8位明星減肚腩餐單大公開!陳慧琳:要食下午茶、黎明:食菜+唔郁|網絡熱話
8位明星減肚腩餐單大公開!陳慧琳:要食下午茶、黎明:食菜+唔郁|網絡熱話

8位明星減肚腩餐單大公開!陳慧琳:要食下午茶、黎明:食菜+唔郁|網絡熱話

常說減肥是女人的終身事業。夏天殺到,又係大家驗收成果,展露身材的好時機!不過如果你的蛇腰和馬甲線仍然未準備好,就快快參考下圈中8位紅星的輕鬆閃電式減肚腩餐單,梗有一款適合你!

撰文:東方新地 │ 圖片:新傳媒圖片、Instagram

8位明星減肚腩餐單!

1. 黎明:食菜+唔郁

黎明早年發福,穿貼身恤衫坐喺度做訪問,啲衫鈕好似被肚腩迫爆咁!為了保持型仔look,Leon決心實行走腩大法:「之前168磅,為拍戲要我去番156磅,依家已達標。」減肚腩減得咁成功,係咪有咩特別嘅方法,佢說:「你哋想知?我話你哋知,好簡單,朝早起身食個火龍果,或者蘋果,或蛋,加咖啡,飲水,去洗手間。下午就菜汁撈纖維素,質飽個肚,坐喺度半個鐘唔好郁,冇energy就會好凍,但唔好郁,著番件衫,一陣隻手指就暖番,因為抽緊你脂肪。之後六點鐘食凱撒沙律,唔可以加煙肉,要加火腿,菜點汁。」

減肚腩餐單
黎明早年發福,後來為了保持型仔look立定決心減肥

食咁少嘢,有冇見暈呢,Leon笑言:「拍嘢拍到夜晚12點,整個小米粥,炸菜火腿,卡路里唔高,加埋唔過700 Kcal,正常人一日需要1,800 Kcal,7日搞掂!」

減肚腩餐單
黎明的減肚腩方法是食菜+唔郁

Leon減肚腩餐單

早餐:火龍果+蘋果+蛋一隻/一杯咖啡
午餐:齋食菜至飽
晚餐:火腿凱撒沙律(走煙肉)+菜

2. 陳慧琳:食下午茶減肚腩

身為兩子之母嘅Kelly表示,曾陀B令體重急升至超過130磅,雖然對一般大肚婆來說唔算重,但愛靚嘅Kelly就接受唔到,因此產子後即最後走腩大計!「諗起以前130幾磅,真係嚇死!我嘅減肥秘訣好簡單,唔好以為一日食一餐就會瘦,因為我少食一餐就會勁肚餓,之後會食番好多,咁吸收就更多,結果反而更易肥!」

減肚腩餐單
已為兩子之母的陳慧琳依然身形Fit爆

Kelly表示,要減肚腩首先要踢走脂肪,佢試過最佳方法居然食埋下午茶!「要少食多餐,所以食肉都冇問題!最好方法就係每樣食物唔好食多過一件!如果餐與餐之間覺得餓,可以多飲水、果汁或食啫喱代替小食,咁就更易消化又有飽肚感。」

Kelly減肚腩餐單

早餐:脫脂奶1杯+蛋白兩隻+麥皮一碗
午餐:節瓜炒牛肉+白飯一碗+豆腐魚湯
下午茶:梳打餅兩塊+低脂乳酪
晚餐:馬蹄蒸肉餅+蒜蓉炒菜心兩碗+白飯一碗+草莓六粒

3. 容祖兒:多菜少肉

Joey以往曾被指baby fat,為了搣甩脂肪,採用素食減肥方法,一些蔬菜水果類,還有就是海鮮,少吃一切高脂肪高熱量食物,少食肉,因為多食容易致肥。

減肚腩餐單
容祖兒採用素食減肥方法及多菜少肉的減肥餐單後身材持續纖瘦

減肥方法實行多年,依家祖兒身材勁弗,醒大家減肚腩貼士:「我朝早好少食,要食就食生果,多數食奇異果、蘋果同橙,糖份高嘅瓜類就少食,我自己都唔係咁鍾意食。到午餐就要正常咁食,因為每日都要排舞,如果唔夠營養,或者餓住肚體力唔夠就好易暈,不過我會盡量少食肉同飯,食多些蔬菜豆類,到夜晚就唔可以食飯,只係飲湯,我媽咪有種家傳減肥湯,飲咗會幫到手減肥,呢款湯好處係唔使特別節食配合,但又可以清腸胃,幫助消耗油份,好有效。不過,我減肥會適可而止,絕對唔會減到成個骷髏頭咁樣,個人瘦咗但冇晒精神咁都唔好睇啦!」

Joey減肚腩餐單

早餐︰雪梨汁或楊桃汁一杯+番茄蛋治一份+生果

午餐︰烚菜一碟+生果大量+湯水一碗

晚餐︰烚菜一碟+烚雞扒一件+一碟雜菜沙律+田雞冬瓜薏米湯一碗

4. 劉德華:熱飲減肚腩

劉德華身形廿年如一日咁弗,唔止男士羨慕,相信女士都想知佢點keep!其實好簡單,「唔飲凍嘢,咖啡、奶茶OK,但一定係熱,每日再飲雜果汁,蘋果汁加紅蘿蔔汁補充水份! 」

減肚腩餐單
劉德華的keep fit之道係唔飲凍嘢及咖啡

而劉華每逢開個唱前,keep弗餐單更誇張!完全屬於無味人生,無鹽、無油、無糖,只食白烚雞肉,雖然好work,但真係要好有毅力先得!

