賤男
賤男

賤男大盤點!娛樂圈7大世紀人渣 背妻偷食/家暴老婆/欺騙感情!男人總是犯同樣的錯誤|影視娛樂

影視娛樂

廣告

賤男滿布娛樂圈!近期電台DJ細So偷食人妻練美施(Macy),以及懷疑是第四者的31歲爆乳人妻張紫語(Jelly),仲連累老婆要一齊走去驗性病,實在是令人髮指!除咗細So外,其實以往都有不少劈腿、甚至棄糟糠的賤男,同樣令人咬牙切齒!以下7個賤男你要看清楚!為何男人不知道什麼是前車可鑑,總是犯著同樣的錯誤?

撰文:東方新地|圖片:新傳媒、Instagram、微博 | 編輯:少冰少甜@central

盤點娛圈7大世紀賤男

1. 密食賤男 細So

前商台DJ細So(蘇耀宗)背住自己老婆偷食,而且仲唔係一個,係兩個!仲要專食人妻,貪無手尾跟!第三者係人妻練美施(Macy),前年Macy做身體檢查發現有濕疣,性行為更出現出血,驗身後才知中了HPV,Macy因此質問細So,細So承認並向她道歉,對方更默認為細So做人工流產。及後細So更向她自爆有第四者,疑似小四身分是人妻的31歲張紫語,她曾參與ViuTV音樂節目《Show Time我主場》。細So老婆陳穎楠(阿Wing)知道老公係出面偷食已經夠傷心,仲要驚俾佢傳染性病,走去驗身,真係雙重打擊,細So可謂今期最賤!細So偷食事件曝光後,於個人社交網站上發出帖文,親自承認出軌。

2.「安心偷食」 許志安

上年許志安、黃心穎的「安心偷食」事件,鬧得滿城風雨。兩人被爆出在車廂內互相背著另一半偷食,而且還有激嘴影片!而當事人許志安亦隨即開記者招待會聲淚俱下向公眾及老婆Sammi道歉,更爆出經典名句「我係一個壞咗嘅人。」,被全香港人唾罵賤男!其後他取消了個人演唱會,但就得到老婆原諒。而黃心穎就潛水兼被TVB雪藏伺候,馬國明亦和她分手,現在則和湯洛雯拍拖。

3. 極級人渣 周永恒

自認係人渣的世紀賤男周永恒與趙頌茹在2010年結婚,育有兩個女兒,不過2014年爆出Roy搭上同公司的助手兼藝人劉依靜(Ruby)!同時人渣Roy家暴阿Yu,又出口話要離婚同爭撫養權;更登阿Yu娘家家門,吐口水用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成,大快人心!2018年又再入紙申請再婚,女方係細佢兩歲的內地女友陳薇(Britni)。

4. 專食空姐 李潤庭

《東張西望》主持李潤庭與任職空姐的太太Crystal Wong於2011年結婚,不時在網上放閃,給人顧家好老公的形象。不過李潤庭2016年時卻被爆趁任職空姐的太太外出工作時,與小三在赤柱街頭親熱,狂摸對方Pat Pat之餘又公然激吻,偷食都唔識「東張西望」!早喺結婚五周年紀念時,李潤庭在網上大晒與太太的恩愛合照,不過慶祝翌日就被影到帶小三回家!新聞一出,李潤庭即時被瘋狂鬧爆,疑似小三身份亦迅速曝光!據知小三Tiffany已是一名人妻,育有一對仔女!結婚前,竟然係與正印Crystal同一間公司的空姐!

5. 超級冇品 魏駿傑

魏駿傑1998年與滕麗名拍《陀槍師姐》撻著,人前人後都好似兩公婆咁,情侶關係一直維持至2007年中,二人正式分手。當時圈中人都覺得好奇怪,原來魏搭上比自己年輕廿載的重慶女子張利華,翌年更火速跟張利華結婚生女。後來滕麗名爆魏駿傑婚後用短訊求復合,背妻再想搞前度,冇品王仲唔係你?!

不過早年張利華就被爆與前港隊單車名將鄧宏業暗中撻著,兩個人撐完枱腳去散步,男方幫張利華拎手袋仲攬埋腰,似乎關係非淺。雖然兩夫妻曾因此事吵大鑊,不過之後佢哋已經和好如初,魏駿傑更豪擲千七萬購入獨立屋送畀老婆!可惜今年張利華又偷食外籍男,張利華和魏駿傑兩人現在已經離婚。

6. 劈腿色狼 郭政鴻

滕麗名與冇品王魏駿傑甩拖後,於2008年被爆與郭政鴻拍《桌球天王》演情侶,啜出真愛。當阿滕以為搵到個好男人,兩人發展迅速,成為公認一對,但原來男方一直呃住阿滕結咗婚仲生埋女,阿滕又被蒙在鼓裡,自己做咗小三都唔知!直至2010年9月被傳媒影到,阿滕才知道又愛錯人。阿滕2013年時跟圈外男友朱建崑結婚,終於覓得如意郎君!

7. 淫狼代表 陳浩民

陳浩民2011年時被東方新地拍到於橫店拍劇時藉醉狼吻陳嘉桓,又對佢上下其手,以致要攜即將臨盆的太太蔣麗莎開記招,聲淚俱下向陳嘉桓道歉!在眾目睽睽之下,陳浩民硬拖著大肚妻子蔣麗莎上演大龍鳳不特止,短短7分鐘記者會中,浩民一哭二鬧三鞠躬四道歉,臨走時還作狀發軟蹄,要大肚妻攙扶,結果扮死狗失敗,更被網民罵個體無完膚!

撰文:東方新地|圖片:新傳媒、Instagram、微博、許志安訪問截圖 | 編輯:少冰少甜@central

即睇更多:細So偷食案又有新料!疑似小四艷片曝光 男方專食白滑爆乳人妻

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..