胡慧冲 東京
胡慧冲 東京

【胡慧冲Fly!遊東京】冲遊東京 買模型玩具Cosplay無底線|泰國通遊日上癮

日本

廣告

講起胡慧冲(Roger),大家立即想到的,都一定會係泰國通,泰國事無大小都非常了解。但你又知唔知道,其實佢都係個日本通呢!15年前Roger 首次去日本,已經情根深種,近年更每年去東京3、4次,不過他又很專一地每次都只做一件事,就係瘋狂Shopping,狂掃新貨絕不忍手,並且在社交媒體上毫不吝嗇貼文,今次就由這位泰國通介紹「冲遊東京」吧!

撰文:Cynthia|相片:Woody、受訪者提供

變「泰」之前 早種日本情意結

Q1︱從甚麼時候開始迷上日本?

由小時候開始已經非常喜歡日本,無論是日劇、日本卡通都會追看,但當時人工太低、日本又太貴,去旅行多選泰國因而愛上。後來跟電視台做旅遊節目,終於可以初次踏足日本,對這個國家留下很好的印象。

雖然北海道遇見飄雪很浪漫,但胡慧冲大呻一個人看景真的太寂寞了,寧願去USJ玩番餐飽。
雖然北海道遇見飄雪很浪漫,但胡慧冲大呻一個人看景真的太寂寞了,寧願去USJ玩番餐飽。

直到5、6年前,事隔15年重踏當年拍攝地點,在北海道見到漫天風雪,瘋狂浸溫泉及自拍,到處都影到好靚嘅相,日本的良好感覺一直沒有減少。相隔一年,我一個人再去了東京15日,就好像是去了大觀園,覺得所有事情都十分新奇好玩,更開始瘋狂購物,自此就沉迷去日本了。

【胡慧冲Fly!遊東京】冲遊東京 買模型玩具Cosplay無底線|泰國通遊日上癮

Q2︱曾去過日本哪些地方?

之前曾跟電視台去過北海道,後來又再重踏舊地,而京阪神、沖繩這些熱門地方都去過,雖然有不少地方都值得懷念,有時都會想再去番,不過慣了自己一個去旅行,齋去睇景點影幾張相,又好無聊,又唔想跟團,所以後來都無再去。

【胡慧冲Fly!遊東京】冲遊東京 買模型玩具Cosplay無底線|泰國通遊日上癮

而近年就為了可以Shopping 不停去東京,又可以自己一個去,行動又比較方便。

【胡慧冲Fly!遊東京】冲遊東京 買模型玩具Cosplay無底線|泰國通遊日上癮

好多人都覺得日本不是獨遊的好地方,但Roger卻樂此不疲。
好多人都覺得日本不是獨遊的好地方,但Roger卻樂此不疲。

獨遊日本 專注做喜歡的事

Q3︱最喜歡在日本做甚麼?

好多人去日本都係為咗食,但我對日本菜沒甚興趣。去到日本最愛做的,一定係去Shopping,搵動漫周邊產品、書刊及公仔等,大家可能都知道我是007和咸超迷,所以我每次去東京,都一定會去中野Broadway買懷舊玩具,那裡都是東京旅行最易跌錢的地方。

中野Broadway這種舊式的收藏店,可以發掘到很多珍品。
中野Broadway這種舊式的收藏店,可以發掘到很多珍品。

除了中野,我必定去買三宅一生、山本耀司的服飾,去原宿買波鞋等,每次都會買到好多嘢返曼谷。所以喺日本咁多個城市當中,我最愛的始終係東京,一年都大概會去3次左右,等買開的店有新貨推出,即去添新衣買新鞋,瘋狂入手!

去日本Shopping,是胡慧冲的最大目的。
去日本Shopping,是胡慧冲的最大目的。

Q4︱為甚麼每次去日本都係自己一個?

日本我真係唔會同朋友一齊去,因為呢啲無共同嗜好嘅嘢,係好難一齊去。為了買嘢我飯都唔食,每日行幾百公里(!),如果呢種行程同朋友去,返嚟真係無朋友做!我呢種有特殊興趣的人,去日本有個明確目的,唔係為打卡的人,比較啱自己一個人去,唔係好易無朋友。

去舊書店尋寶,找找經典作品、漫畫,也是指定行程之一。為了找一本想買的電影雜誌,一日只食一個包都無問題。
去舊書店尋寶,找找經典作品、漫畫,也是指定行程之一。為了找一本想買的電影雜誌,一日只食一個包都無問題。

Q5︱在日本Shopping 時很瘋狂嗎?