減肚腩餐單
劉華每逢開個唱前都會吃得特別清,完全屬於無味人生

劉華減肚腩餐單

早餐:熱咖啡一杯+麥片粥一碗

午餐:熱咖啡一杯+多士一份/叉燒雞或燒肉飯(如開工)

晚餐:魚+蔬菜+少許肉(牛除外)

5. 周潤發:飯後行半粒鐘

係人都知發哥鍾意行山keep fit,此外,發哥其實食得好清淡,「最緊要戒食甜品,夜晚嗰餐唔好食澱粉質,煮菜盡量少食油,唔好食宵夜,最好早啲食飯,我屋企六點半就開飯,飯後最好行番半粒鐘,咁就唔會有肚腩!」

減肚腩餐單
發哥平時只吃正餐,不好零食

 

另外,發哥又鍾意臨瞓前再做運動,咁就會特別好瞓。佢更叮囑大家,平時除正餐外,唔好再食零食,慢慢就會見效,「咁樣減肥比較健康,我一直唔贊成食藥減肥。」

減肚腩餐單
發哥六點半就吃晚飯,飯後更會行番半粒鐘消脂

發哥減肚腩餐單

早餐:一碗白飯+青菜+魚
午餐:同上
晚餐:青菜+海鮮

6.許志安:無啖好食

如果大家想快啲操弗身形,可以參考安仔呢個方法!安仔早年為個唱進行密集式操練,配合營養師的餐單,成功減掉12磅兼練出42吋結實胸肌及六嚿腹肌!

減肚腩餐單
許志安之前成功在個唱前勁減12磅

安仔笑言呢個絕對係無啖好食高纖低脂餐單,不過若大家肯的起心肝,一定會同佢一樣可以做到三周減12磅效果!

減肚腩餐單
安仔靠密集式操練,配合營養師的餐單成功減磅

 

安仔減肚腩餐單

早餐:生果任食
午餐:一碗白飯+烚雞柳三至四條
晚餐:烚雞肉+蒸魚(走油走豉油)+大量烚菜(雞肉可用蛋白代替)

7. 林峯:夜晚戒水

不少歌星都會開個唱前積極減磅,林峯都是其中之一位。他表示過程辛苦,因為要有肌肉先收貨,所以一直都要戒穀物、澱粉質,只能吃菜!

減肚腩餐單
林峯會在個唱前戒穀物、澱粉質,只能吃菜減肥

原來林峯本身容易水腫,所以佢自己會少飲水,夜晚通常唔飲!不過,為了令腸胃暢通,有時會飲青菜汁做代餐。

林峯減肚腩餐單

早餐:蛋白兩隻
午餐:滾水淥米粉+烚菜一碟/青菜汁
晚餐:茄蛋治一件

8. 范冰冰:蔬果瘦身餐

范冰冰為保持完美體態,除了每周堅持3天跑步,每次跑一小時外,平時飲食更以蔬果瘦身餐為主,持之以恆的話,每個月可減去3kg。

減肚腩餐單
范冰冰平時飲食以蔬果瘦身餐為主

范爺表示食蔬果尤其係高纖同低脂蔬果,有天然防癌作用,更容易瘦身,而且蔬菜同水果含較多水份,相比之下,熱量亦較低,所以冰冰嘅三日循環蔬果瘦身餐,通常都以蔬果為主。

范爺減肚腩餐單

第 1 天
早餐︰橙一個+半杯脫脂牛奶燕麥粥+葡萄乾五粒
午餐︰雞湯一碗+四片梳打餅+一杯水果沙律
晚餐︰一個烤馬鈴薯配牛油+水煮甘藍菜一碗+蘋果一個+杏仁五粒

第 2 天
早餐︰半杯燉豆子+烚蛋一個+鬆餅一塊
午餐︰奇異果、草莓、香蕉組成的生果盤+芝士一片+菠菜汁一杯
晚餐︰飯一碗+炒青菜一碟+切片紅蘿蔔一碟

第 3 天
早餐︰脫脂牛奶燕麥粥一杯
午餐︰菠菜沙律+烚蛋一個+煙肉一片
晚餐︰意大利粉一碟+沙律+一安士鹹餅乾+梨一個

即睇更多:營養師推介減肥餐單!一日三餐+12款外食+自煮選擇 泰菜、牛肉麵都得|食是食非

8位紅星公開快速減肚腩餐單!容祖兒:多菜少肉,林峯:夜晚戒水|網絡熱話

最新吃喝玩樂資訊