開運大法
開運大法

【開運大法2】No plan去旅行會催運?!科學評論家教你開運大法|3大問題驗證運氣好壞

日本

廣告

【科學催運2/5】聞說7月尾又會有一次水逆出現,喺努力跨越呢段期間嘅同時,有咩可以催運呢?上次同大家分享過,性格變得外向可以提升運氣,今次再同大家睇睇另一種性格行為點樣催運啦!

撰文:Carmen|圖片來源:《ホンマでっか?!RANKING》

3大問題驗證運氣好壞

答題方法同上次一樣,分有1~7分,1係最唔同意、4係普通(沒偏向任何一邊)、7係非常同意,根據番自身情況嚟選擇相應分數。

問題1:能立即同轉校學生建立好關係(1~7分)

問題2:對雜誌嘅「最新家電」特輯非常在意(1~7分)

問題3:同異性短時間就能變得友好(1~7分)

計算方法:將3題答案數字相加,合計多過13分嘅,就係善於接納新事物嘅好運之人。

問題測緊咩?

呢3條問題主要測試個人對新事物嘅接受能力。據認知科學評論家・中野老師所說,善於接受新事物嘅人之所以比較好運,係因為呢類人通過接受不同嘅新事物,從而提高留意到機會之處嘅能力,願意接受新事物令呢類人嘅目光放得更廣、更遠。

無計劃嘅旅遊可催運?!

據中野老師所講,毫無計劃嘅旅遊較大機會遇到無法預測嘅事情,進行不作周詳計劃,只管享受旅程嘅訓練能夠令運氣變好!

因為唔知會發生咩事,所以反而更令人覺得有趣同值得期待。