絕對是!有一次我去神保町古書街買舊的電影雜誌,真的廢寢忘餐,又尿急,又肚餓,雖然明知無人會同自己爭,但依然係唔想停,間間店都想行勻搜刮每個角落,記得中途只好去M 記小解同食個包。另外又試過睇中了一對鞋,同款買了兩隻色,結果一次都無著過!甚至好多時件衫試上身,明明唔合身,平時一定唔會買,但喺日本你就會諗,今次唔買,下次嚟都可能無喇喎,咁不如買咗先啦,結果就買了很多無用嘅嘢!

一口氣買咗10副泰八郎眼鏡,就知道他有多愛日本品牌了!
一口氣買咗10副泰八郎眼鏡,就知道他有多愛日本品牌了!

幪面超人忠粉 戴住面罩暴走日本

Q6︱對日本動漫熱愛到怎樣的地步?

我喺日本真係心口有個勇字,比起在泰國更瘋狂的,是試過戴住幪面超人面罩周圍去影相!當時去東映太秦映畫村花咗好多時間同心力,本身住在大阪,先要搭車去到京都,再轉的士先去到,我仲要不顧廉恥地帶件怪獸衫去,扮怪獸要店員幫我影相!

縱使身後有大班人群,但依然無懼目光,全套武裝同偶像影相。
縱使身後有大班人群,但依然無懼目光,全套武裝同偶像影相。
戴著面罩朝聖追星但勇字當頭就冇有怕!
戴著面罩朝聖追星但勇字當頭就冇有怕!

仲有一次幪面超人45周年紀念,在涉谷Parco 商場有展覽,為了這個展覽我專登由泰國飛去,著怪獸衫、戴面罩去會場影相。當年扮演超人2號的男演員開了一間居酒屋,我同朋友慕名一齊去,除咗搵佢簽名,又戴住面具同佢合照,回想真係好瘋狂。

胡慧冲與超人2號的扮演者合照,可以看得出這位日本明星有點尷尬。
胡慧冲與超人2號的扮演者合照,可以看得出這位日本明星有點尷尬。

Q7︱你會推薦日本一定要去哪個地方?

秋葉原有個叫萬世橋的地方,橋下面有好多賣文青東西的店舖,上面有間餐廳在火車站上蓋,我已經去了3次。坐在餐廳外的玻璃屋,左、右及前面三邊,可以同時見到有火車經過,無論日與夜去,都非常震撼同過癮!為咗可以影一張浪漫的相,我試過早上10點鐘去等,點知11點才開門,當時外面非常凍,但我為了可以見到呢個靚景,死企喺出面唔願走!最後就超開心,可以不停自拍、影到好多相,不過如果大家想去,都係揀夏天好啲!

甚少為打卡而踩景點的胡慧冲,都被這間餐廳吸引,走了3次。
甚少為打卡而踩景點的胡慧冲,都被這間餐廳吸引,走了3次。

愛店一訪再訪 最愛仍是泰國

Q8︱泰國同日本 你比較喜歡哪個地方?

始終都係泰國,日本對於我來講,係適合shopping 的地方,但唔適合長住。冬天3點就感覺開始黃昏,5點天黑,但你早上早出門又無嘢行,店舖未有咁早開,全日可以玩的時間唔多。之前去日本買相機,店員不停游說我買腳架,我無幫襯,一落樓發現鏡頭花了,上去再搵店員幫手,點知佢話:「今次就幫你整啦,但你唔幫我買腳架,你下次唔好再嚟喇!」那次令我感覺非常不好。不過,我又覺得每個地方都有陰暗面,對於我來說,東京真係一個購物的好地方,絕對會一去再去!

日本對於Roger來講,係適合shopping 的地方,但唔適合長住。
日本對於Roger來講,係適合shopping 的地方,但唔適合長住。

全新登場!《新假期FLY!旅遊天書》第3彈

想搵東京及關東地區的最新最潮資訊,記得買《東京+近郊・富士山自遊攻略》新假期最強旅遊天書,一書兩冊介紹超過400個人氣景點,帶住天書去旅行,搵路無難度!

售賣點: 全港各大書局、OK便利店及VanGo便利店有售 6月15日上市

《新假期FLY!旅遊天書》第3彈<br srcset=
《東京+近郊・富士山自遊攻略》一書兩冊8″ width=”1000″ height=”702″ /> 《新假期FLY!旅遊天書》第3彈
《東京+近郊・富士山自遊攻略》一書兩冊$118