旺角酒店自助餐 任食神級和風料理 即製刺身丼+和牛+即燒串燒+大阪燒+梳乎厘班戟 @Dining娜
旺角酒店自助餐 任食神級和風料理 即製刺身丼+和牛+即燒串燒+大阪燒+梳乎厘班戟 @Dining娜

旺角酒店自助餐 任食神級和風料理 即製刺身丼+和牛+即燒串燒+大阪燒+梳乎厘班戟 @Dining娜

想一次過食勻全日本美食,唔使舟車勞頓去日本嘅,嚟旺角就得喇!因為今個6月同7月,香港康得思 酒店自助餐 餐廳The Place做緊「夏 ·日和風自助餐」,空運帶子、油甘魚、甜蝦,即製刺身丼;熱食有鐵板燒和牛粒、即燒串燒、海鮮大阪燒、甚至連今期大熱甜品梳乎厘班戟一樣係無限添食,Dining娜身為哈日族族長,真係以為自己返咗日本家鄉一樣𠻹。

(presented by 香港康得思酒店)

酒店自助餐 首度現場即製刺身丼 必食!!

食 酒店自助餐 最緊要係食物新鮮,喺呢到嘅刺身全部空運之餘,最無敵嘅就係大廚現場即席為我炮製刺身丼,肥美帶子、油甘魚、鮮甜甜蝦、北寄貝,簡直好食到食唔停口。仲有即場火炙三文魚壽司、海膽蝦壽司,配上獨家秘製醬汁,我Dining娜未食完已忍唔住大叫:「好~好~食呀!」

酒店自助餐
刺身丼的米飯飽滿又保持濕潤,與刺身結合成日系美食。

 

健師傅最後為刺身丼灑上菊花,令刺身丼外貌再加分,真係色香味俱全。
你睇帶子、三文魚、油甘魚、甜蝦、北寄貝、八爪魚全部肥美到想一啖食晒佢哋落肚~ Oishii!

 

刺身丼只限午市供應,不過晚市一樣有現場即製手捲,刺身手捲同樣鮮甜,不過我Dining娜就深深被軟殼蟹手卷俘虜住,香口鬆脆又惹味,好好食。

 

深受歡迎的冰上海鮮、即開生蠔、長蟹腳、龍蝦仔、青口繼續源源不絕任我哋食到夠為止。

日本名物~好食到停唔到口

除了即製壽司,我Dining娜一樣鍾情日本地道小食,我發夢都無諗過,我竟然可以坐喺旺角酒店自助餐入面,又可以試到香噴噴嘅鐵板燒和牛粒、充滿關西風味嘅海鮮大阪燒、道頓堀情懷嘅章魚小丸子及雞肉串燒!全晚最令我Dining娜念念不忘嘅,一定係日式麵豉焗半殼帶子,齒頰留香之餘,絶對感受到帶子同條脷談咗一場浪漫戀愛一樣。

本來只係日本普通街頭小食嘅御好燒,大廚竟然燒出比日本更和味呀!
章魚小丸子非常香口,外層酥脆,內層熱辣辣之餘又有爆醬口感,手勢一流。
大量高檔日式串燒任揀任食,我Dining娜推介大家必食牛舌、三文魚,一口入魂。
鐵板燒和牛粒香噴噴,肉質又腍又夠多汁,我Dining娜都Encore咗3次,辛苦晒師傅不停為我燒完又燒。

日式麵豉焗半殼帶子,鮮味肉厚,帶子肉夠晒彈牙!

我要食十碟~現場即造梳乎厘班戟

我Dining娜真係估都估唔到,食自助餐竟然有今期人氣大熱嘅梳乎厘班戟,仲要係現場即「柯打」。唔好以為即整就要等好耐呀,等大概5分鐘就食得!仲有靚仔大廚親手炮製畀我食𠻹!

靚仔大廚仲為梳乎厘班戟加上雪糕、蜜糖等配料。
梳乎厘班戟空氣感十足,「震騰騰」㗎!
日本最流行甜品,櫻花士多啤梨卷蛋,實在太邪惡,我一口氣食咗3件去抵制邪惡。
呃Like一流嘅蜜瓜蛋糕,入面充滿清涼開胃慕絲,濃濃嘅蜜瓜味,絶對驚喜。
Dining 娜覺得 The Place 地方夠闊落,而且今次佈置充滿和風味道,一大班人gathering真係似全部朋友齊齊飛咗去日本一樣。
餐廳門口有一個和風浴衣打卡區,原來只要係背景前影返一張最有趣嘅相,放上IG,加標籤 #CordisHK #ThePlaceHK,就有機會贏到二人自助晚餐餐券一張!

THE PLACE

地址:旺角上海街555號 (顯示地圖)
電話:3552 3028

「夏 ·日和風自助餐」

供應日期:即日至7月31日
自助午餐
供應時間:每日下午12時至2時30分
價錢:
星期一至五:成人: 港幣$338; 小童及長者: 港幣$268
星期六、日及公眾假期:成人: 港幣$408; 小童及長者: 港幣$308

自助晚餐
供應時間:每日下午6時30分至9時45分
價錢:
星期日至四及公眾假期:成人: 港幣$618; 小童及長者: 港幣$438
星期五、六及公眾假期前夕:成人: 港幣$658; 小童及長者: 港幣$478

最新吃喝玩樂資訊