【女生必學】波鞋穿搭4個常犯錯誤|令波鞋變成真正「百搭」!|日本妹的潮流配搭法
【女生必學】波鞋穿搭4個常犯錯誤|令波鞋變成真正「百搭」!|日本妹的潮流配搭法

【女生必學】波鞋穿搭4個常犯錯誤|令波鞋變成真正「百搭」!|日本妹的潮流配搭法

【波鞋穿搭】有冇試過明明全身嘅配搭穩妥,諗住實冇死啦!點知一著上對波鞋,就硬係覺得唔對路,點睇都唔啱feel?因為波鞋即使百搭,都有一套穿搭法則!隨便襯好容易毀咗全身配搭!睇睇日本妹點樣襯波鞋,記住穿搭法則,令波鞋變成真正嘅百搭!

撰文:Carmen|圖片來源:網絡、WEAR|編輯:姐

波鞋穿搭NG理由1:下身衣服長度同波鞋款式平衡感差

身上衣服長度同波鞋款式平衡感差係其中一個理由。下身衣服較長,而又著咗高筒波鞋,有時會令下身衣服同波鞋「連埋一齊」,又或者有段長度微妙嘅空隙,令全身配搭失衡!

NG例子:

長及腳踝嘅長裙搭配高筒波鞋,會令腳部顯得沉重!微妙地畀你睇,又唔畀你睇嘅配搭會顯得老土,想展現時就展現!想完全遮掩就完全遮掩!俐落嘅配搭平衡感會更好。

[email protected]

長至腳踝嘅長褲搭配高筒波鞋係錯誤!俐落感不足,將褲管捲起可令配搭更有清爽感。

[email protected]

OK例子:

長裙搭配低筒波鞋,腳上嘅清爽感同頭先大大不同!能夠睇到腳踝嘅低筒波鞋,即使係配長裙,都依然能調整腳上輕重感,令全身望起嚟輕盈又清爽。

[email protected]

另一個例子,可用潔淨感強嘅裙搭配高筒波鞋。長褲就會顯得沉重笨重,可試下配有寬鬆感、傘裙等裙腳輕盈嘅款式。顏色則以光亮為主,可以避免穿搭有沉重感。

[email protected]

波鞋穿搭NG理由2:穿著份量感十足嘅下身衣服

有份量嘅下身衣服同波鞋搭配係需要些少工夫嘅。配搭時,多注意下身衣服同波鞋間嘅份量感。

NG例子:

以有份量感嘅波鞋嚟襯同樣有份量感嘅長裙,會令下半身配搭顯得臃腫,要潮襯需要些少技巧。將裙換成緊身啲嘅,或者將波鞋換成eye-catching啲嘅款式會更好。

陽@WEAR

中性啲嘅寬闊長褲配份量厚重嘅波鞋會顯得老土。將長褲換成窄身及腳踝款,可改善笨重印象,加入清爽感。

[email protected]

OK例子:

即使係寬鬆設計嘅長褲,透過「爛牛」風設計,稍微露出肌膚已經令成個感覺唔同晒!將褲管捲起,令腳踝露出,可實現完全冇沉重感嘅長褲配搭!

[email protected]

如果唔想捲起褲管,選擇高腰褲款,令視線重點放到上半身,亦可有唔同感覺。相比起牛仔素材,選擇望落偏向優確嘅卡其色、杏色等素材顏色係重點!

[email protected]

波鞋穿搭NG理由3:黑色波鞋容易令腳上感覺沉重

即使係鍾意全身黑色配搭嘅人,大概都唔會有人希望全身配搭厚重吧!黑色波鞋好易令全體配搭感覺顯得沉重,襯衫時須小心注意!

NG例子:

若然係全身黑色嘅配搭,衣服過長會令人有不合身、太熱嘅印象。原因係下身衣服長度同鞋嘅顏色問題,整體顯得厚重不清爽。就算係鍾意黑色配搭,亦令人有「過晒龍」嘅感覺,畢竟季節正值夏天。

しず@WEAR

OK例子:

就算係長及腳踝嘅下身衣服,只要一改腳上顏色,就能輕鬆打造輕盈感。如果選用顏色搶眼亮麗嘅鞋,反而會成為印象「煩人」嘅穿搭,著白色或珍珠色等帶有清爽感覺顏色嘅鞋就OK!

[email protected]

上下身全黑配搭,襯以eye-catching嘅緊身款式,所以腳上配搭有少少份量感嘅波鞋,可令全身配搭維持到平衡感。

[email protected]

波鞋穿搭NG理由4:衣服同波鞋兩邊都太eye-catching

有時太追求顯瘦配搭而全身搭配都太eye-catching,反而會令全身配搭失去平衡感,以其中一方為重點就好。

NG例子:

2018夏天潮流half pants,但著呢種褲款須小心注意鞋嘅配搭!Eye-catching嘅褲款再配以顏色鮮亮嘅波鞋,唔單止營造唔到顯瘦感,更會令人覺得勉強在展現顯瘦感。

こいろん@WEAR

OK例子:

如果無論如何都想以eye-catching嘅half pants襯顏色強烈嘅波鞋,必須利用較大嘅物件去作為配搭重點,例如大袋、手錶等,將重點轉移。

みやこ@WEAR

將波鞋由低筒換成高筒都已經好唔同。再加以配搭長身嘅薄外套,可令平衡感更好,提高style感。大藤籃袋更是全身配搭嘅重點物品。

ぴょん@WEAR

最新吃喝玩樂資訊