臭豆腐 元朗 芝士奶蓋 黑糖珍奶 尚品坊 掃街小食
臭豆腐 元朗 芝士奶蓋 黑糖珍奶 尚品坊 掃街小食

【出街搵食】元朗即叫即炸臭豆腐!芝士奶蓋冷泡茶+黑糖珍奶|元朗掃街小食|

飲食

廣告

臭豆腐,雖是小眾口福,但懂欣賞者,必對此物有癮。 可惜,臭豆腐一身奇香,鋒芒太露,早年招惹官非, 今天在香港街頭,一件夠味得體的臭豆腐,買少見少, 「 真係好食嘅舖頭,五隻手指數得晒,我想做番呢種懷舊味道。」 於是,臭豆腐癡阿 Yuk,索性拉上老婆創業,開間手沖茶店,小食獨賣臭豆腐。

獨沽一味 !即叫即炸臭豆腐

店子開在元朗千色附近,租貴競爭大,沒有琳瑯滿目燒賣魚蛋多款 選擇,用臭豆腐獨步教育路,真係得?「 我又冇驚過,真係做得好,一味就夠!」老闆阿 Yuk 自信說道。

店子雖開在元朗舊式商場,但裝修簇新光猛,格局跟大街那 些台式茶飲店相似,甚至更加乾淨企理,後場炸爐不見油漬,也沒有濃烈滷水和油煙臭味。

「一件臭豆腐!」「十分 鐘,OK? 」類似對答,此起彼落。老婆收銀,阿Yuk就從雪櫃拿出臭豆 腐,豆腐是供應商達興即日新鮮來貨,與灣仔那間影帝愛店,屬同一貨 源。大大件的鹽滷豆腐,滲出淡淡膻臭,叫排隊者垂涎。

「 出面好多炸定 放涼吹凍,已經唔係細個種味,一定要即炸,要慢火炸,先好食!」阿 Yuk 將一件件豆腐落進滾油,噼嚦啪啦,不時翻動,細心看著細嫩的氣 孔,十分鐘過去,膨脹成金黃的酥皮,出爐!

開半,上籤,入袋。客人 接過,雙手捧到立食位置,熱得要摸摸耳珠,才將豆瓣醬、甜醬盡情唧 在金黃酥皮上,熟客還要加上小店獨有的酸青瓜,這樣才叫過癮。

醬料都自家調過,酸青瓜是 阿Yuk 個人喜好,吃來酸 爽,配臭豆腐,確有驚喜!

精挑細選!冷泡茶+芝士奶蓋

即炸臭豆腐,固然香口火氣足,不過大快朵頤,難免上火,好在這 裡有手沖茶為你清熱潤喉。「 家人自小就會帶我上茶山,對茶葉也算略懂 一二。」阿Yuk 實在謙虛,店裡做的不是連鎖模式,用茶粉茶碎大批沖 泡,反而只用原片茶葉,都是精挑細選,如白牡丹,就來自福建政和 「茶葉都選用當季時令,像白牡丹就在夏天最靚,消暑解燥,尤其適飲。」

冷泡茶還可配上近年大熱的芝 士奶蓋,用原磚忌廉芝士發打而成「 配方我測試了半年,我敢講,跟大 陸那間名店,做得有九成相似。」術業有專攻,獨賣臭豆腐,配一杯好 茶,小小店子的膽識和用心,值得佩服。

尚品坊

地址:元朗西菁街9號富盛大廈地下15號舖 (顯示地圖
電話:9856 2971
營業時間:星期一至四1:00pm-9:30pm,星期五至六及公眾假期 1:00pm-10:30pm
備註:只收現金

延伸閱讀:

【出街搵食】西貢食街鹹蛋黃炸髀!500g即炸巨型雞髀+金沙單骨雞翼|西貢掃街小食|

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..