睫毛增長 濃密 美容液
睫毛增長 濃密 美容液

【日本藥妝】一支打造濃密長睫|雜誌實測:10支最有效睫毛美容液

日本

廣告

【日本藥妝】「喜歡你~那雙眼動人~」講到動人雙眼,又點少得濃密、細長嘅眼睫毛呢!小編身邊擁有超長、又超濃密眼睫毛嘅朋友,多數都係男仔⋯令我哋班女仔非常羨慕!但每日用睫毛液同睫毛夾,唔多唔少都會對睫毛造成傷害,所以用開嘅朋友記得入手番支睫毛美容液呀!一齊睇睇邊支最好用!

撰文:Carmen|圖片來源:《LDK》

測試方法

日本雜誌《LDK》搜羅咗由平民品牌,到醫用品嘅10支睫毛美容液進行各方面嘅測試,評定出最好用嘅產品!

Check 1:2個月後嘅變化(評級:A+~D)

雜誌早前進行700人讀者調查,詢問大家使用睫毛美容液最期待有咩效果,近50%讀者期待「增長」效果,另外亦有近30%讀者期待「濃密」效果。所以,今期《LDK》就安排真人測試,持續使用睫毛美容液產品2個月,將前後對比效果供100人查看,判定能唔能夠睇得出明顯變化。

雜誌會準備對比圖,讓100個監測者將貼紙貼在佢哋認為係2個月後變化嘅圖片上。2個月後嘅圖片上貼紙愈多,就代表變化愈大、愈明顯。

Check 2:使用方便度(評級:A+~D)

每日使用先發現原來意外地麻煩!讀者調查中亦有唔少意見係「太麻煩所以放棄了」。有見及此,就由2個月間每日都用嘅測試者,評定邊支用起來最方便、容器設計最好用。

Check 3:成分(評級:A+~D)

睫毛美容液價格差別非常大,有可以喺藥妝店買入,約1,000円左右嘅產品,亦有可高達7,000円以上嘅,醫用品或網購品。咁大嘅差別,關唔關成分事嘅呢?呢個就交由毛髮嘅專家嚟評定!

測試結果

第10位:Loreal Paris Renewal Lash Serum

售價:1,080円

2個月後變化:D(正確人數:36/100人)

使用方便度:B

成分:D【好成分:修復霜(活化毛囊組織)|壞成分:變性乙醇(刺激性強)】

過半數人睇唔出前後變化,而且含刺激性強成分,對敏感嘅眼部尤其唔好。但刷頭設計方便,易刷。

第9位:heroine make Watering Eyelash Serum

售價:1,080円

2個月後變化:D(正確人數:46/100人)

使用方便度:D

成分:C【好成分:蜂王漿提取物(促進血液循環)|壞成分:TEA、乙醇(容易過敏)】

同樣過半數人睇唔出前後變化,而且含較多刺激性強成分。刷頭為嫌過大,好難刷。

第8位:AVANCE Lash Serum EX

售價:1,944円

2個月後變化:C(正確人數:53/100人)

使用方便度:D

成份:B【好成份:感光素301號、泛醇基乙基醚(促進毛髮生長)|壞成份:乙醇(容易過敏)】

增長感太少,而且刷頭粗大,一不小心會容易刺到眼。

第7位:DHC Eyelash Tonic

售價:1,620円

2個月後變化:C(正確人數:59/100人)

使用方便度:D

成分:B【好成分:豆瓣菜提取物、尿囊素(促進毛髮生長)|壞成分:無】

增長感少,而且刷頭前端的金屬部分會刺到睫毛根。但沒有任何刺激性成分,可安心使用!

第6位:SCALP D BEAUTE Pure Free Eyelash Premium

售價:3,460円

2個月後變化:C(正確人數:58/100人)

使用方便度:A

成分:C【好成分:Laminaria Angustata Extract(促進毛髮生長)|壞成分:硅烷二醇水楊酸酯(有機會引起發炎)】

增長感一般,而且含刺激性強成分。但刷頭柔軟,能吸著充分美容液,不小心碰到眼睛亦無痛感,只需於晚間使用非常方便!

第5位:SCALP D BEAUTE Pure Free Eyelash Serum

售價:1,730円

2個月後變化:B(正確人數:67/100人)

使用方便度:B

成分:C【好成分:生物素三肽-1(促進毛髮生長)|壞成分:硅烷二醇水楊酸酯(有機會引起發炎)】

近70%監測員正確分辨出前後變化,效果不俗。刷頭亦與premium一樣柔軟好刷,但因需早晚塗抹,未能算是非常方便。

第4位:ALLERGAN JAPAN Glash Vista

售價:19,440円

2個月後變化:A(正確人數:91/100人)

使用方便度:C

成分:A【好成分:Bimatoprost(促進毛髮生長)|壞成分:苯扎氯銨(刺激性強)】

是需經由醫院處方的藥物,測試者表示2個月測試後,被身邊朋友誇讚睫毛長了很多,增長效果明顯。刷頭為個別包裝,每用一次需再拆新刷頭來用,很不方便。成分中參有刺激性強的物質,敏感性皮膚需小心注意。

第3位:RevitaLash Advanced Japan

售價:10,584円

2個月後變化:A(正確人數:79/100人)

使用方便度:A

成分:B【好成分:生物素、Ethyl Tafluprost Amide(促進毛髮生長)|壞成分:小麥蛋白】

連因貼假眼睫毛而被意外拔掉的,眼尾部分的眼睫毛,在使用第3天起慢慢重新長出來!滿足度高!刷頭幼細柔軟,很好塗之餘,一天只需塗一次,很方便。

第2位:FLOWFUSHI The Matsuke Biyou-Eki

售價:1,296円

2個月後變化:B(正確人數:68/100人)

使用方便度:A+

成分:A+【好成分:EGF、乙醯基四肽、紅車軸草提取物(強效促進毛髮生長)|壞成分:無】

加入了品牌獨自的營養成分,2個月後不單減少了睫毛脫落情況,全體更稍稍變得濃密。測試者稱用睫毛夾時能感覺到睫毛變得強韌。另一方面,塗抹方法是擠到手上再塗上睫毛,比睫毛液式刷頭更方便好用,亦較衛生,非常優秀!

第1位:ALLERGAN Lumigan

售價:7,020円

2個月後變化:A+(正確人數:100/100人)

使用方便度:C

成分:A【好成分:Bimatoprost(促進毛髮生長)|壞成分:苯扎氯銨(刺激性強)】

需經由醫院處方,買入較為麻煩,但效果非常明顯!適合想於短期內看到效果的人!但刷頭為個別包裝,每用一次需再拆新刷頭來用,很不方便。不過雜誌認為,效果太顯著,即使使用時較麻煩,還是值得使用的。