有機為主,連店內提供的咖啡也是公平貿易生產,而蛋糕更用上本地食材。

本地有機檸檬蛋糕$25 、fair-trade手沖秘魯咖啡$45

本地有機檸檬蛋糕$25 、fair-trade手沖秘魯咖啡$45
本地有機檸檬蛋糕$25 、fair-trade手沖秘魯咖啡$45

檸檬蛋糕從網店訂購,而咖啡豆則每星期新鮮購入。

美國純棉上衣$580、連身裙$780
美國純棉上衣$580、連身裙$780

純棉質地,加上素色和簡約款式,通爽舒適。

意大利Terra.cotto 陶煲 $680-880 (16-30cm)
意大利Terra.cotto 陶煲 $680-880 (16-30cm)

手製紅土煲,保溫力強,煮食只需少油慢火。

下車後前往小店只需約5分鐘路程
下車後前往小店只需約5分鐘路程

 

A Beautiful Store
地點:大埔林村坪朗大菴村8號(顯示地圖)
營業時間: 1pm-7pm (逢星期六、日)
交通:25K小巴、64K巴士至大菴村落車,步行約5分鐘
備註: 只收現金,請自備購物袋

第三站 嘆$68抵食Buffet!

食Buffet都可以100蚊有找?!你無聽錯、我都無講錯!大埔這一間Cafe晚上6時至10時推出自助餐優惠,6pm入座,食到7:30pm,都是$68!而另一時段,即8pm至10pm,食兩小時,亦較多菜式選擇,收費就是$98!(須另收加一服務費)

buffet2

自助餐收費雖然便宜,但食物款式就有多種選擇,總共約有30多款!可以由頭盤、食到主菜同甜品,滿足一班大胃王的要求!

八爪魚仔蘿蔔沙律
八爪魚仔蘿蔔沙律

八爪魚仔爽口彈牙,配以紅蘿蔔及酸甜醬汁,非常醒胃

焗豬仔骨
焗豬仔骨

豬仔骨醃得非常入味,茄味香濃

燴牛尾
燴牛尾

牛尾肉質棯滑,充滿洋蔥香。

紅酒煮梨
紅酒煮梨

梨子清甜,帶有陣陣酒香。

老實講,這個價錢記者以為不會是甚麼好菜式,但大家有眼見,無論相片或者影片都見到場內食物款式多,食材都算得上是中級,以晚市時段上半場入場費$68計算,連加一服務費是$75有找,這餐自助餐都算得上平得過份。所以記者好想講句,想食就趁早,因為報道完一多人食自然會加價,講完!

 

小貼士

1.炸薯角、燴香腸雖然可口美味,但比較「頂肚」,所以不宜食太多,不妨分散投資,試多幾款食物。

大頭蝦

2.[一蚊一隻蝦優惠]每消費滿$300(未計加一),就可以加$1換購大頭蝦一隻,優惠限量供應。

3.自助餐只供應清水,汽水每罐$8。

 

Match Cafe
地址:大埔運頭角里4號富景大廈地下(顯示地圖)
電話:2836 6028
晚市自助餐供應時間:
A時段:18:00-19:30 收費$68(須另收加一服務費)
B時段:20:00-22:00 收費$98(須另收加一服務費)

延伸閱讀

可口可樂 最新6款「百年經典」杯 必讀開箱文

日租$133豪裝海景 青年宿舍

荔園 懷舊攤位遊戲熱身賽
新假期食玩報料:[email protected]

歡迎Instagram / facebook 使用#weekendhk 報料,資料一經選中會為你公告天下!

最新吃喝玩樂資訊