日本 生活禁忌 禮儀
日本 生活禁忌 禮儀

【日本禁忌】日本生活7大禮儀及禁忌|木筷子應該打橫開、幫晴天娃娃畫頭髮會招雨

日本

廣告

【日本生活禁忌】日本係個好講究禮儀嘅國家,而且對神明非常敬重,逗留喺日本時要小心唔好觸犯文化禁忌!睇睇日本電影《DESTINY 鎌倉物語》同ZIP!嘅合作特別影片,出遊前學定日本生活中嘅禮儀同禁忌啦!

撰文:Carmen|圖片來源:《DESTINY 鎌倉物語》x ZIP!特別合作映像

1|木筷子的打開方法

即棄木筷子不能垂直打開!因為會令人聯想起葬禮時嘅供品。

正確做法為將筷子打橫,上下方向打開。

而且垂直打開動作大,手肘容易撞到人。

2|不能用筷子敲碗

傳說用筷子敲碗會招來餓鬼、妖怪,比起縱向打開木筷子,呢個行為更加要不得!

3|夜晚唔可以吹口哨

吹笛係召喚神明及精靈嘅行為,但一旦喺夜晚吹口哨,就會變成召喚蛇或妖怪嘅行為!

4|唔可以幫晴天娃娃畫頭髮

將晴天娃娃頭頂畫黑,會令晴天娃娃變成「雨雲蓋頂」,由祈求晴天變成求雨嘅意思。

5|小心使用紅筆

紅字信件源自血書、血指印,用紅色筆寫信帶有絕緣嘅意思。

根據唔同地域傳統,用綠色筆都會有絕緣嘅意思,用筆記得小心呀!

6|掃把有神明寄居

相傳將塵埃掃淨嘅掃把,係「掃把神」寄居嘅道具,隨意踐踏等粗暴對待係NG行為!

7|掃把手持方向

將掃把上下方向調轉,變成掃把毛向天嘅話,等同趕走討厭嘅客人同妖怪嘅行為意思。