冠軍獎品1晚迪士尼酒店！迪士尼主題跑2018 100隻Pixar、迪士尼表演者為你打氣＋Pixar選手包

Jun 26 2018

近年跑步已成港人的熱門運動，減肥修身一流。而一眾卡通人物也乘著跑步熱潮，紛紛推出主題跑，繼熊本熊和小丸子後，終於來到迪士尼主題跑2018了！比賽會在迪士尼進行，大家可以在睡公主城堡前「狂奔」，沿途會有100隻Pixar、迪士尼角色為你打氣，而且有勁靚Pixar選手獎牌和T-Shirt，成件事又熱血又夠「童話」！

撰文：Keith ｜圖片：有關機構

迪士尼主題跑2018 Pixar獎牌、T-Shirt＋100隻Pixar、迪士尼角色為你打氣

記者近排開始跑步，因為女朋友落Order，要我減掉肚腩。不過齋跑有時都好悶無動力，如果你也是怕悶的一群，今次的迪士尼主題跑2018就啱晒你了。這個主題跑會在迪士尼樂園內跑一圈，參加者可以跑勻園內各大設施，包括會經過睡公主城堡。而沿途會有100隻Pixar、迪士尼角色和表演者如《反斗奇兵》、《怪獸大學》和《超人特攻隊》為你打氣，就算幾攰都有鬥志繼續。而另一吸引之處是選手包，當中包括Pixar主題T恤、號碼布等，而完成賽事更可得到Pixar獎牌，上面有毛毛、米奇、巴斯胡迪，粉絲必入手。

超人特攻隊10K賽事冠軍獎品：迪士尼酒店 1 晚住宿

比賽分4個組別，分別是「超人特攻隊 10 公里跑」、「怪獸大學 5 公里跑」、「反斗奇兵 3 公里跑」及「米奇與好友兒童跑」，大人細路都啱玩！而主題跑勁受歡迎，去年創下近萬人報名參賽。今年10K賽獎品更加吸引，賽事分為四個年齡組別，每組最快完成賽事的首三位將會贏得獎品例如：迪士尼酒店住宿 1 晚、酒店自助餐及迪士尼Tsum Tsum足金飾物，大家要跑快一點啦！